Ka Nupepa Kuokoa, Volume LXII, Number 49, 6 Kekemapa 1923 — HE MANAO KANAWAI POLOLEI [ARTICLE]

HE MANAO KANAWAI POLOLEI

I ka nana aku i ka manao kanawai o ka Loio Kuhina M-'t-thewman, o ia kona hoole ana i ka aeia aku- 6 ka poe i ahewaia, a i hoopa'iia no ke karaima pepehikanaka, oiai e kakali ana o ka liooloheia o ka lakou hoohalahala i ka olelo hooholo, e hele lanakila malalo o ka bona, ua pololei maoli no kela manao kanawai, no ka mea aole he pololei iki o ka hookuu ana i ka poe i ahewaia, malalo o ka bona, aka iloko o ka halepaahao, kahi kupono loa 110 lakou e noho ai elike ine ka manao o ke kanawai i hanaia no ke karaima o kela ano. Ua hookahuaia ka manao kanawai o ka loio kuhina maluna 0 ka hihia pepehikanaka o na Duvauchelle ekolu, o ka hopuia ana no ke karaima pepehikanaka, o ia ka pepehiia ana o Wai Bow, a 1 ahewaia ai lakou imua o ka aha kiure ma Wailuku, me ke kauia ana o ka hoopa'i o iwakalu mkhiki hoopaahao ka haahaa. ' Ua hookuu lanakila ia kela poe ekolu, malalo o ka bona, oiai e kakali ana i ka lakou hoohalahala i ka olelo hooholo. Ma ke ano nui o ka hihia i ahewaia ai na Duvauchelle ekolu, ua aneane loa e hoopoinaia ka make ana o Wai Bow, no ka hiki ole e loaa he meheu e ili aku ai na ahewa ana, maluna o kekahi poe, no ka pepehi maoli ia ana o kela Pake'a make; aka mamuli o ka make hikiwawe ana o Mr. Conant, i hoopa-huia i ke kiana pauda, ua lawelaweia aku na hana noii a huli pono i ke ano o kona make ana, ahiki i ka oili ana ae o na ike, no ka make ana o Wai Bow, ma ke ano pohihihi loa, elike me ka pohihihi o ka make ana o Mr. Conant. « O kekahi o na kumu o ka aeia ana o ka bona, no na Duvauehelle ekolu, elike me ka hoakaka a ke kahu o ka aha kaapuni o Wailuku, o ia no ka loaa ole o ka manao hopohopo iloko ona, no holo mahuka o ka poe i ahewaia, oiai he mau ohana ko lakou, e he mau waiwai ko lakou e waiho ana ma keia Teritore. Aole he pololei o keia kumu, no ka hookuuia o ka poe i ahewaia, e hele lanakila malalo o ka bona. Pehea la i noonoo ole ai ke kahu o ka aha i ka ohana o Wai Bow ame na makaainana o ]\|olokai, ka poe i lilo i mau hoike ma ka aoao o ke aupuni, no ka lakou mau mea i ike ai i hanaia aku maluna o ka Pake i make? Aole anei e kau ana ka maka'u ame ka weli ia lakou, no ka hoopoinoia aku ma kekahi ano ? Ma na.hihia karaima apau, aia wale no a ahewa maoli ia ka mea i hoopiiia, a kauia aku ka hoopa'i maluna ona, alaila kaawale aku kela manao mua i kinohi, no kona hewa ole; a i kona ahewaia ana, aole he wahi kupono e ae nona' e hoopaaia ai, maloko wale no o ka halepaahao; malalo o keia kumu hookahi, he mea pono e hoopaaia na Duvauchelle maloko o ka halepaahao, aole e hookuuia malalo o ka bona, oiai e kakali ana i ka lakou hoohalahala i ka olelo hooholo, ame ke noi i ka aha no ka hoolohe hou ia o ko lakou hihia. *