Ka Nupepa Kuokoa, Volume LXII, Number 47, 22 November 1923 — Nuhou Kuwaho [ARTICLE]

Nuhou Kuwaho

SAN DIEGO, Not. 15—Ua hoo-! kuuia e ka aha hookolokolo koa i keia la kc Kapena Robert Moiris, ke aliikoa kiekie nana e hoomalu ana na moku hahai topido o ka Mahele 33, mai na kumuhoopii mai e ku-e ana iaia no ka makaala a malama ole i ulu mai mamuli o ka ili ana a nahaha na moku hahai topido ehiku mawaho aku o ka Lae Honda, Kaleponi. PARTSA, Palani, "Nov. 15.—Ua hoopaneeia ka ahaolelo a na elele aupuni i keia la ahiki i ka Poaono mahope iho o ka lokahi ole ana o na hoa ma kekahi hana i ]aweia e pili ana i ka hoi ana ae o ke Keikialii Hooilina Kalaunu Kelemania i kona aupuni. Ua loihi ka manawa i kamailio e na hoa a ma ka hope loa ua hooholoia e kakali ka noonoo hou ana ahiki i ka loaa ana mai o na a'o ana mai ko lakou mau aupuni pakahi mai. DALLAS, Texas, Nov. 15.—Ua hooholoia he olelo hooholo i keia la e na bihopa o ke kula nui o na bihopa o ka Hoomana Hoole Pope Epikope a e hoakaka ana o ka hana "hoohakalia ahiki ole ke hooleia" a na Mokuaina Huiia e hana ai oia ka hui koke aku mo ka Ahahui a na lahui, a i ole kukulu koke ae i kekahi ahahui okoa aku na na lahui. INDIANAPOLIS, Nov. 15.—Ua hoopukaia aku he leka e ke komite nana i hooponopono na waiwaipaa o ke Kiaaina Warren T. McCray i ka poe ana i aie ai i keia Ja o ka j huina o na waiwaipaa a pau i haawiia mai i ke komite ua hiki wale aku no ka waiwaiio i ka $8,727.44. Mamua aku ua hoike ae ke Kiaaina McCray ua hiki aku ka waiwaiio o kona mau waiwaipaa apau i ka $800,000 a oi aku mamua o kona mau aie apau, hē mja hōike keia no ka hoopunipuni o kana hoike.

WAKINEKONA, Nov. 15.—Mahope o ke kuka ana me ka Pereßidena Coolidge, ua wanana mua ia ae e Nelson B. Updike, ku lunahoopuka o ka Nupepa Omaha Bee, o ka auhau oi ae o ke kiekie maluna o ka huita ma ke ano he mea kokua aku i ka poe makiai o ka hapa wae-na-komohana o Amerika c lilo ana ia i mea oiaio maloko o kekahi mau p ule kakaikahi. +++