Ka Nupepa Kuokoa, Volume LXII, Number 50, 13 December 1923 — E PAU NA HOOHAUOLI HOOPILIKIA [ARTICLE]

E PAU NA HOOHAUOLI HOOPILIKIA

Ke hookokoke mai nei ka la Karisimaka, kekahi o na la kulaia ano nui i hoomanao mau ia ma keia kulanakauhale. Ke kakali nei kekahi poe, o ka hoea mai o ke ahiahi mamua iho o ka la Karisimaka, no ka hoohauoli ana ia lakou iho, me na liana e hoopilikia aku ana i ka poe e hele ana ma na alanui. E pau na hoohauoli ana o kela ano e pono ai; 110 ka mea ?ole he hauoli i'o iloko olaila, ma ka hoopilikia ana aku i na wahine ame na kaikamahine opio ma ke kiola ana i na pepa maluna o ko lakou mau poo, ka palaoa maka, ame kekahi mau mea e ae, i ku ole i ke ano keonimana. Malia paha he hana paakiki ka hoopau ana i kela ano hoohauoli, i lawelawe mau ia, i na la Karisimaka ae nei i hala, oiai ua kamaaina koonei poe i ka ike ana ia mau hana; ma ka mea oiaio maoli, aole he paakiki, o ka hoopau ana, ina e ala okoa mai ka lehulehu, a hoike i ko lakou mau manao ku-e maoli, ma ka lawe ana ae i na keehina, e kau ai ka maka'u ame ka weli, inaluna o na kanaka kolohe, ka poe i manao, he mea hauoli no lakou, ka ike aku i ka hoopilikiaia o na wahine ame na kaikamahine e hele ana ma na alanui ma kela ahiahi. O ka la Karisimaka, he la ia i kupono no na hana Kristiano apau e lawelaweia, i kulike ai me ka manao maoli o keia la; i ke komo ana iloko o na hoomanao ana ame na hoohauoli ana no keia la, he mea pololei maoli, ke hoomanaoia me na hana apau i ku i ke ano keonimana, ke ano kokua, a mau ano e ae, i oili mai mamuli o ko kakou ola Kristiano ana, aole o na hana a kakou ponoi no i makemake ole ai, a i hoowahawaha ai. Pehea la ka manao o na kanaka opio i hoolilo i kekahi mau huina dala mahuahua, ma ke kuai ana i na mea hoopahupahu, na pepa liilii, ame na mea'hoopaiakuli pepeiao, no ka hoopilikia ana aku i ka poe e hele ana ma na alanui, ina 0 ko lakou mau makuahine ame ko lakou mau kaikuahine, ka, i hookauia aku na hoopilikia ana maluna o lakou, me na mea a kela poe kanaka opio, i hoomakaukau ai no ka hoopilikia ana aku iā ha'i? Aole ana lakou e hoihoi, e lilo ana lakou i poe hikimua ma ke ku-e ana mai, ame ke kupale ana i ko lakou mau ohana. O na dala i hooliloia aku. ma keia ano hoomaunauna, 110 na hoohauoli waiwai ole, elike ae la me keia 'maluna, ua 01 aku ka hauoli iloko o ka poe na lakou ia mau dala, ina e hooliloia ana no kekahi mau mea kupono, a haawi aku i ka poe pilikia, a i ole i ko lakou mau ohana, i hemahema ma kekahi mau mea o ka noho ana. E aho no, ina o ka poe i nele i na manao makee no ka pono o ka hoa kanaka, o lakou\wale no ke lawelawe i na hana hoopilikia, aole nae pela ka mea ike mau ia. ua komo pu na kanaka opio apau, me na kanaka makua pu kekahi, mai ka poe Kristianft a ka poe Kristiano ole iloko o na hoohauoli ana o keia ano, no keia kumu i manao ai keia pepa, ua hoea mai i ka wa e hoopauia ai na hana o kela ano, a e hoala aku ka lehulehu i na ku-e ana, ma ka hana. Eha mau kaikamahine liilii i emi iho na makahiki malalo o ka umi, i hoopoinoia ko lakou mau kino opiopio, e kekahi poe kanaka i nele na manao aloha no lakou, i kulike ai me ka hoike i waihoia ae ma ka halawai a ka Ahahui no ka Pono o na Kanaka. Maluna o na makua o kela poe kaikamahine na ahewa koi'oko'i e pono ai ke hooiliia aku, no ko lakou hoohemahema wale i ka lakou mau keiki. ,