Ka Nupepa Kuokoa, Volume LXII, Number 45, 8 Nowemapa 1923 — LILO KA MEA POWA I PIO NA KE KIAKAA. [ARTICLE]

LILO KA MEA POWA I PIO NA KE KIAKAA.

Ma ka po o ke Sabati aku nei i hala, mahope iho o ka paio ana me John S. Bakcr, he haole ohua i kau maluna o kona kaa, a i hoao e powa iaia, i paa ai kela haole ia K. Uyeda, he kiakaa no kekahi kaa otomobile hooliinalima, a laweia ae no ka halewai, no ka waiho ana aku iaia malalo o ka malu o ka oihana makai. I kuliko ai me ka hoakaka a K. Uyeda i ka Makaikiu MeDuflie, ua hoea aku o John S. Baker, anie kckahi ohua e ae imua ona, a hoike aku la i ko laua makemake e lioolimalima i kona kaa, no ka holo ana i Kewalo, no ka nana ana i kekahi waapa i kapiliia e waiho ana malaila. Mo ka manao nei, he oiaio na olelo a kela mau ohua, ua ae aku la o K. Uyeda i ko laua manao, a hoomaka mai la e holo, no kahi a kana mau ohua i hoike aku ai iaia, o ka mea apiki nae, i ka hoea ana mai o kona kaa, ma ke leihi o na alanui Cookc ame Ala Moana, tia hahauia aku la kona poo e Baker me kekahi kalapu nui, a iloko no hoi o ia manawa hookahi, i lele aku ai ka elua o na ohun, maluna ona, no ka huli ana ialoko o kona mau pakeke. 0 kahi nae o ka laki, aole i kupouli ka noonoo o kela Kepani, nolaila ua noke iho la oia i ke aumeume me Baker, ahiki i ka lilo ana o kalapu iaia, a haule aku la lioi o Baker mailuna aku o ke kaa, me ka holo ana ma ke alanui O'ooke, Ua noke o Uycda i ke alualu i* Baker, a mai loaa ole no paha ke kolohe iaia, ina aolo i haule kela haole iloko o k«kahi lua nui e waiho hamama ana ma ke alanui. Ua hahauia o Baker me kela kalapu i kailiia mai ai e Uyeda, ahiki i kona 1010 ana, pela iho Ia i lilo ai kela haole i pio na Uyeda, a hoihoi loa mai la iaia noloko o ka halewai», No ko kokolua o kela haole, ua holo loa oia.me ka loaa ole. No na palapū i loaa ia Baker, ua lapaauia oia maloko o ka halema'i o na poino -ulia, a mai kela halema'i ae, i hoopaaia aku ai oia maloko o kekahi o na keena hoopaa o na lawehala.