Ka Nupepa Kuokoa, Volume LXII, Number 47, 22 November 1923 — KA POWA ME KA PEPEHIKANAKA [ARTICLE]

KA POWA ME KA PEPEHIKANAKA

O ka pepehiia ana o Peter Silva, he kiai no ka halehana American Can Co., a make, oiai e hele ana i kahi o kana hana, ma ke kakahiaka nui o ke Sabati aku la i hala, o kekahi kela 0 na karaima, nana i hoopii mai i ka lia maeele o ko ke kulanakauhale nei poe, no ka nui o na hana powa me pepehikanaka e hoohalua mau nei ma na alanui o kakou. Mamuli o kela karaima puuwai eleele i lawelaweia e ka limakoko, a hui pu iho me na hana limanui, maluna o na wahine ame na kaikamahine opio e hele ana ma na alanui i ka po, ua aneane e hiki ole ke pale ae, i ka paa ana o na makaainana, i kekahi mau meaeha, no ka hoopakele ana ia lakou mai ka'poino mai. E haawiia nae na mahalo ana i ka Makaikiu McDuffie, i ka hiki ana, iaia ke hookolo mahope o ka meheu o ka mea pepehikanaka, ahiki i ka paa ana o kekahi Pilipino i ka hopuia, malalo o na kumu hoohuoi kupono, ma o na ike la, i kaa aku malalo o kona malu. Aole he ukupana'i kupono e ae, no ke ola o Mr. Silva i pakahaia'ae. e ka mea powa a pepehikanaka. koe wale no ke pani ana aku i kona ola ponoi iho, ina o kela Pilipino ka mea nana 1 pepehi i'o, ke pili ka iaia, a i ole o kekahi mea e ae paha.