Ka Nupepa Kuokoa, Volume LXII, Number 43, 25 ʻOkakopa 1923 — HE LEO ALOHA MAI NA AEKAI MAI O KALIHI. [ARTICLE]

HE LEO ALOHA MAI NA AEKAI MAI O KALIHI.

E hele mai e ike i ka nani, E helo mai e ike i ka nani, E liele mai ano. E Mr. Liinahooponopono o ka Nupepa Kuokoa:—E oluolu mai kou ahonui e hookomo aku i keia m;iu wahi meahou o ka halema'i o Kalihi, o ia iho keia: Ma ke Sabati, Okatoba 14, 1923 iho nei i malamaia ai he hoike Kula Sabati no ka poe e noho nei maloko o kela halema'i. O na papa i hoike ma kela la o ia ka papa o na keikikane ame na pokiiwahine, na opio kane, ame na opio wahine; na makuakane ame na makuahine a pela hoi me ka papa o na Kepani. I ka hiki ana ae i ka manawa e malamaia ai ka hoiko Kula Sabati, ua hoi mai ka makuahine o ka home me ke anaina e noho ai, no ka makaikai ana aku i na hana hoike o na papa like ole a kana mau keiki i a'o ai. Ua hoomakaia na hana hoike, ma ke mele like ana o na mea apau i ka himeni, Nani ke Lii Kiekie, i alakaiia e ia makua e ka pono mai. He keu aku ka u'i ame ka nani ke hoolohe aku, a pela no me na himeni apau i meleia mai e na papa liko ole ma kela hoike. O kekahi mea oi aku, akahi no a ikeia keia mau hana malaila aole mai mua mai, a e hewa ole au ke olelo ae, aia ka nani o ka Hoku 0 Betelehema ke olino mai nei nia na aekai o Kalihi i keia la. No ka mea e kakau nei, ua hele maoli au a piha i ka ilihia no keia mau leo e hea mai nei i na kini haipule e hele aku hoi, i ike i na mea nani iloko o ko lesu inoa i hoomakaukauia malaila. « O ka lawa keia o ka'u hoike no keia meahou, me ka Lunahooponopono ko'u mahalo nui, pela pu hoi 1 kou mau sela. Owau iho no me ka oiaio, MEA MAKAĪKAĪ. Ma ka Poalima aku la i hala ka hele ana ae o ka papa kiure a ka aha federala e nana i na hale kalii o na dala • apuka i hanaia ai a i hoopiiia ae ai.