Ka Nupepa Kuokoa, Volume LXII, Number 51, 20 December 1923 — KOMO HOU MA KA MARE. [ARTICLE]

KOMO HOU MA KA MARE.

Oiai ua houpuupuia ae ka mare hou o ke Kamaliiwahine Kaianianaole i ke kane, no ka elua o ka manawa, ua hoea mai i ka hooiaioia ana o ia houpuupu ana, mamuli o kona mare ana niai nei ia Mr. James Frank W oods ina Kapalakiko ma ka Poalua iho nei, elike me ka hoike i loaa mai i keia kulanakauhale. Ma keia mare hou ana o ke Kamaliiwahine Kalanianaole i ke kaue, ua pau- iho la ke o ana o ka inoa hoohanohano i kau aku maluna ona; eia nae he mea no e haaheo ai ka manao, ina ka lawe ana mai i inoa hou nona, ma o keia mare elua ana, oiai o ka inoa o ka ohana W'oods, kekahi inoa maeniae a hanohano loa ma Hawaii uei, a o ko laua hoohuiia ana ae ma ka berita o ka mare, o kekahi ia o na mare a ko Hawaii nei poe e pono ai e haawi aku i na hoomaikai kiekie ana ia Mr. ajne Mrs. W'oods. Mamuli o ka hoike okoa ana ae o ka Makai Nui Trask i kona manao, o ia kona makemake ole, e hooikeike ae i ke Kakiana Makaikiu Kellett, ma ke poo o na niakaikiu, no .ka oihana makai o Honolulu nei, elike me ia a kekahi mau alakai kalaiaina Demokarata i ake mai ai e hanaia aku, ua maopopo loa, ua paa ko'na manao, e hooko aku i kana mau mea i kalahea aku ai imua o na mana koho baloka, e hooniaemae aku ana oia i ka oihana makai, ma ka hoonoho ana aku, i na kanaka i kau aku ai kona hilinai piha, no ka oili mai o na liopena e mahaloia ai ka oihana e na makaainana o kdia leulanakauhale. +++ Ina aia i'o he pokole # o na dala oloko o ke l keena wai o Honolulu nei, elike me ia i loaa aku, mamuli o ke kuekaaia ana o na huke pili dāla o kela keena, alaila e pono e hopuia ka limahana i ili aku ke ko'iko'i o kela pokole maluna ona a mau limahana lehulehu paha. O ka hoopauia ana o Daniel S. K. Pahu, ka mea malama buke o kela keena mai ka noho hana ana maloko olaila, aole ia i lawa, aka e lawe koke ia ae na keehina palekana apau, e liiki ole ai ke pulapuia aku ke aupuni, mamuli o ka houlolohi wale ana.