Ka Nupepa Kuokoa, Volume LXII, Number 50, 13 December 1923 — HAINA NANE. [ARTICLE]

HAINA NANE.

I ka Lunahooponopono o ka Nupepa Kuokoa, Aloha kaua a nui I°a:—E oluolu mai kou lokomaikai, e hookomo iho i ka'up haina o ka nane a Mr Kawaikaumaiikamakaokaopua, o ia hoi keia: O ka hapamua o ke kama, pili i na meaulu a ke Akua i hana ai ma ka honua. Haina. Pua. He pua ko na meaulu a ke Akua i hooulu mai ai ma ka honua, Nona keia walii hooheno: Nani wale ka pua i Honoluīu, E hikii nei i ke kaona: O ke kama pili i na moku waapa, waa, na holoholona, na mealele, na meakolo ame na kanaka apau o ka honua nei. Haina, Hi-o. E oluolu mai e ka Lunahoopouopono, o ka huaolelo hi-o, he nui ke ano, he kapalii, aka, i mea e pili pono ai, eliko me ka makemake o k amea nana ka nane, o ia hoi, ina e huiia ka mahele mua o ke kama, me ka mahele elua, pau ka ike ia ana o ke kama a ua keiki la o ka makakila niho elepani. I na pela ua pololei ka niuau. Owai ka inoa o ke kama a ke keiki o ka pali kapu o Keoua? Haina. Puahio. Ua puahio aku la ka ua nalo i ka nahele. Me ka manaolana mau, ua loaa pono aku la na hua nioi a ke keiki o ka pali kapu o Keoua, i ka makani ai maunu o kuu aina hanau. Me ke aloha nui i ka Lunaihooponopono ame na limahei o ka Nupepa Kuokoa. M. M. NOENOEUAKEOHANA, Ohi mai la oe e ke hoa i ka puahiohio, he neo ka mea loaa, hoao hou ia mai!—L. H.