Ka Nupepa Kuokoa, Volume LXII, Number 50, 13 December 1923 — HE MOOLELO NO ALIKA A I OLE Ke Ao Omamalu o Kekahi Karaima Pohihihi Mamuli o ka Manao Lili [ARTICLE]

HE MOOLELO NO ALIKA A I OLE Ke Ao Omamalu o Kekahi Karaima Pohihihi Mamuli o ka Manao Lili

Hakalia no a pau ka ai ana, ua nonoi mai la ke Kenerala Vona Odela e hookuu aku iaia, oiai aole i noho pouliuli kela aliikoa, i ke kulana mawaena o Lola ame Elioka, nolaila he mea maikai ole nona ka noho hou ana aku iloko o kela anaina, h. ike aku ia Lola, ke kaikamahine i haulehia ai oia i ke aloha, aia kona noonoo i ka mea okoa loa. I ka hala ana aku hoi o ke Kenerala Vona Odela, ua kauoha mai la o Kauka Vana Dona ia Alika, e hoi oia e hooluolu, a o ka manawa no hoi ia i olelo ae ai na mea apau e hoi like no lakou e hooluolu, oiai ua hele a maluhiluhi, nolaila hoi aku la o Lola me Mrs. Vana Dona ame Alika, a lioi aku la no hoi o Elioka me Mr. Kepala. I ke ao ana ae ma kekahi la mai, ia Mr. Kepala hoi ame Elioka e noho ana māluna o ko laua mau noho, ma ka aoao o ke pakaukau, e ai i ko laua aina kakahiaka kamailio aku la 0 Mr. Kepala. "Auhea oe e kuu keiki, ua palekana kakou apau mai na poino mai, a ke paa nei kuu manao, aole ana e hiki i ko makuahine hanauna ke hoopilikia hou mai ia oe ma keia hope aku. Ua ku maoli ua makuahine lapuwale nei ou i kahi o ka hoka me ka hilahila, no kana mau hana hoopilikia maluna pu o Miss Perekona, aka nae ua hala aku la na la o ka pilikia, ke kaumaha ame ka luuluu, ua oili olua iwaho o ke awalulu o ka maha ame ka lanakila. "Ke makemake nei au e lohe i kou manao, no ke ano o kau hana e lawelawe aku ana, ke loaa. ia oe ka oluolu maikai mai keia kulana nawaliwali ae ou." j "Aole he mea i maopopo ia'u i keia manawa no ka nee ana 1 o keia mua aku, oiai he mau mea lehulehu ka'u e noonoo ana, j i ka wa i hoi hou mai ai ke kulana maikai i ko'u kino." "Ae, ua pololei oe e kuu keiki e kamailio mai la, he keu maoli no a ko'u poina. A olc kela he wahi ma'i uuku i loaa ia oe, aka ua aneane maoli no oe ma ka'e o ka lua kupapa'u. Pehea, ua paa no anei kou manao, ina e loaa ana ka ikaika maikai i kou kino, e hoomau aku, ma kau liana i koho ai?" "Ae, ua paa loa ko'u manao, ma ka liana kahakii, a ua lohi loa keia manawa no ka hoololi ana ae i kela hana. He hookahi wale no paha kumu nui, e konoia mai ai au e haalele loa i ka hana kahakii, aia a loaa mai he mau hooia ana, no ka nele o na pomaikai iloko o kela oihana. He mau kii kekahi a'u e hoopau aku ana i na hemahema no ka hana hoikeike, a ke haawi aku nei au i na mahalo ana he nui ia oe e A.nakala loba, no kou hoopakele ana ae i kela mau kii a'u, mai ka lilo ana i puulehu, ma kela po i pau ai ka hale o Mrs. AVadona, i ke ahi.

