Ka Nupepa Kuokoa, Volume LXII, Number 46, 15 November 1923 — HAALELE MAI O M. G. CORREA I KEIA OLA ANA. [ARTICLE]

HAALELE MAI O M. G. CORREA I KEIA OLA ANA.

Ma ka hapalua o lta hora ekahi o lea wanaao Poakolu nei, i haalele mai ai o M. Gr. Correa i keia ola ana ina, ka home o kana kaikamahine, Mrg. Walter Jarrett, me ke '.Alanui Liliha, mahope iho o ke kaama'i ana no kekahi wa loihi. He kanaka o M. G. Correa i kamaaina nui ia e lto ke kaona nei. Ua noho oia malalo ae nei o Ewa ma ke ano he ona halekuai no kekahi mau makahiki loihi, a i kona haalele ana i kona . halekuai, ua nee mai oia no ke kaona nei. He wa pokole mahope iho o kona nee ana mai no ke kona nei na loaa kona aina hookuonoono ma Maili, ma Waianae, a ua hoi aku oia a noho maluna o ua aina nei ahiki i ka hoomailo ana mai o ka ma'i maluna o kona kino he mau mahina kakaikahi ■vvale no i hala ae nei. O M. G. Correa, oia kekahi e na Pukiki kahiko loa o Hawaii nei, a ua noho oia ma ka Mokupuni o Maui, Kauai he mau makahiki loihi i kaahope ae nei. Ua' mare oia i kekahi makuahine Hawaii, a mailoko mai o laua ua loaa mai he ekolu mau keiki e ola nei a he hookahi i hala aku ma kela ao ma ka makahiki 1917. I kona liala ana aku la ua haalele iho oia i kana mea aloha he wahine mahope nei ame S. P. Correa, kekahi o na Senatoa o ka ahaolelo o na kau i hala aku nei, Mrs. Walter Jarrett. M. Correa Jr., ame kona muli aku, oia o Frank G. Correa o Wailuku ame kana mau moopuna he nui a lehulehu.

, He mau koena dala mahuahua no keia e paa ia nei e ke Komisina, no na hana ma Molokai. I ka pan ana o keia makahiki, e oi ae ai na loaa, no ka mea o ka mahina ia o ka uku ana o kekahi mau hoolimalima. Aole he mau mea nana e hoopilikia mai ana i keia kulana ma keia mua aku. E lawa ana i ke dala a koe. Eia nae na Komisina ke oni akahele' nei ma ko lakou ake ana e loaa ole na aie.