Ka Nupepa Kuokoa, Volume LXII, Number 49, 6 December 1923 — KA HOOPII UKUHANA O NA LIMAHANA [ARTICLE]

KA HOOPII UKUHANA O NA LIMAHANA

Oiai ke hookokoke mai nei i ka wa e pau ai ka manawa o ka papa lunakiai o ke Kulanakauhale a Kalana o Honolulu nei, ma ka la hope o keia mahina, a noho mai ka papa lunakiai hou, ma ka mahina o lanuari o keia makahiki ae, ua hoea mai i ka hookoia ana o kekahi hana i hoolala kahiko ia, no ka. hoomahuahua hou ana ae i ka ukuhana o na limahana o ke kulanakauhale, ma ka halawai i malamaia e ka papa ma ka pule aku nei i hala. I ka nana aku, mamuli o ka waihoia ana mai, a iloko o na la e kokoke loa aku ana e pau ka manawa o keia papa lunakiai, ia wa e aponoia ai ka hoomahuahua ukuhana o na limahan'a, o keia kekahi o na loina kalaiaina, nia ka aoao o kekahi mau lunakiai o ka papa, i wahi e holo aku ai na mahalo ana a na limahana, oiai nae lie liana hiki wale no keia ke hookoia, he mau mahina lehulehu ae nei i hala, iloko o na manawa a kekahi lioa o ka papa e waiho mau ae ana i ka olelo hooholo hoomahualiua i ka ukuhana o na limahana o ke kulanakauhale. O ka hauoli iloko o na limahana apau, e noho hana ana malalo o ke aupuni a malalo o na hui oihana paha, o ia no ka loaa ana o na ukuhana mahuahua ia lakou i kela .ame keia mahina; aka nae e ho6manaoia, mamuli o keia hoomahuahua ukuhana i hooholoia e ka papa o na lunakiai, e ili aku ana maluna o ka poe uku auhau na ko'iko'i, o ka uku ana i na ukuhana i hoopii hou ia īe; he huina dala mahuahua hoi e pono ai ke holo aku no kekahi mau hana e ae o ke aupuni kulanakauhale.