Ka Nupepa Kuokoa, Volume LXII, Number 50, 13 Kekemapa 1923 — PEPEHIIA HE KOHOLA A MAKE MA KAUAI. [ARTICLE]

PEPEHIIA HE KOHOLA A MAKE MA KAUAI.

Ma ke Sabati, Dekcmaba 2, i kulike ai. me kekahi meahou o ka hoounaia ana mai no keia kulanakauhale, mai Lihue, Kauai mai, i pepehiia ai kekahi kohola nona ka loa o ehiku kapuai, a nona hoi ke kaumaha o eha haneri paona, e kekahi Kepani nona ka inoa o Fujimoto, ma kapakai o Wailua. I kulike ai me kela meahou, e lawai'a ana o Fujimoto ma kela Sabati, ma kahakai o Wailua, a iloko o. kona hikilele, ua ike aku la oia i ke kupaka o kekahi kohola, ma kahi papa'u o ke kai, e hiki ole ai ke hoi hou no kahi hohonu. Me kekahi pauku laau nui, 1 hele aku 'ai kela Kepani no kahi o ke kohola e kupaka ana, i wahi nona e hoea aku ai i kahi hohonu, a pepehi aku la i ke kohola ahiki i ka make ana. Aole e hikl iaia liookahl wale no, ke huki i kela kohola ahiki i ka pae ana nouka o ka aina, nolaila kii aku la oia i kona mau hoaloha, a i ko lakou hoea ana mai, ua hoi-1 hoiia ke kohola nouka o ka aina,' mo ka lilo o leela kohola i mea ma--1 kaikai nui ia ma kela Sabati holookoa, e na kanaka. Ma ka Poakahi ae ! okiokiia ai kela kohola, a o ka i'o ua haawiia aku i na hoaloha o Fujimoto, i mea ai, a wahi a na Kepani, he keu aku ka ono o ka i'o o ke kohola i ka palai.