"He mau kii kela a'u i minamina loa ai, oiai ua hoohalaia he mau mahina e a'u ma ke kaha ana elike me ka'u i ike ai, pela e loaa ai ka maikai." "Ina aole oe i kamailio mua mai ia'u no kela mau kii, ina aole e loaa ia'u ka manao e hoopakele ia lakou, ua ike maoli no au, i ke poho o kou luhi, ina nei no ka pau i ke ahi, aka no na kii e ae, a pela me kau mau meahana apau, ua hiki ole ia'u ke hoopakele, aka he mau mea loaa wale aku no ia i ke kuaiia me ke daua." "Pela no, aka he nui nae ko'u minamina no ka'u mau meahana, a no kekahi mau kii no hoi, aole nae he waiwai o ka minamina ana iho, i ka mea hiki ole ke hoi hou mai . "No ka ninau pili dala, aohe au mea e hopohopo ai, ua lawa Vekinia iloko o kona mau pilikia, no ka ike ame ka hoohala ana i kekahi mau la me ka Lede Hita, a ua hoopihaia ko laua mau naau a piha me ka hauoli i ka manawa a laua i ike ai o na ehaeha ame na haawina hoopilikia apau i ko Vekinia noonoo mamua ua kaawale mai iaia aku, a ma kahi o kona ehaeha he hauoli ma ia wahi, me ka malaelae o ke alahele o ke ola ana o ia mua aku, no ka mea, ua hala hope aku na ao hakumakuma o ka ino. Ua holo mai o Mr. Naita me ke kaikuahine me ka manao e noho iho no no kekahi manawa pokole a huli hoi hou aku ij ke onehanau ma Amerika, aka nae, mamuli o ka Vekinia ka-ua ana aku e kali ko laua hoi a pau ka la mare o Rupata me Veki, | a e malamaia ana hoi ia hana ma ka pule Easter e hiki mai j ana, pela i hookalua iki ai ko laua hoi, a he hookauluaia ana 110 hoi i piha loa ai laua i ka hauoli, no ka mea o ia kekahi j mare hoohiwahiwa nui ia, a ua ku no hoi i ka ulumahiehie na hana apau, a o kekahi hoi o na mare i unuia mai ai ka hapanui o na kanaka koikoi o ka aina a akoakoa mamuli o ko lakou lohe ana i ka moolelo piha o ko Sa Wiliama Hita hookaawaleia ana mai ia Vekinia mai no na makahiki lehulehu. | a o ka wahine opio e mareia ana, o ka hūa ia i loaa ia laua iloko o ko laua manawa i mareia ai. O kekahi kumu i lulumi nui mai ai na hoaloha maka hanohano mamuli no ia o ka loheia ana aku he kaikamahine hanauna o Mrs. Hita na ka Haku Noatona, ke kanaka kaulana i ke kakau moolelo i make, a o ka wahine e mare aku ana o ke moopuna a ka Haku Noatona, a o ke kaikamahine ponoi no hoi a Sa Wiliama Hita o ka Hitadela. Ia Veki e iho mai ana ma ke alapii mai na rumi mai maluna, mahope o kona hoololi ana i kona mau aahu a komo mai la i kona mau aahu kupono no ka huakai hele, halawai mai la me ia ke Sa Wiliama a huki mai la ka makuakane iaia noloko o ka rumi waiho buke no ke kamailio ana aku iaia i kana mau olelo hope loa. Hookau iho la oia i kekahi puolo maluna o na lima o Vcki, alaila hoopili mai la iaia i kona umauma a pane iho la me na olelo oluolu loa o ke aloha keiki: "E kuu lei, kuu milimili, o keia ka'u makana mare e haawi aku ana nau no kau hoohana ana aku elike me kou makemake, a ke manaoio loa nei no au e hoohana aku ana oe ia me ka naauao loa; aka nae, e hoomanao oe i keia ina e ku ina ma kekahi manawa au e ulu ae ai ka makemake no keme ka naauao loa. O kuu mau waiwai apau nou. Ke ola wale nei no au a no ko makuahine, aoka Hitadela nei kou waiwai hooilina." Mahope iho o ka pau ana o ka mara ua hoohalaia kekahi mau mahina e ka paamare maloko o Amenka ma ka hele ana e makaikai ma na wahi kaulana like ole o ia aina puni ole, a mahope o ka pau ana o ka laua huakai makaikai ua hoi aku la laua maloko o ka home o ka Haku Noatona i lilo mai i ka makuahine, me ko laua hoohala i kekahi hapa o ka makahiki me na makua ma ka Hitadela. Ua hiki mai la kaua e ka makamaka heluhelu o keia moolelo i ka pahuhopu oiai ke hookokoke loa mai nei na la kulaia, o ke Aloha Kalisimaka ame Hapenuia no kou a hui hou aku kaua ma ke aiai o ka pepa ame ka eleele o ka inika. KA HOPENA.

