Ka Nupepa Kuokoa, Volume LXII, Number 49, 6 Kekemapa 1923 — HE MAU POKA LEHULEHU I KIIA AE E NA MAKAI [ARTICLE]

HE MAU POKA LEHULEHU I KIIA AE E NA MAKAI

Mahope o ka holo mahuka ana o G. H. Sturgeon, he paahao i hookuuia mai ka halepaahao aku o Oahu malalo o kA hoomalu, a i holo makuka ai hoi mai ka halepaahao aku ma Wailuku ma ka Poaono he pule a oi i hala aku nei, ua paa hou ae oia i ka hopuia e na makai 0 Maui ma ka Poakahi o ka pule i hala aku la, maloko o na mala halakahiki ma Haiku, mahope o kona pakelo ana mai na makai aku no na manawa lehulehu, a ma kona manawa i hopuia ai ua lehulehu na poka 1 kiia aku no ka hoomakaukau ana aku iaia. No elua mau Ia ka hahaiia ana o nei paahao mahuka, elike me ka lono o ka loaa ana ae mai Maui mai, a iloko o ia mau la o ka hahaiia ana ua komo pu mai na makaainana i lako me na pu e koki\a i na makai, me ke komo -pu mai o na makai o Maui Waena ma ka huli ana me ka hoonohoia o na makai iaae ai oia no ka hale o ke Kauka ma na wahi like ole no ke kiai ana iaia. TJa liopuia o Sturgeon ma ka pule mamua aku a paaia ae maloko o ka halepaaiao no kona ninaninauia ana mamuli o na aihue like ole i hanaia eia a i hoikeia ae i ka oihana makai o Maui. Mahope oka ninaninauia ana o Sturgeon e ka Makai nui Crowell ua hoike okoa ae ua o Sturgeon i kona hana ana i ka hewa, ua hoopaaia aku oia iloko o ka halepaahao me ka lawe mua ia o na kuni o kona mau manamanalima e ka lunapaahao. He mau minuke kakaikahi ka mahope iho ua ikeia ka nalowale honua ana o Sturgeon mailoko aku o ka pa halepaahao a hoomaka ka huli ana a na makai. Mahope iho o ka haalele ana o Sturgeon i ka halepaahao, ma ka oleloia ua aihueia ka eia kekahi lio ma Wailuku, a maluna o ia lio oia i holo aku ai maluna o kekahi o na alanui o Wailuku, me ka maopopo ole i kekahi makai e ku ana ma ka huina alanui oiai aole i hoikeia aku iaia ka holo mahuka ana o nei lawehala. Ua hoi'keia aku la ka lohe ma o a maanei o Maui Waena no ka holo mahuka ana o ka paahao a hoomaka koke ka huli ana a na makai mahope o ka meheu o ka mea holo mahuka. No elua la kela huliia ana, a ma ka Poakahi mai kona paa ana i ka hopuia maloko o na mala halakahiki o Haiku, mahope o ke 'kiia ana ae o kekahi mau poka lehulehu e na makai ame na makaainana a lioihoiia mai i Wailuku e hoopaa ai.