Ka Nupepa Kuokoa, Volume LXII, Number 51, 20 December 1923 — HE HOALOHALOHA NO KA MAUA LEI ALOHA HELELOA ROBERT KALEI MOMI PIIMAUNA. [ARTICLE]

HE HOALOHALOHA NO KA MAUA LEI ALOHA HELELOA ROBERT KALEI MOMI PIIMAUNA.

Mr. .Solomon Hanohano, Lunahooponopono o ka Nupopa Kuokoa, Aloha oe a nui:—E oJuolu mai oe no maua kekahi -wahi kaawale o ka hiwahiwa a ka lahui, no ka maua puolo waimaka a luuluu no ka maua lei heleloa Robert K. Piimauna i ike mai ai na kini ame na hoaloha e noho ana mai ka hikina a ka la i Kumukahi, a ka welona a ka la i Lehua. Ma ka Poalima la 1 o lune, i ke kula ka maua lei, auwina la, hookuuia mai e ke kumukula e hoi o ka hoomaka ana keia o ka pilikia, o ia hoi ma ke opuupuu wawae, peliu ae la, aole nae i ka nui loa. Ma ia po a ao aole e hiki pono ke moe, holo ae la ka eha mahope o ke aa o ka wawae, iluna © kau ai. Ua huli no hoi i na laau hooluolu, a kuai, aolē he loaa o ka ! maha. | Poakahi leakahiaka, ano maikai : mai ana ,hiki ke kuu ilalo ka wawae, me ka manaolana e pan ae ana la hoi, oia ka o ka oi loa ma ia. Poalua kahea i ke kauka o Hana. Ma ia auwina la, ua hoea mai la ke kauka ua okiia no hoi ma kahi 0 ka pilikia, oiai no nae ua hala ka wa pono. Mamua aku o ka hiki ana mai o ke kauka, ua puu ka olelo, walaau olohewa no hoi; aole he huaolelo a ke kauka ia maua hookahi wale no, hoauau a maemae. Ua moe ke kauka ia po ma ka home o na Marciel. Kakahiaka Poakolu ae, hiki hou mai ke kauka no ka nana ana. "Auwe no hoi ka mea ehaeha o ka naau c!" E hailiili wale ana no. 0 ka pane a ke kauka, Poor Robert." It's too late. Ma ka hoike a Dr. Lichteulel i na Marciel he blood poison, he ma'i hikiwawe loa keia. Nolaila ua haalele mai ka maua lei iiloha i ka Poakolu kakahiaka hora ewalu Ia 6 o lune 1923 & waiho iho la i- ka ukana luuluu a ke aloha mahope nei na maua- e lei aku. Ua hanauia ka maua lei aloha ma Halaulani, Kaupo, Maui,- i ka la 28 o Maraki 1907, mai a'u aku kona mama aloha Mrs. Eebecca Piimauna ame kona papa Joseph Piimauna, nolaila ua piha iaia na ma-! kahiki he 36 ame ka mahina keu o ka hanu ana i na. ea huihui o keia ola ana. Auwe ka mea minamina 1 ke keiki e! l'a haalele iho la oia mahope nei he knikuaana na kaikuahine ame na kaikaina. Ke ano o ka maua keiki he aloha makua he akahai he haahaa, he oluoiii. he hoomanawanui i ka nele aMic ka ilihune a he nui wale aku na ano maikai a ke Akua i hookau iho maluna ona. He ia nn niana e poinn 010 ai. E hoo-

