Ka Nupepa Kuokoa, Volume LXII, Number 47, 22 Nowemapa 1923 — HE MELE NO KAUKAOHU. [ARTICLE]
HE MELE NO KAUKAOHU.
Kaulana mai nei a o Kawika, Moho makai nui a o ke Kalana. Ua lana ka manao me ka hauoli, Ua hana oe i ka pono kaulike. 0 ka pono kaulike ko lipine, 1 pine omou no ka lehulehu. Hooheno ae oe i ko kaula maa, Me ka pua pohaku o ka lanakila. E kila i ka nani mailuna mai, I lei hanohano no ka la koho, Ua kohoia oe me ka lokahi, Na kini puuwai o ka hoopono. O ka pono ohohia o ka lehulehu, A i ka-hiko a e Kawika, Kawika e ka moho ku kamahao, Puni ai Oahu Kakuhihewa. Mai hoohewahewa oe i ko pili, Ko ili ula ili hauliuli. Hauli ke kupuna nana ia mamo, Kupaa wiwoole no ka lanakila. Kilakila ko inoa ua kaulana, Kawika ka loea o ke kaula maa. Hainaia mai ana ka puana, Na ka lehulehu a e haku ko lei. Hakuia e J. H.