Ka Nupepa Kuokoa, Volume LXII, Number 46, 15 Nowemapa 1923 — HOOKAHI A KAKOU MEA NANA AKU O KA HANA [ARTICLE]

HOOKAHI A KAKOU MEA NANA AKU O KA HANA

Ua hala aku nei ke koho haloka o na luna oihana, o ke Kulanakauhale a Kalana o līonolulu nei. No na makahiki eha ma keia hope aku, alaila hoala hou ia mai ka ninau koho haloka, e komo hou aku ai na aoao kalaiaina -kuloko o kakou, īloko o na paio ana, no ka poe, na lakou e hookele aku i na hana o ke aupunh He mea makehewa ka uwe ana aku i ka waiu i hanini, ma ka namunamu ana, me ka minamina, no ka haule ana o kekahi poe kanaka kupono, pela hoi ke kohoia ana o kekahi poe i manaoia, aole i kupono; oiai o ke kohoia ana a puka, o ka poe na lakou e hookele aku i ko kakou aupuni kulanakauhale, ua kohoia lakou, aole e ko lakou aoao kalaiaina ponoi iho, aka, mamuli o ka makemake o ka hapanui, o na mana koho. Aia maluna o ka o na lunakiai ke «ko'iko'i o na hana apau, e holomua ai na hana o ke aupuni kulanakauhale, a i wahi nae e loaa i'o ai ia hopena, he mea pono e kapaeia ae - ka ninau aoao kalaiaina mahope, a o ka hana like, a huki like mawaena o na hoa Demokarata o ka papa me na Repubalika ka mea nui iloko o ko lakou noonoo. O ke keehina mua nae e hiki ai ia kakou ke ike aku, no kela manao hana like o na hoa o ka papa lunakiai, ma ke ano o ke kohoia ana o na lunahoomalu o na komite. Aia i na Repuhalika ka hapanui o ka papa, o ka hapa uuku ka i na Demokarata, i ko lakou kohoia ana nae a puka i poe kauwa na ka lehulehu, e pono lakou e noonoo mua i ko ka lehulehu pono, r. mahope ka ninali aoao.