Ka Nupepa Kuokoa, Volume LXII, Number 49, 6 December 1923 — WAIHO I KA HANA ME KA INOA MAIKAI. [ARTICLE]

WAIHO I KA HANA ME KA INOA MAIKAI.

Hc mea haaheo no na kanaka Hawali ka paa loiM ana o kekahi i ka hana ahiki i ka waiho ana aku ia hana me ka inoa maikai, mo ka loaa pu mai o na hoomaikai mai na haku mai. Ma ka la hope o ka mahina o Novemaba i newa aku la i ■waiho loa aku ai o Mr. Rudolph Duncan,-Jva lunahoohana o na alanuihao kaa uwila o Honolulu, i ka hana a ka Hui Kaa Uwila o Honolulu no ka lawe ana ae i ka hana hou i hookauia niai maluna ona, oia hoi he Kakauolelo Manahooko no ko Komisina o na Home Hawaii, ma kahi o ke Kakauolelo mua George P. Cooke i "waiho mai mamuli o ka nui o kana mau hana ponoi. Mamua o ko- Mr. Duncan waiho ana aku i ka hana, ua hoomakaukau mua oia i na wahi o ka hana ame na mea hana no keia neo ana aku, me ko kuhikuhi pu aku i ka mea e pani aku ana ma kona hakahaka i kana mau mea e hana aku ai, ua pau mua na mea hana e pili ana i ke alanuihao i ka hoomakaukauia e Mr. Duncan, i hakalia wale no i ka hoohanaia aku ke hiki mai i ka manawa. e makemakeia ai, a ua manaoia eliko me ka holouiua o na hana i lawelaweia e Mr. Duncan iloko o ka manawa e hookele ana oia i ka hana pela aku ana ma nei mua aku, mahope iho o ke kamaaina ana o ka lunahoohana hou o na alanuihao i ka hana. He pule a oi i hala aku, no ka pau ole o ke aloha ka minamina ame ka mahalo o na limahana o ka hui kaa uwila, o ia na limahana i hana pu ai me ia ma na alanui hao, ua lulu lakou i kekahi huina dala mahualiua, a me ia huina dala i kuai ai lakou i kekahi -uwaki gula me ke kaula gula a makana mai la ia Mr. Duncan ko lakou hoaloha, wahi a lakou, me kekahi mau olelo hoalohaloha i panai pu ia mai me ia makana. Ma ka lakou olelo ua like o Mr. Duncan me he makua la no lakou, aohe a Mr. Duncan mau olelo kakana a okalakala i hoopukaia aku ia lakou, aole no hoi i ike i ko lakou hewa 3 hoopau aku ia lakou mai ka hana aku, 0 ke kapae wale aku no ka manawa ahiki i ka ike ana 0 ka mea i kapaeia ua hewa a holo mihi ae, a hoihoi hou ia ae oia i ka hana. Ma kekahi la 0 ka pule aku Ja i hala, ua kopoia ae la 0 Mr. Duncan e ka Lunahoohananui 0 ka hui kaa uwila e x kipa aku e ike iaia maloko 0 ke keena, a ma ia manawa i haawi mai ai ka lunahoohana nui Mr. Johnson i kana mau hoomaikai kiekie loa ia Mr. Duncan no kana mau hana maikai i hana ai no ka pono ame ka pomaikai a holomua 0 ka liui i na makahiki lehulehu i kaahopo, 0 ka ukali mahope mai 0 ia mau hoomaikai a Mr. Johnson oia no kona haawi makana ana mai ia Mr. Duncan i kekahi bila kikoo dala 0 $1000, he makana kiekie loa i haawiia mai e ukali pu ana me ke aloha, ka minamina ame na mahalo kiekie loa. "Pono e ke kauwa hoolohe, e komo ac oe iloko 0 ka olioli 0 kou Makua," wahi a ka Hak'u. He makana kiekie loa ia i haawiia mai iaia i hoohikilele loa ia ae ai oia, a he makana hoi ana i moeuhane mua ole ai a i hooilihia loa ia iho ai oia no kekahi manawa me ka hiki ole iaia ke uumi iho i ke "aloha e pee maloko", a hoohanini okoa aku la Mana I ka Waiopua. "E hamama mau ana na ipuka 0 keia hale nou i na manawa apau ke makemake oe e hoi hou mai e hana me keia hui; ia oe i waiho mai la i ka hana. e hele pu aku ana me oe ke aloha 0 keia hui ma o'u la, M wahi a Mr. Johnson ma ka hooki ana iho i kana lululima ana.