Ka Nupepa Kuokoa, Volume LXII, Number 50, 13 Kekemapa 1923 — NA PILIPINO PEPEHIKANAKA. [ARTICLE]

NA PILIPINO PEPEHIKANAKA.

Ua ahewaia he elua mau Pilipino. maiwaena mai o na Pilipino ehiku, no ko laua pili i kfc karaima pepehikanaka ma ke degere ekahi, mamuli o ka pepehiia ana o Francis Wright a make he mau pule lehūlehu ae nei i hala, a o ka hoopa'i i kauia mai maluna o laua., o ia no ka liia aku maluna o ka amana likanaka. Ua kupono i'o kela mau Pilipino e make, i pana'i no ke ola a laua i lawe ae ai mamuli o kekahi hana i hoolalaia, me ka manao pepehikanaka; a e pono no hoi i ko laua mau hoa, "i emi iho ko lakou hewa, ke noho hana i ko lakou hoopa'i maloko o ka halepaahao, no na makahiki loihi. Ma ko kakou kamaaina i ke ano o na Pilipino ma Hawaii nei,.he keu keia a ka lahui hoopilikia maoli, ma na ano i ku-e i ke kanawai, a ua nui n akaraima pepehikanaka i lawelaA\*eia e kekahi poe o keia lahui, me ka minamina ole i ke ola, nolaila he mea pono, e nbho mana mau ke kanawai maluna o lakou, i wahi e a,'oia ai, aole e lanakila ka mea pepehikanaka ma Hawaii nei, aka o kona ola ke pana'i aku ana 110 ke ola o ka mea ana i pepehi aku ai a make. Aia no he poe Pilipino maikai iwaena o keia lahui, elike no me ia i ikeia iwaena o na lahui kanaka apau ma Hawaii nei, pehea nae ko lakou maikaū ina no e komo ana lakou o kekahi mau anaina e ala mai ai he hakaka, a i ole mau hana hakihaki kanawai e ae paha, aole lakou e hoehakalia iho ana i ka hookau ana aku i ka make, no ka mea o ko lakou ano iho la no ia, elike me na mea oiaio a kakou i ike ai iloko o na makahiki ae nei i hala, no ka oi aku o na hana pepehikanaka i lawelaweia e na Pilipino.