Ka Nupepa Kuokoa, Volume LXII, Number 49, 6 Kekemapa 1923 — Lawe O J. Wise I Kana Hoohiki Pili Ohihana Lilo Oia i Poo no ke Keena Hooko i ke Kanawai Wai-Waiona Maanei E HOOMAU AKU ANA NO OIA I KA POE MUA Ma Keia Mahina ae e Hookohuia ai Kona Mau Kokua Hou ma ka Hana [ARTICLE]

Lawe O J. Wise I Kana Hoohiki Pili Ohihana

Lilo Oia i Poo no ke Keena Hooko i ke Kanawai WaiWaiona Maanei

E HOOMAU AKU ANA NO OIA I KA POE MUA

Ma Keia Mahina ae e Hookohuia ai Kona Mau Kokua Hou ma ka Hana

No ka lawe ana ae i kona kulana hou, he poo no ke keena hooko i ke kanawai hookapu waiona federala no Hawaii nei, i lawe ae ai o John H. Wise i kana hoohiki oihana imua 0 Waltcr Jones, ka luna olii i na loaa kuloko, nia ke kakahiaka o ka Poakahi iho nei, a mai kela manawa mai, i lawe ae ai oia i ka mana piha o kona keena, me ka. hooko ana aku i na hana apau i pili i kela keena. Mamua nae o kona lawe ana ae 1 na hana apau o ke keena o k& luna hooko i ke kanawai hookapu waiona federala, ua koi mua aku 0 John Wise ia John F. Colburn 111, e hoihoi aku i na pepa pili oihana apau malalo o kona malu, n ua hookoia aku ia noi, oiai no nae, i,na la i hala nku, ua hoole o Mr. ColDurn, i ka waiho ana altu i kona jkulana, ahiki i ka loaa'maoli naa mai o ka hoike iaia mai Wakinekona mai, no ke kohoia ana o kona pani. No ka lawelawe ana aku i na hana o kona keena, ua hoakaka ae o Mr. Wise e hoomau aku ana no oia, 1 ka poe i noho liana mua malalo o Mr. Colburn, ahiki i ka pau ana o keia niahina, aka iloko ae nei o ka mahina o lanuari, o hana aku ai oia i kekahi mau hoololiloli, ma na mea pili i kona mau kokua ma ka oihana. kana poe i manao &i e hookohu aku, i mau kokua no kona keena, ua hoakaka ae o Mr. Wise, no kona kakali ahiki mai i keia mahina ae, aole oia i makaukau no keia manawa, aka nae o ka poe ana e hookohu aku ana, he poe maemae lakou ma ko lakou ola ana, he poe inu ole i ka waiona, a oiai e noho haiia ana ma kela keena, aole lakou e hoopa i ka waiona. Ua hoakaka pu ae no hoi oia, aole oia e nana ana i na moolelo o na kanaka ana i manao ai e liookoliu aku, o ka manawa i hala, aka ma ke ano o ka lakou mau hana e lawelawe aku ana, malaila kana nana nui.