Ka Nupepa Kuokoa, Volume LXII, Number 49, 6 December 1923 — KE KOMITE HOEUEU MA KE KAHUAMA'I MA KALAUPAPA. [ARTICLE]

KE KOMITE HOEUEU MA KE KAHUAMA'I MA KALAUPAPA.

I ka Nupepa Kuokoa, Aloha oe:— E oluolu mai kou ahonui o hoike ae i na meahou o ke kahuma'i o Kalaupapa nei, o ia keia malalo iho nei: Ma ka la 16 o ka mahina o % Nove* maba aku la i hala, i hoea mai ai o Rer. Moses M. Kahiapo, ke komite hoeueu o ka ahahui paeaina me Rev. L. B. Kaumeheiwa no ke kahuama'i o Kalaupapa nei. Ma ka hora 2 o ia auwina la i lawelaweia ai na hana ha'i euanelio maloko o ka luakini o ka ekaleaia o Kanaana Hou. 0 Na ka Eev. Moses M,- Kahiapo i heluhelu mai i ka Euanelio a Luka ma. ka. 16:9*10. Ua welia-

weheia mai ka olelo a ke Akua me ka maemae ame ka nani mai ka waha mai o Kana Kauwa, a na ka Eev. L. B. Kaumeheiwa i kokua mai i na manao no ke ola hou iloko o Kristo lesu; a ua nui ka hauoli o ka poe i akoakoa mai ma kela anaina a ke komite: Ma ka hora 7:30 o ia ahiahi, i loaa mai ai ke kono mai ka Lunanui <7. D. McVeigh mai, o ke kahuama'i, no kona makemake e hoikeia aku ka euanelio i ka poe apau o ke kahuama'i, mamuli o keia kono, i malama hou ia ae ai ke anaina hoeueu a ke koraite maloko o ka Holo o Kalaupapa, me ka hele a piha i na ma'i o ka aina o ka ehaeha i hiki aku paha ma kahi o ka 200 ka nui. L T a nui ka hauoli ame ka makemake i ka olelo a ke Akua, i hoikeia mai ka waha mai o Kana kauwa. Ma ka hora 9 o ke kakahiaka Poaono ae, i malama hou ia ae ai ke anaina Loeueu maloko o ka luakini, a o keia ke anaina hope a ke komite hoeueu ame kona hoahele, ka lunahoomalu o ka aha o ka mokupuni o Maui, Molokai ame Lanai. He ma'u wahi meahou ia o ke kahua o ka ehaeha nei. D. P. MAHIHILA, Kalaupapa, Molokai.