Ka Nupepa Kuokoa, Volume LXII, Number 45, 8 November 1923 — E KAU AKU NA AHEWA ANA INA UA PILI IO I KA HEWA [ARTICLE]

E KAU AKU NA AHEWA ANA INA UA PILI IO I KA HEWA

E'like me na luna oihana i hawahawa na lima i na dala o ke aupuni, a i kau aku ai hoi na ahewa ana a ke kanawai maluna o lakou, a e noho hana mai nei maloko o ka halepaahao, no ka hewa a lakou i hana ai, pela no e kau like aku ai ia hoopa'i hookahi, maluna o ka mea i pili i'o i ka hewa, no ka pokole ana o na dala oloko oke keena o ka puuku o ke Kalana o Hawaii. , Ua paā mai nei kekahi limahana mua oloko o ke keena o ka puuku i ka hopuia, malalo o ke kumu hoopii, i hookahuaia me na ike no kona lawe ana i na dala o ke aupum, ma ke ano pololei ole; o kona pili i ka hewa ame ka ole, pela hoi ka hopena o kona hihia, he ninau ia na keia mua aku e hoike m,r. 1 ka nana aku, hookahi kumu o ka ike mau ia o na pilikia 0 keia ano iwaena o kekahi mau luna oihana o ke aupuni, o la no ka lawelawe ole ia o kekahi loina oihana, e hiki ole ?i ke lawelaweia na lia'na kolohe. Pehea ka hoopono o kekahi mau luna oihana o na kalana o kakou, ina e kiai makaala ole ia ke ano o na wahi e loaa mai ai ke dala, a e hooliloia aku ai paha, e hiki ole ana ia lakou ke pale ae i ka hoowalewale i kekahi mana\Va e halawai ai lakou me ko lakou mau pilikia ponoi iho. Me kekahi alahele kupale nae i ka waiwai o ka lehulehu, e ku mau mai ana e kiai me ka makaala i na manawa apau, e kau mau mai ana ka maka\i ame ka weīiweli, ī na luna eihana a e lilo ana ka loina lawelawe oihana o kela ano, i mea hoopakele, aole wale 'no i na waiwai o ka lehulehu, aka 1 na luna oihana pu kekahi, mai ko lakou lilo ana i poe lawe ma ke ano kolohe, i na waiwai i waihoia aku malalo o ko lakou malu, no ka malama ana. O ke kalana o Hawaii iwaena o na kalana apau, ke kalana ! noho hoomalu ia e na kanaka Hawaii; he mea no hoi na na Hawaii e haaheo ai, no ko lakou kau ana ma na kulana hilinaiia e ka lehulehu; aole e lilo keia pilikia i oili ae nei, a i kaii aku ai hoi na lima o ke kanawai maluna o kekahi līmahana, i kumu e hoemiia mai ai kela hilinai, no ka mea ina no ka pili i'o o ka hewa iaia, oia hookahi wale ana no ke auamo i na hopena, o kana mea i.hana ai, aole o na luna oihana apau o kela kalana.