Ka Nupepa Kuokoa, Volume LXII, Number 49, 6 December 1923 — HALAWAI ME KA MAKE MA KA HALEWAI [ARTICLE]

HALAWAI ME KA MAKE MA KA HALEWAI

Me kekahi kumu i maopopo ole, koe wale no ka hoike a ke kauka, mamuli mai o ka waiona, i make ai o George Kema, maloko o ka halewai, ma ke kakahiaka o ka Poaono aku la i hala. He luina o George Kema, a i ka mokuahi Haleakala o ka huli hoi aua niai no Honolulu nei, ma ka Polima aku nei i hala, a oiai mawaho aō o Koko Head, i haule ai oia iloko o ke kai, a i ole lele maoli no paha, eia nae hoopakeleia oia mai ka make mai, a make aku la hoi maloko o ka halewai. Ua ikeia o Georgo Kema, mamua o kona lana ana iloko o ke kai, mo kekahi paiki, a he mau niinuko helu Tralo no mahope niai, i ike hou ia aku ai oia e lana ana iloko o ko kai. Ua hoopaa ia ka holo o ka mokuahi, me ke kiolaia ana he elua mau mea hoolana iloko o ke kai, no ka hoopakele ana mai i ka luina poino. Ua puliki o George Kema i kekahi o na mea hoolana, ahiki i kona loaa ana aku i ka waapa, a hoihoi hou ia mai noluna o ka mokuahi. I ke ku ana mai hoi o ka mokuahi Haleakala no ka uwapo, ua hoihoiia mai kela luina no ka halema'i o na poino ulia, ma ka nanaia ana, aole ona wahi i poino, aka nao mamuli no o ka manao o ke kauka, ua malamaia no oia malaila, i loaa ai he wa no ke kauka, e nana hou ai iaia. Ma ke kakahiaka nui o ka Poaono ae, i ka hele ana aku o ka lunapaahao e nana e moe ana no o Kema maloko o kona koena, aka nae ua loaa oia i kekahi ma'i, me ka haawi koke ia ana o ka laau, no ka hoopakele ana iaia, ua lilo nae ia hana i mea -waiwai ole, no ka mea ua make oia he mau minuke helu wale no mahope mai. —