kou anakala nei me ka iliili, e hoonee ai i keia hokele, a kiola aku iloko o ka moana; a i hoike aku nae au ia oe e kuu keiki ea, e hoea mai ana he manawa ma keia mua aku, e noonoo iho ai oe, ma kahi o kela pauahi, nana i hoolilo i ka home o Mrs. \Vadona i puulehu, he eleie ia i hoounaia mai, mai ka lani mai i?o ka hoomaemae ana." "Eia no ka manao, o ka'u mau olelo. Ma na hale apau i noho ai o Mrs. Wadona no kekahi manawa loihi, e pono lakou e hoomaemaeia eke ahi. E waiho ko kaua kamailio aku ia mea i keia kakahiaka. "Iloko o na makahiki loihi i kaahope aku nel, aole i neJe ke ala ana mai o na noonoo like ole, no ke ano o kau mau raea e hana ai, a oiai hoi, o kaua wale no ia e noho nei, mai kanalua iki oe i ka hoakaka ana mai imua o'u, no ia mau hana i noonooia e oe." "Aole a'u mea e kanalua ai e anakala, a i hoike aku no au ia oe i ka mea oiaio loa ea, he nui a lehulehu wale ka'u mau kakela 1 kukulu ai i ka lewa, a hookahi no alahele e hoea mai ai i ka ikeia ana o ia mau kakela, aia a loaa ia'u ka holomua ma ka'u oihana i keia mau makahiki aku, aole hoi elike me na makahiki aku nei i hala, ke poho wale o na manaolana. "Elike me ka'u i hoakaka mua aku ai ia oe, ua makemake au e uku aku i ka moraki maluna o kuu home kahiko, ina no ka loaa nui o ka'u mau dala, a hoomaemae hou aku i kela home ame ka aina, a hoi okoa aku malaila e noho ai, kahi e loaā ai ka maluhia. Ua kaha no au i kekahi kii, me na hoololiloli no ke ano e hana hou ia aku ai o kela home." "Ke ole au e kuhihewa, i kou hoolala ana no n* hoololiWi i manaoia no kou home, aole aku la no hoi e nele kou noonon pu e lawe aku i kokoolua nou e kohu ai ka noho ana maloko 0 kela kakela nui; o ia hoi ma kekahi olelo ana ae, e mare mua ana oe i ka wahine, mamua o ka hoi ana aku a noho malaila, o kou manao io maoli anei ia?" "Pela maoli no ko'u manao, oiai ua ike no oe, o ka homr 1 nele i kekahi wahine, he home ia i piha me ka puanuam?, aole hoi elike me ka home he haku wahine kekahi, he pumehana mau kona noho ana," wahi a Elioka ma ke ano pokole. "O ke ano ia o ke kamailio ana e kuu keiki," i pane hou mai p.i o loba Kepala, me ka nui ana iho o kona hanu, mamuli paha o ke ala ana mai o na hoomanao ana, no ke poho wale o kona mau manaolana, no na makahiki ana i hooikaika ai e loaa he home no ka wahine ana i aloha ai. "Heaha ka nui o na hoolilo au i manao ai, no ka hooponopr»no hou ana ae i ka home kahiko o kou mau makua?" "He ekolu kaukani dala ka moraki e ku nei i keia manawa, a ma ko'u manao he elima hanen dala hou ae, na hoolilo no na hemahema a'u i makemake ai e hanaia no ka home, ame ka hoomaemae ana i ka pa." "Ina ua makaukau oe me ke kii o na wahi au i makrmakai e hoomaemaeia kou home, alaila e. ae ana anei oe e hoikeike i kela kii ia'u'?" "Heaha auanei ka'u mea e hoole aku ai," me ke ku okoa ana ae o Elioka iluna no ke kii ana i na kii i kahaia, o na hemahema o kona home ana i makemake loa ai e hana hou ia a paa I ka huli hoi ana mai o Elioka me ke kii, a waiho aku la imua o ke alo o Mr. Kepala, pane pu mai la oia, i ka i ana mai: "Malia paha e manao iho ana oe, \ ko'u piha uhauha a piikoi, no na mea a'u i makemake ai e hanaia no ko'u home, o ke kumu mai no ea, ua pipili loa ko'u noonoo no kela home kahiko, a ua ku aloha no hoi, i kahi a'u i holoholo ai iloko o ko'i: mau la kamalii."

