Ka Nupepa Kuokoa, Volume LXII, Number 49, 6 Kekemapa 1923 — HE HOOMANAO ALOHA NO KUU LEI HELELOA, MRS. WILHELMINA KOANALOA FERNANDEZ. [ARTICLE]

HE HOOMANAO ALOHA NO KUU LEI HELELOA, MRS. WILHELMINA KOANALOA FERNANDEZ.

Mr. Solomon Lunahooponopono o ko Kuokoa; Aloha nui oe:—E oluolu mai kou ahonui i kauwahi kaawale o kou kino lahilahi no ka'u wahi puolo e kau ae >a maluna, nana hoi ia e lawe mama aku ma na kihi eha o ka aina, i ike nui ai na kini ame kona ohana e noho mai la i ka Ua Kukalahale ame Puna Paiaaala i ka hala. Aloha no kuu lei, kuu o ka Ua Kanilehua, ua haalele mai oia ia'u kona mama aloha. Ua hanauia kuu leialoha ma Olaa, Puna, Nov. 25, 1905, mai ka puhaka mai o maua kona mau makua .Tames lameka Maunakea ame Annie Campbell, a ua piha iaia na makahiki he 17 ame 11 mahina ame 18 la. ' Ua hoohuiia kuu leialoha, kuu milimili ma ka berita maemae o ka mare i ka la 29 o Augate, 1923 uie Manuel Fernandez e ka Makua l James, ua piha ia laua 2 mahina | ame na la keu 14 iloko o ka berita maemae o ka mare, a haalele mai la oia i kana kane ame a'u kona mama e paiauma aku ana nona. Ua make kuu lei ma Kukui Lane, ī'iopio Street, ma ka hora 4 o ka auwina la Poaha Nov 13, 1923. Ua hala e no koua papa ma kela ao, i ka 4 o kona mau makahiki, n koe iho la oia ame a'u kona mama, e hoomanawanui ana i wahi e pono ai ko maua noho ana, i piliia e ame kuu leialoha ma Puna, Opihikao iloko o na, makahiki 7 a haalele aku ia Avahi, a hoi mai la a noho ma Hilo nei. Aloha no keia mau walii a kaua i noho kokoolua ai, e hoonianawanui ana i ke ano o ka nolio ana, aloha. no kuu lei heleloa! Ua malamaia kona anaina hope loa iloko o ka luakini Kakolika, n manele loa ia aku kona kino a hoomoeia aku iloko o ka poli puanuanu o ka ilina o Hailikulamanu. Nolaila, ke haawi pu aku nei o'u i ko'u lyoomaikai i na makamaka ame na 'hoaloha i akoakaa pu mai me a'u i na hora o ko'u kaumaha. Owau iho no me ka luuluu, MRS. ANNIĒ KAHANANUĪ, +++