Ka Nupepa Kuokoa, Volume LXII, Number 50, 13 December 1923 — KE NOI HUIKALA I NA KEPANI HOOPAHU KIANA PAUDA. [ARTICLE]

KE NOI HUIKALA I NA KEPANI HOOPAHU KIANA PAUDA.

Ma ka pule aku la i hala i waihoia aku ai imua o ke Kokua Kiaaina Brown he palapala noi, i kakauinoa ia e kekahi poe I\ristiano, ame kekahi mau kahunapule, e uwalo aku ana imua ona. e mai i na Kepani elua i hoopa'iia, no ka hewa hoopahu i kekahi o ko laua hoa kanaka i ke kiana pauda, a e noho hana mai nei maloko o ka halepaahao i ko laua hoopa'i. Eia ke Kokua Kiaaina Brown ke noonoo mai nei i kanamea e hana aku ai no kela palapala noi, e kauka'i ana, i ka pane a ka Loio Kuhina Matthewman, ka mea ana i waiho aku ai no ke a'o ana mai iaia, ma ke alahele pono a pololei. elike me ia i koiia aku ai oia, e hoohana i ka mana a ke kanawai i hookau aku ai maluna ona. He kuleana ko na hoaloha o ka poe i hoopa'iia e ke kanawai, e uwalo aku ai imua o ke kiaaina, no ka huikala ana mai i na paahao, malalo o na kumu kupono, he kuleana hoi ko ke kiaaina e ae mai ai, a e hoole mai ai paha i ko lakou makemake, nolaila aia maluna o ke kiaaina ke koikoi o ka hooholo ana i keia ninau ano nui. I ka hoihoi ana aku i ko kakou noonoo ihope, i ke kahua ame ke kumu o ke ala ana mai o ka hana hoao e hoopahu i ke kiana pauda, malalo o ka home o kekahi Kepa'ni ma Olaa, Hawaii. aole ia no ka manao maikai, aka ua hookahuaia mamuli o ka manaoino ame ka manao pepehikanaka. Aole kakou i poina i ka olohani nui i hoalaia ae e na limahana Kepani o na mahiko ma Oahu nei, he mau makahiki i hala aku nei; ua' lawelawe maoli ia na hana hakihaki a ku-e kanawa-i, e na alakai o kela hana, o kekahi o ia mau hana hakihaki kanawai, o ia no ka hoakoakoa ana ae o na Kepani he umi-kumamalima i ahewaia no ka ohumu a hooholo e hookau aku i ka make maluna o ko lakou hoa kanaka,, mamuli o kona lokahi ole ana mai me ko lakou manao, e hoala i ka olohani iwaena o na limahana o na piahiko. Aole nae i hookoia ka manao pepehikanaka o kela poe Kepani, mamuli wale no o ka ulia laki, o ia kona hiamoe ana me kona ohana maloko o kekahi ru'mi okoa o kona home, 0 kona hale nae ka i poino, i ke kiana pauda, i hoopahuia e ka poe manaoino, ka elele o ka make i hoounaia aku e na Kepani lokoino, i minamina ole i ke ola, koe wale no ka hookoia o ko lakou manao puuwaieleele, e lilo na limahana Kepani apau i mau meapaahElna no ko lakou mau manao haakei, e noho mana maluna o ka oihana kanu ko ma liawaii nei. O kekahi o na kumu mka aoao o ka poe uwalo no ka pono o na paahao, no ko laua huikalaia, o ia no na maku.-i palupalu, ame na keiki makuaole, e noho mai la- ma lapana 1 kauka'i mai ai ko lakou pono, maluna o kela mau paahao: pela hoi ko laua lilo ana i mau Kristiano, oiai e noho paahao ana. Ma ka manawa e hoolalaia ana ka hana e hookau aku ai i ka make maluna o ke Kepani ma Olaa ame kona ohana, ina ua oi aku ka makee o kela mau Kepani paahao, no na makua paiupalu a no na keiki makuaole, e noho mai la ma la]>ana, ina aole laua i ae aktj e hooko i kela hana, aole nae pela ka mea i ikeia, ua ae aku laua e hooko i ke karaima, mc ka nana ole ae i ka pono o ko laua mau ohana; a keia pepa e manao nei; aole i kupono e huikalaia aku kela mau paahao, aka, e lilo ko laua noho paahao ana, me ka lawelawe i na hana ikaika, i haawina a'o kupono loa, aole no laua wale r«o. aka no Kepani apau, i manao, he hana lealea wale no na Kepani apau, i manao, he hana lealea wale no ia lakou, ke ku-e ana i ke kanawai, ame ka hoopoino ana aku i ke ola o ha'i. O ko laua lilo.ana i mau Kristiano, oiai e noho ana maloko o ka halepaahao, fte pomaikai ia no laua ponoi iho, aole nae ia he kumu no laua e huikalaia ai. O ka hoole ana o ka Loio Kalana Heen, e hoakaka ae i kona manao kanawai, e pili ana i kekahi mau keehina e hanaia aku no na paahao, .elike me ka palapala noi, i ka nana aku. aole oia i makemake e owiliia aku iloko o kekahi hana. ko'iko'i i kuleana ole ai oia, koe wale no ka hooko ana aku i ke kanawai, ma ka imi ana i na ike apau e ahewaia ai ka poe hakihaki kanawai apau