Ka Nupepa Kuokoa, Volume LXII, Number 49, 6 December 1923 — PAA KA PILIPINO MAHUKA I KA HOPUIA MA VICTORIA Holo Mahuka Oia Maluna o ka Mokuahi Niagara me ka Haalele Ana i Kona Bona o Umi Kaukani Dala [ARTICLE]

PAA KA PILIPINO MAHUKA I KA HOPUIA MA VICTORIA

Holo Mahuka Oia Maluna o ka Mokuahi Niagara me ka Haalele Ana i Kona Bona o Umi Kaukani Dala

Ma ke ku ana aku a ka Mokuahi Niakara no Yictoria, Britsish Columbia, ma ka Poaouo aku nei i hala, ka la 1 o Dekemaba nei, i paa ai ka lawehala i ka hopuia, nona ka inoa o Catalino Bitonio, kekahi o na Pilipino i hoopiiia, no ka make ana o "Francis Wright, mauka ae nei o Kalihi, a e hoihoiia mai ana oia, no ka hookolokoloia aku maanei nei. Ua holo mahuka kela Pilipino mai Honolulu aku nei maluna o ka mokuahi Niagara, ma ka inanawa a kela mokuahi o ka haalele ana iho ia Honolulu «ei, oiai oia e noho ana malalo o ka bona o umi kaukani dala, a ua- lilo hoi kona holo mahuka ana, i kumu e hoopilikiaia aku ai ka manao o kona mau loio, ame na hoa i ku bona nona. He mau pule lehulehu ae nei i hala, ka noho ana o lea aha liookolokolo a ka Lunakanawai Kaapuni Andrade, e hoolohe i ka' hihia o kekahi poe Pilipino i hoopiiia ae ai no ke karaima pepehikanaka; aka ma Poalua nae'o ka pule aku nei i hala, akahi no a hoomaopopoia, aole o Catalino Bitonio maloko nei o ke kulanakauhale, no kela kumu, ua hoopanee ka hoolohe ana o ka aha i kona hihia, ahiki i ka Poalima mai. Kauia he Uku Makana T ka wa i loaa ai ka ike i ka loio o kela Pilipino, ua holo mahuka oia a e ili aku ana kekahi poho nui, maluna o na Pake elua na laua i ku bona nona, ua kau koke ia ka uku makana o elima haneri dala, i ka mea e loaa ai o kela Pilipino. Me kela uku makana nae o elima haneri dala i kauia e ka loio, aole oia i hoohakalia iho, ma lea hoouna ana aleu he ke kaj,ena o ka mokuahi Peresidena Pierce, ka mokuahi i manaoia. aia kela Pi- | ' lipino mahuka maluna olaila, o ka pane nae o ka loaa ana mai, aole he Pilipino mahuka maiuna o kela mokuahi. Oiai o ka mokuahi Niagara ka i haalele mua mai ia Honolulu nei, nolaila ua hoouna hou 5a he kelekailapa ninau, no kekahi Pilipino, ma ka inoa o Bitonio, a o ka nuhou

hauoli, o ka hoounaia ana mai e ke kapena o kela mokuahi aia he Pilipino mahuka maluna o kela moku, ma ka inoa o Lui3 Labor; a ma na ano apau, ame kekahi mau hoailona maluna o ke kino o Bitonio, ua kulike loa ia me ka Pilipino maluna o ka Niagara. Ke Karaima i Hopuia ai. Ua hopuia o Catalino Bitonio me kekahi poe Pilipino e ae he ehiku ka nui niamuli o ka pepehiia ana 0 Franeis Wright ame ke kiia ana 1 ka pu panapana he mau pule lehulehu ae nei mauka o Kalihi. I kulilee ai me na ike ma ka aoao 0 ke aupuni, ma ka manawa e hooloheia ana ka hihia o kela poe Pilipino, ua hoehaia lie Pilipinp e Wright, ma kekahi wahi o ka malamaia ana o ka piliwaiwai lulu, a no ke]a hana, i hoomauhala ai na Pilipino ia Wright, ahiki i ko lakou pepehi ana iaia maliope mai. Ma ka olelo a kekahi o na hoikr na hele pu oia me Wright, ma ke ahiahi o kela la, no ka halekuai o kekahi Pake, kahi e akoakoa nui ana o na Pilipino, a malaila i hoao ai ka hoike, e hoomalimali i ka Pilipino i hoehaia, a oiai ka oia e hoomalimali ana, ua ae .okoa aku o Wright, i kona ku'i ana i kela Pilipino, a ia manawa i lele aluka mai ai na Pilipino maluna ona, no ka pepehi ana iaia, a i wahi nona e pakele ai, i hoomaka okoa ai oia e holo, ia wa i kiia aku ai ka pu panapana e kekahi mea maiwaena ae o kela poe Pilipino, a ku oia me ka hina ana ilalo. Aole i na ka inaina o na Pilipino, 1 kela ku ana o Wright i ka poka, aka ua liahau iho la lakou iaia me ka pauku laau ma kona poo, elike me na ike i waihoia ae imua o ka aha. na kekahi makai e hoihoi mai. ana i ka lawehala mahuka no Honolulu nei, malalo o na iilo o ka loio nana i bona i kela Pilipino, eia nae, no ke kupale ana aku iaia, i ka wa 'e hooloheia aku ai kona hihia ke hoea mai, ua hoole ae ka Loio Lymer, 4 kona kuleana e lawelawe hou ai i ka hihia o kela Pilipino, nana i hookomo aku iaia iloko o ka pilikia.