Ka Nupepa Kuokoa, Volume LXII, Number 49, 6 Kekemapa 1923 — KA HOPENA O KA HOAHU ANA [ARTICLE]

KA HOPENA O KA HOAHU ANA

Ke hookokoke mai nei na la Karisimaka me Makahiki Hou; o ka poe i komo he mau lala no ke Kalapu Hoahu Karisimaka o ka hanako o Bihopa ma ka poe hauoli loa iloko o keia mau la aku, no ka mea ua hoea mai i ka wa a lakou e ohi mai ai i na dala a lakou o ka hoahu ana no keia makahiki e pau ana. Me kela mau dala i hoahuia, e hiki ana ia lakou ke kuai i na makana Karisimaka, i mau lako no ko lakou noho ohana ana, aka o ka mea oi aku nae, ina no ke koe o kekahi mau dala mahuahua, aole e hooliloia, o ia no ka wehe maoli ana i mau moohelu hoahu kaokoa, ina aole he mau moohelu hoahu o kela ano i wehe mua ia me ka hanako. Mamuli o ka hoahu liilii ana i kela ame keia pule iloko o keia Kalapu Hoahu Karisimaka, e loaa ana he mau huina mahuahua ma ka pau ana o ka makahiki. Mai ike i ka loaa mahuahua ana mai o ke dala i ka manawa hookahi, he kumu ia e hoolilo aku ai ma ke ano uhauha, ma ke kuai ana i kela ame keia mea ano waiwai ole, aka e kuai ma na mea i pilikia maoli ai, a i hemahema ai ka noho ana; o ke koena aku, e waiho hou aku ma kahi maluhia, no ka mea, e lilo ana ia mau dala i hookaawaleia, i mea kokua mau i ka wa o ka pilikia; a e lilo pu ana no hoi ia, i kumu alakai, no na hoahu dala mahuahua mahope aku, i wahi e loaa mai ai ka noho kuokoa ana, ame ka noho hauoli ana iloko o ka r;hana. Ua pomaikai maoli kekahi heluna nui o na kanaka Hawaii, mamul'i o ke ku ana o keia Kalapu Hoahu Karisimaka, no ka mea mamua aku, he kakaikahi loa o na Hawaii, i maa i ka hoahr ana i ka lakou mau dala maloko o na banako, aka, i keia manawa, ua heluia na Hawaii ma ka heluna kiekie, iloko o keia kalapu, a o na Hawaii no hoi kekahi i ikeia ka nui o na moohelu hoahu maloko o na hanako i keia manawa/ka mea i ike ole ia mamua, i ka wa aole he Kalapu Hoahu Karisimaka.