Ka Nupepa Kuokoa, Volume LXII, Number 49, 6 Kekemapa 1923 — HE MANAOLANA NO KA HOOKOIA ME KE KUI'O [ARTICLE]

HE MANAOLANA NO KA HOOKOIA ME KE KUI'O

Ma ka Poakahi iho nei i lawe ae ai o John H. Wise i ka hoohiki oihana, ma ke ano he poo no ke keena hooko i ke kanawai hookapu waiona federala ma Hawaii nei; a maluna iho ona ke ko'iko'i o ka hooko ana aku i ke kanawai, e hoea mai ai he loli anoinui loa ma keia hope aku, e pili ana i ka poe hana a kuai i ka waiona ma Hawaii nei. Ma ke ano he kanaka o Mr. Wise i hoomahu'i ole ma ka mu waiona, a oia no hoi kekahi mea hooikaika loa, e hoopau na kanaka J iawaii i ka inu waiona ana; e lilo ana kona kau ana ae ma ke poo o ke keena hooko i ke kanawai hookapu waiona maanei nei. i mea kokua aku iaia, ma ka hoopakele ana i kona lahui iho, ka lilo ana i luahi na ka waiona, e hanaia mai nei; a e kuaiia mSi nei e na Kepani ame na lahui e ae. Elike me kona inu waiona ole, pela oia i makemake ai i kona mau kokua, i poe inu waiona ole lakou; hē keehina naauao keia ma ka aoao o Mr. Wise, pela e hiki ai ke pale aku i kekahi mau hoowalewale, e oili mai ana imua o lakou, ka hana aneane e hiki ole ke hoole aku, ina nei he poe inu waiona lakou apau. He hana paakiki ka hoopau ana i ka hanaia ana ame ke kuaiia -o ka waiona ma Hawaii nei, elike no me ka paakiki ma na wahi like ole ma Amerika, no ke kumu, ua nui loa ka poe iloko o ka liana kuai malu i ka waiona, a ua nui no hoi ka poe inu waiona, aka nae he manaolana nui ko keia pepa, e hiki ana ia Mr. Wise ame kona mau kokua, ke hooko i ke kanawai, a oi aku mamua o ka wa e noho poo ana o John F. Colburn 111 ma ia kulana. He hookahi nae kumu e hiki pono ai ke ke kanawai hookapu waiona federala me ka holopono, o ia no ke komo pu mai o na makai, ame na luna oihana o kekahi mau keena federala e ae. i hookahi ka hana like ana, aole o ka mahae o kekahi oihana hooko. mai kekahi mai, elike me ia i ka wa o Mr. Colburn ma ke poo o keia keena. a kakou i ike ai i ka lawe okoa ana ae o ke keena o ka ilamuku Amerika i ka mana e hopuhopu aku i na wahi kuai waiona malu, ame na hana haumia maloko nei o keia kulanakauhale. E lilo ana no i hana paakiki ma ka aoao o Mr. Wise ame kona poe kanaka, ka hopuhopu ana i kekahi mau wahi e hanaia mai nēi, a e kuaiia nei ka waiona, koe wale no, a haawi aku na makaainana i maopopo a i ike i na wahi hakihaki kanawai, i na mea a lakou i ike ai ia Mr. \\ ise; aole o ka lilo i poe kokua aku, no ka pono o ka poe hakihaki kanawai ma ka noho hamau ana.