Ka Nupepa Kuokoa, Volume LXII, Number 51, 20 December 1923 — HOOPIIIA AE HE KALAIWA NO KA HOLOINO [ARTICLE]

HOOPIIIA AE HE KALAIWA NO KA HOLOINO

I kulike me ka hoakaka no kekahi mea hou o k.a hoikeia ana ae, he Kepani kalaiwa kaa oto nona ka inoa o Ynmachika ka i hopuia e ka makai o Waialua no -ka holonui me ka noonoo ole i ko hai pono, a niamuli o ia holonui noonoo ole ana i hookui aku ai kona kaa i kekalii koa e hele wawae ana maluna o ke alanui a eha. Ma ka hoopii i hookomoia ae no ia Kepani holonui, mahope o ka hookui ana o ke kaa oto i ke koa aohe i ku iho ke kaa, ua hoomau aku ia no ke kalaiwa i ka holo ana, a e ole ka kekahi kaa 0 ka holo ana mai ma ia alanui, na ia kaa i lawe ae i ke koa i ehu 1 ka halema'i o na koa no ka lapaau an amai i kona mau wahi i eha. I kulike me ka hoakaka a ka Hope Makai nui H. H. Plemer o ka hoike ana ae, mawaena o na pukapa nui elua o ke kahun o na halekoa ma Leilehua kahi i hookuiia aku ai o ke koa ma ka po o ka Poaono o ka pule aku la i hala. He koa ka mea i eha, wahi a ka hope makai Plemer. Oia hookahi wale no ke bedewawae ana ma kona manawa i hookuiia aku ai a haaleleia iho me ia eha maluna o ke alanui, o kona, wahi i laki ai ua loaa koke oia mahope iho i kekahi mea 0 ka holo ana aku a laweia ae i halema'i o na koa, a oiai aohe no ka i ko'iko'i loa kona eha, manaoia e haalelo koke aku ana 110 oia 1 ka halema 'i maloko o kekahi mau la kakaikahi. Ua paa o Yamac'hitka, "ke kalaiwa holonui noonoo ole i wa hopuia e ka makai o Wailua a ua hookuu hou ia ae nae oia mahope iho o kona bonaia ana he $250, a ma ka PoAkahi iho nei kona hookoloia ana ma Waialua.