Ka Nupepa Kuokoa, Volume LXII, Number 51, 20 December 1923 — HE HOOMANAO POINA OLE, NO KUU KANE, ALOHA GEORGE KAUHI, UA HALA. [ARTICLE]

HE HOOMANAO POINA OLE, NO KUU KANE, ALOHA GEORGE KAUHI, UA HALA.

Me ka ehaeha ame ke kaumaha 0 ka naau, ke noi aku nei au i kou oluolu, e ka Lunahooponopono o ka Nupepa Kuokoa, e ae oluolu mai oe 1 kauwahi kaawale o ka hiwahiwa a ka lahui, no ka'u wahi puolo luuluu a ke aloha, o ia hoi kela e kau ae la maluna, a nana hoi ia e uwila aku ma na mokupuni like ole, mai Hawaii moku o Keawe a Kauai Manookalanipo, i ike iho na makamaka mo na hoa me na keiki ame ka ohana apau. Ma Oneloa, Honokahua, i ka ehu ahiahi o ka po Poaono, Nov. 17, 1923, he mau minuke i koe kani ae ka hora 6, oili pulelo aku la ka uhane o kuu kane aloha, a waiho iho la kona kino puanuanu na'u na kona hoapili, am« ka ohana e hoopuni ana i kona moe make e lulumi iho ana me ka naau ehaeha e hana mao ola ana, aka © hoonani aku no kakou i kona inoa ihiihi loa, ho ka mea ua kii mai la no ka Haku ,hale a lawe aku la, o kona kuleana no ia.

Ua hanauia kuu aloha ma Hilo, Hawaii, mai ka puhaka mai o kona mama Kaupe me kona Papa Kauhi, 0 ka nui o kona mau makahiki he »57 a oi, hanau i Mei 31, pela kana olelo mai ia'u, a hoonaauaoia no mnlaila. Mailaila mai komo i Lahainaluna hemo mai i ka M. K. 1882, a mareia maua i ka 1883, nolaila ua piha na makahiki he 40 a oi ia maua, iloko o ia mau makahiki i nohoia e maua, ua hoopomaikaiia no maua 1 na hua he 11, lawe aku ka make 9 koe mai 2. Ua noho kumukula he mau makahiki, a pau hoi i ka mahiai kalo, kahi lawai'a no hoi, i ola no keia noho honua ana; kuu kane i hele aku la he hele pule, aole e haule iaia ka. hele ana a na ka nawaliwali i honoho iaia i kauhale. He lunakahiko oia no ka ekalesia, he lala a hoa hana no ke Kula Sabati, a lala C. E., a he hoa paahana no ia mau aha apau, aloha no hoi ke hoomanao ae ia mau la i piliia ai. Aloha Halena e ku nei, kahi a maua i pili ai e alualu ana i na pono uhane, kahi ana i alo ai i na inea o keia noho ana. Aole wahi paa maanei, Nolaila ko ke ao uwe. U 010 nae ka mea, maikai, Ho maha kona maluna ae, Ma kela ao. Ua oi aku ke kamaaina o kuu kano i kuu aina nei mamua o na kamaaina maoli aole mea koe iaia, kona ano he oluolu, he noho malie, aohe ona liana wale mai ia'u, na'u ka hana ma na ano apau, he lokomaikai he heahea i ka poe ke hele mai i ko maua homo nei, aka ua hala oia me kana mau haua maikai Jhpau. Ua lawa paha keia kanaenae uuku nona no ka mea he kela hou keia akahi no a kiei aku ma kou oneki, nolaila i ko'u hoopau ana, ke haawi aku nei au i ko'u hoomaikai pelena ole 1 ko makou haleu aina a makua 0 makou, D. T. Pleming no kona lawo ana ae i na ko'iko'i o ka pahu ma o ke kalana la, pela pu me Mr. ame Mrs. Kukahiko, ko olua lioomanawanui pu ana me makou oiai kona mau la. e leamau ana, pela me oe e kuu kaikamahine me kuu moopuna, Mr. ame Mrs. Kahue, pela pu me oo e kuu keiki J. laela na oukou i malama iho la a nana no 1 pauaho mai la ia oukou, aloha wale, a maluna ae o na mea apau, ke haawi aku nei au i kuu hoomaikai palena ole i ka poe apau i ku kiai pu me a'u i kela po, a ao pela me ka poe hookani pilia i hoohauoli mai a hala aē la 'kau wahi luuluu, no oukou huiia apau loa ko'u hoomaikai. Pe]a pu mo ka poe apau i ka'i aku i kona huakai hope, ahiki i ka luakini ana i aloha ai, mailaila aku a ka lua, hoopau na hana malalo 0 ke alakai ana a ko makou haiolelo, J. Kukahiko, a hoi aku Ia ka lepo i ka lepo, aole oia e hoi mai io'u nei, aka oAvau ke helo aku ana 1 ona Ja. E hoonaniia kona inoa kiekie loa malu ma ka honua he aloha no ia kakou apau loa. Ko haawi aku nei au i ko'u hoomaikai ia oe e ka Lunahooponopono ahonui i kou ae oluolu ana mai me kou mau kela. Owau no mo ka luuluu, MRS. M. P. KAUHI, Me ka Ohana. Halaulani, Honokohau, Maui.