Ka Nupepa Kuokoa, Volume LXII, Number 48, 29 November 1923 — HOPUIA HE WAHINE PAKE APUKA. [ARTICLE]

HOPUIA HE WAHINE PAKE APUKA.

No kekahi mau mahina ae nei i hala, i lilo ai na kanaka kalepa o keia kulanakauhaie, i luahi, no na hana apuka a kekahi» wahine Pake opio a ka hoonana me ka maka'u ole, eia nae, ua paa oia i ka hopuia e ka Makaikiu McDuffie ame ke Kakiana Makaikiu Kellett, ma ka po o ka Poalua o ka pule i hala. Oiai nae he ma'i ko kela wahine Pake, nona ka inoa o Florence Ho, ma kona manawa i loaa aku ai i na makaikiu a paa i ka hopuia, ua waihoia aku no oia maloko o ka rumi i loaa aku ai oia, maloko o kekaiii liale hui o na Pake ma ke alanui Yiniaj malalo o ke kiai ana a kekahi makai, o ka me% apiki nae, ua holo mahuka oia, mai kela hale mai, u holo aku la no kahi o kona kaikunane mauka ae nei o Kalihi, a malaila oia i paa hou ai i ka hopuia ma ka Poakolu ana ae. Mailoko mai nei o ka mahina o īulai, ka hoomaka ana o kela waliine Pake e lawelawe i kana hana apuka, o ia ka hoea ana aku noloko 0 na halekuai, no ke kuai ana i kekahi mau mea ana i makemake ai, alaila hoopuka aku la i na kikoo dala, me ka ino.a a kekahi Pake kalepa kuonoono o keia kulanakauhale. Ma na wahi apau a kela wahine Pake e hale ai no ke kuai ana i kekahi mau waiwai, he mau kikoo dala nunui wale no o ka huina kana e waiho aku ai no ka uku ana, i ke kumukuai o na waiwai ana i ohi ai, me ka hoihoiia ana mai iaia o kekahi liuina dala mahuahua, ke koena mai o na dala, mahope iho o ka laweia ana ae o ke kumukuai o na waiwai i lilo iaia. Aole e kala kaliiko i hoikeia ae ai ke kolohe o kela wahine i ka oihana makai, eia nae, ua lilo i hana paakiki, na na makaikiu, ka hookolo ana mahope ona, no ke kumu, e hoololiloli mau ana kela wahino 1 kona ano i kela ame keia manawa, oiai aole he kulike iki o na hoakaka a na ona o na halekuai i apuhiia e waiho ae ai i na makaikiu. Ma ka mahina koko aku nei no i hala, akahi a loaa i ka Makaikiu McDuffie he moali maopopo loa no ka wahino apuka i makemakeia, e hopu, a o kona inoa oia o Florence Ho; o ka mea apiki nae, ua noke oia i ka huli ma kela ame keia wahi i manaoia, e loaa oia, aole nae he loaa iki, a ua manao maoli ia no ua hala aku kela wahine no kekahi wahi mamao. Ma kekahi ano nae. i loaa hou mai ai he ike i ka Makaikiu McDuffie, no ka hoi ana aku o kela wahine nialoko o kekahi o na halema'i ma ka la 5 o keia mahina, a malaila oia i noho ai, ahiki i ka hookuuia ana mai, ma ka la 15, me ka hoi ana mai a noho maloko o ka rumi i loaa aku ai oia i na makaikiu a paa i ka hopuia. I kinohi,, o kona ninauia ana aku no kana mau hana apuka, ua hoole mai oia, aka nae i ka manawa i hoikeikeia aku ai imua ona, na ike oiaio loa no kona pili i ka hewa, ua hiki hou ole iaia ke hoole mai, a ae okoa mai la i kona hewa, mo ka hua'i ana mai i kana mau mea apau i hana ai. O na wahi i hoopukaia aku ai na kikoo dala apuka, pela me ka huina maloko o kela ame keia kikoo i hoopukaia, a i ukuia mai hoi i keia wahine o ia keia malalo iho nei: Benson Smith & Co., $25; lßOshima Co., $50; Libert7 Houae, $62.50; Home of Linena, $60; J. Hopp & Co v $60; Dr. Cappß, $75; ame Los Angelea Clothing Co., $50. O ka lunanui o ka halekuai Home of Linena ka i hele pu me ka Makaikiu McDuffie, no ka rumi o kela wahine Pake ma kela po Poalua, a ua hooia mai oia, o kela no ka wahine nana ke kikoo dala apuka i hoopuka ai.