nana ac ana i ke aloha pehea la ia e pau ai. Nawai e ole ke aloha ua nui ka hoi ua huli i ka loaa. I ka ewalu o kona mau makaliiki, ua loaa mua iaia na kina ma ka lima ma ke ano ulia, o ia hoi, hina a komo ka lima akau iloko o kc kapuahi, mamuli o ia pilikia, ua lele aku hookahi manamanalima. I ka 14 o na makahiki, ua laweia i Hana Hospital, malalo o ka hooponopono ana a Kauka Litchenfels. He eono manawa i okiia ai, ua puka mai oia mo ke ola kinn maikai. "O kahi o ka pilikia, ua unuia mai ke aa o ka lima aole hiki pono ke hana. Mamuli o ka piha akamai o neia kauka, ua kuu ka lima ilalo, lelo hou no hoi hookahi manamanalima, a koe iho la ekolu manamana. Maluna ou e Kauka Litchenfel3 ka maua hoomaikai palena ole; pela no hoi me oe e Misa L. Choy, e oluolu e lawe aku i ka maua mau hoomaikai palena ole ia olua, oiai ua malamā olua me ka maikai. Pela no hoi me oe e Mrs. Josephine Marciel aole au i poina ia oe. Ua nele kaua i ka lei momi, ua hala i ke ala hoi ole mai. Mamuli o kau mau kokua i ka mea ilihune, puuwai hamama, aloha i ka hoakanaka, mea ole na pali me ka momi a kaua, ua hoomanawanui ia e oe me kou lawe pu ana i na ko'iko'i o ko alahele no ekolu manawa. E oluolu e ke kaikamahine puuwai hamama Josephine Marciel e lawe aku i ka maua hoomaikai palena ole. Ia olua hoi e Mrs. Louisiana Keawe ame Mra. Elena Smith no ko olua ku kiai ana me maua i na hora o ke kaumaha o ia hoi Poalua a po a ao ae i ka Poakolu a hala wale no ko olua kaikunane, Mamuli o ka olua mau kokua e puili like ana e hoonana ana hoi oiai ua hele mai la a kupouli ka noonoo, ua hana nae olua i na hana ku i ke alolia a maua e poina ole ai. Oluolu e lawe aku i ka maua hoo. maikai palena ole. Pela pu no hoi na hoaloha, na makamaka, na ohana i haawi mai i na lima kokua. Pela pu hoi ka oukou mau makana pua i hoowehiwehi iho maluna 0 ka maua lei aloha. Oluolu e lawe aku i ka maua hoomaikai palena 010 ia oukou. No olua kekahi hoomaikai palena ole e na makuahine o ka home imi naauao o ka maua keiki, Mrs. Lily Marciel ame Mrs. Emma Kalohelani. Ua. hoopa mai olua i ko maua puuwai, ma o ka hoomaha ana o ke kula no elua la, me ka olua lawe hou ana ae i ke ko'iko'i ma ka hoolimalima ana i ke kaa kalaka o Nicholar Soon no ka lawe ana mai i na boke pua i hele a piha ke kaa ame keleahi mau haumana, a-pela pu hoi me olua e ka'i pu ana i ke alanui me na bo-ke pua 1 ka lima o kela ame keia hauma- | na.

Ua noho au i koia aina he 20 makahiki a, oi, aolo au i ike i kekahi mau hoohiwahiwa elike me keia. E ku poai ana kona mau hoa kula ma ha'i o kona pahu ame na kumukula me ka mele ana i na himeni hoalohaloha e iho makawalu ana na waimaka. He ku ike aloha ke nana aku ame ka eehia pu. Mahope iho o ia manawa, ua mele mai na makuahine ame na makuakane o ka aoao Kalawina i ka himeni, Hele mai na luhi, luhi kaumaha nei. Na ka makuahino Josephine Kamai i hoomaikai, ku i ka walohia ame ke aloha. Ma ka ilina o ka ekalesia Kakolike i hoomoeia aku ai kona kino lepo, a ko iho la ka olelo a ka Buke Nui, e hoi ka lepo i ka lepo. Auwe kuu keiki, kuu hoa pili, kuu hoa hele, kuu hoa luhi, kuu hoa pupue o ke anu, auwe kuu lei momi e, kuu minamhia pau ole e! Nolaila o maua na makua i hooueleia i ke keiki, ke haawi aku nei maua i na hoomaikai palena ole ia oukou na ohana, hoaloha, na makamaka no ko oukou komo pu ana mai me maua e kumakena. Ko haawi pu aku nei maua i na hoomaikai he nui, na hoaloha i Tce kiai ana a ao ka po me maua, a pela pu hoi ka poe eli lua hapai pahu ame ka lehulehu apau i ka'i pu aku i kana huakai lieleloa, aloha ino! E. oluolu e lawe aku i keia mau hoomaikai, a na ka Makua ma ka lani e aloha mai ia kakou apau Amene. Me oe e kuu Solomon Hanohano ko maua aloha nei, ame na keiki o kou papapa'i ko maua welina. O maua iho no na makua i hooneleia i ka lei aloha. JOSEPH PIIMAUNA, MRS. R. PIIMAUNA, Kaupo, Maui.