Ka Nupepa Kuokoa, Volume LXII, Number 49, 6 December 1923 — KA NINAU HOOKUPA MAKAAINANA [ARTICLE]

KA NINAU HOOKUPA MAKAAINANA

m Ua hoakaka ae nei ka Loio Kuhina Matthewman i kona maflao kanawai, no ka hiki ole i nā Pilipino ame na Kepani ke hookupaia i mau makaainana Amerika, eia nae, ina e noho hana ana na Pilipino iloko o ka oihana kaua o Amerika, ma ia ano wale 110 e aeia ai na Pilipino e lilo i mau makaainana Amerika, me ka nele nae o ia pono i na Kepani, i komo iloko o ka oihana koa a oihana kaua paha o Amerika. Ua hookahua ka loio kuhina i kona manao kanawai, mamuli o na olelo hooholo o na aha kiekie o na mokuaina o Amerika, a nia ka manao no hoi oke kanawai; aka nae ia kakou e nana aku ai ma kekahi ano, aole e nele ka hookahahaia o ko kakou man-ao ke kaulike ole o ke kanawai i hanaia ai, ma keia ninau nui a ko'iko'i. * Ua nuf na Kepani i hanauia ma lapana i haawi ia lakou iho iloko o ke kaua o Europa i hala aku nei, no ke kaua ana me na koa Amerika, e hoike ana i ko lakou auamo pu ana me na kanaka Anierika. i na ko'iko'i apau o na hana i ili aku ai maluna o na makaainana Amerika, e hoole ana i ko lakou lilo ana i mau makaainana no lapana, ko lakou aina hanau; aka nae ma ke kanawai o Amerika e ku nei i keia manawa, ua hiki ole ia lakou ke hookupaia i mau makaainana Amerika. O na Pilipino nae, i komo ilokō o ka oihana koa ame ka oihana kaua, a i lawelawe like aku i na hana apau, i auamoia e na Kepani, ua loaa ia lakou ke kuleana hookupa makaainana, ma keia ano ua kaulike ole maoli ke ano o ke kanawai i hanaia; oiai r.ae ua kau like ia ka pale mawaena o keia mau liahui a elua, mai ka hiki ana ke hooliloia i mau kupa Amerika, hoohanlamaia ae 1a nne he ipuka no kekahi lahui e poholo ai, a pani paa loa :a hoi ka puka 110 kekahi.