Nana iho la o Mr. Kepala i ke kii a Elioka i kaha ai. kf im >- imo la kona mau maka hookolohe, a i ka hala ana o kekaln mau minuke, aea ae la kona poo iluna, a nana mai la i kanaka opio, me ka pane ana mai: "Auhea oe e Elioka kuu keiki; ua mahalo maoli no au 1 kou makuahine, a ua nui pu ko'u aloha iaia; no ka mea iwaen.i o na wahine apau, he momi makamae loa kou makuahine iloko o ko'u noonoo; a i ka loaa ana ia'u o ka lohe, ua hala aku kou makuahine ma kela ao, ia wa i hooholo iho ai ko'u manao, e lilo au i hoaloha oiaio loa nou, kana keiki. "lle hookahi wale iho no au e ola nei ma keia ao, aole o'u ehana hookahi i koe, a he mau la kakaikahi wale no koe aīaih ukali aku au mahope o ka meheu o kou makuahine, me k? waiho ana iho i ka'u mau dala mahope nei, na kekahi mea r ai hookano. "Ina ma ko'u hoi ana mai nei i ka aina, a ke ola nei no o Emalaina kou makuahine, aole loa au e hoohakalia iho, i k* waiho ana aku i ka'u mau dala apau iloko o kona mau limn. aka aole oia ma keia ao, nolaila ia oe ana kana keiki, e hooih aku ai au i ko'u mau waiwai apau. "Ua huliia e a'u ka waiwai me ka hoomanawanui, a ua i'o au i kanaka waiwai loa i keia la, e hiki ai ia'u ke liooli].-» elike me ko'u mau makemake, aka nae he hana uhauha wa!e aku no ia, me ka loaa ole he pomaikai ma ia hana, nolaila r Elioka, ke waiho aku nei au i ka hoolilo ana i ka'u mau dal,i iloko o kou mau lima, elike me kau i ike ai he pono, a o ka'u wahi noi wale no, e loaa hoi ia'u, he wahi kuono, maloko o kou home, e hoomoe iho ai o ko'u poo, ahiki i ko'u hele ana aku ma kela ao." Aole e hiki ia Elioka ke kaohi aku i kona mau waimaka no na olelo ku i ke aloha a kela elemakule e kamailio aku ana iaia, ua hele maoli ke kanaka opio, a piha me na manao ilihia. 110 kona ike iho, eia ka mailoko mai o ka nele ame ka ilihune, e lilo ana oia i kanaka waiwai loa iloko o ka la hookahi ma o | Mr. Kepala, aka pane mai la nae oia i ka i ana mai: j "Me na mahalo he nui ia oe e Anakala loba," wahi ana ttk |ka haalulu o kona leo. "Ua nele au i na huaolelo kupono e pane aku ai imua ou; a he keu aku maoli no a ka nui o kou oluolu ia'u, aole wale no, mamuli o keia mau mea au e kamailio mai nei no ko'U pono, aka iloko o na la e hekau ana na ao hakumauma o ka poino maluna o'u. "He kulana kupilikii maoli no ka i halawai mai me a'u, aka na kau mau olelo hoolana, na kau mau hana ku i ke aloha oiaio, na ia mau mea i haawi mai i na manaolana iloko o'u ka mea nana i hoohikiwawe mai ia'u ma ke alahele e loaa ai ka ikaika i ko'u kino, a ua aie nui au i kou lokomaikai, ame kau mau hana aloha oiaio. "Oiai ua nui ko'u aloha, no ka home kahiko o kuu makuahine, me ka iini no hoi e kuleana maoli au i kela home, a e hoomaemae aku ma na ano apau e haaheo ai ka manao, rne he mea !a, aole he ano maikai iki, o ka lilo ana na kekahi mea okoa, e auamo i na mea apau a'u i ake ai e hanaia no kela home. "Ua paa maoli no ko'u manao, me ka hana a ko'u mau lima ponoi, e hiki ai ia'u ke imi aku i na alahele e hoopauia ae ai na pilikia apau o kela home. Eia me a'u kekahi mau kalena kiekie loa; ina no ka hoohanaia o kela mau kalena me ke kupono, e hiki ana e loaa ke dala ia'u me ka maalahi loa, a mawaho ae olaila, e loaa pu ana ia'u he inoa kaulana. "No na mea au i hoomaoe mai nei, i kupono e hoomoe i kou poo maioko o ko'u home; ua hamama na ipuka o kela home r-.ou i na manawa apau, a Ua hamama pu hoi kuu puuwai nou; a oiai ua hoohauoli loa mai oe i kuu uhane, mamuli o kou lilo ana, i mea nana e hookaa aku i ka moraki o kela home, mr kau dala ponoi, aole loa he mea oi aku o ke kupono, maloko o kela honie, elike la me oe." (Aole i pau.)