Ka Nupepa Kuokoa, Volume LXII, Number 43, 25 ʻOkakopa 1923 — Nuhou Kuloko [ARTICLE]

Nuhou Kuloko

He ka'i huaka'i a na kamalii ku la me elua mau bana puhiohe ka hana hookahakaha wehe mua a ka AD CLUB ma ke awakea o iiehinei ma na alanui o ke kulanakauhale. He 50 mau kaa oto i komo pu m?, ke ka'i huaka'i hookahakaha ana. Kepaia he Kepani e kekahi puaa kane ahiu mauka ]oa o ke Awawa o Waipio ma kekahi Ja aku nei o ka pule i hala, elike me ka lono o ka loaa ana mai i Honolulu nei, a no kona loaa koke ole ana aku i ka poe i huli ai iaia ua make oia no ka nui loa o ke koko o ke kahe aiwi mai kahi aku o kona mau wawae i moku ai. Eia ka Lunakiai Paeheeo ke hua'i nei ma kana mau haiolelo kalaiaina i na kee o na Lunakiai McClellan .nme Petrie, ma ke ano lie mau meapaahana wale no laua na na hui nui, i noho liana aku ai laua maloko nei o keia kulanakauhale. Owelawela ka hakoko kalaiaina e nee nei iloko o keia mau laj a ke hoolala mai nei na alakai o na aoao kalaiaina a elua, i na alahele e lanakila holookoa ai na moho o kela mau aoao pakhi, ma keia koho baloka nui ae. No ke kamailio ana i na olelo pelapela kupono ole maloko o ke kelepona i paa ae ai o R. H. Cook i ka hopuia e ka Makaikiu McDufiie, ma ka po o ka Poalua iho nei, a ua manaoia, oia kekahi o ka poe maa i ke kamailio ana i na olelo ino iloko 0 ka mahina aku nei i hala i kekahi poe o keia kulanakauhale. E alawa ae e na mana kolio o ke Kulanakauhale a Kalana o Honolulu nei, no ka papa kuhikuhi o na ha|lawai a na moho o na aoao kalaiaina a elua e malamaia ai iloko o Ikeia mau po e nee aku nei ahiki 1 ka halawai hope loa malalo o Aala Paka. Ma ka Fernandez Paka, Kalihi, ka lialawai a na moho Repubalika, jma ka hapalua o ka hora ehiku, o keia po Poaha, ma ke kihi o na alauui Kalihi ame Eepubalika~ Laukanaka ke kulanakauhale nei iloko o keia mau la i na lala o ka ahahui kalepa o Kapalakiko, o ka holo makaikai ana mai nei e ike i ka nani o ka Paredaiso o ka Pakipika. Wahi a Mt. David K. Trask i hoakaka ae ai i ke alahele ana i jmakemake ai e hoopau i ka Makaikiu Mc.Duffie ina nei no kona ko?io--5a i makai nui, o ia no kona hoemi ana mai i ke kulana o McDuffie ila o, i wahi nona e haalele okoa mai ai i kona noho makaikiu ana. Ina nei no ka loaa o ka lanakila aia ma keia koho baloka nui ae o Novemaba, alaila e holo aku pna o Mr. Trask no Los Angeles, no ka hoonaauao ana iaia iho, me na makaukau e pono ai ka oihana makai, malalo o kana hoomalu ana. I kulike ai me na lono kalaiaina 0 keia mau la, eia no o L. L. McCandless, ke noonoo mai nei, no kona holo hou aku he moho no ke kulana elele lahui i Wakinekona, ma keia kau koho baloka ae o ke Teritore, no ke ku-e ana i ka Elele W. P. Jarrett. Ma ka mokuahi Matsonia o ka Poakolu o ka pule aku Ja i hala, 3 holo aku ai ke Kamaliiwahine Kaanianaole no Kapalakiko, no ka hoolanalana ma'i, e hala ai iaia he manawa loihi, mamua o ka huli hoi hou ana mai no Honolulu nei. I kulike ai me kekahi hoike i loaa mai i keia keena mai Hilo mai, ua hoopauia aku o Mr. Wm. M. Keolanui, kekahi o na moho i haule no ke kulana makai nui, ma ka aoao Repubalika, mai kona noho hana ana maloko o lee keena o ka lunahooia, aole he kumu maopopo loa i hoikeia mai no kela hoopauia ana, aka ua manaoia nae, no ke kalaiaina mai no paha. E malamaia ana he halawai o ke Kalapu Bepubalika o ka Mahele 18, Apana 5 ma ka halehui o na Pake, Ket On Society, Alanui Kukui, malalo o ke kauoha a ke Komite Kuwaena ame ke Komite Kalana, no ka noonoo ana i kekahi mau alahele kupono o ka hoonee ana i na hana kalaiaina no ka lanakila o na moho Repubalika ma ke koho baloka e hoea mai ana; a ua makemake ia na lala apau o ke kalapu e akoakoa ae malaila. LADANA, Oct. 19.—He lono kelekalapa i loaa ae i ka Nupepa Central Newa mai Roma mai ke olelo ana he kaua hou ka i ala ae mawaena o na koa Italia ame na kanaka kipi ma Teripoli ma ka la 1 nehinei, a ma ia kaua ana he 51 mau kanaka kipi i make a no na koa Italia hoi he elua i make a he 11 i hoehaia. TJa hoakakaia ma kekahi lono kelekalapa he 1500 mau kanaka kipi i hoauheeia e na koa Italia ma ka hema aleu o ka Mauna Misrata, me ka lukuia aku he 440 o lakou me ka hoehaia aku o kekahi poe lehulehu; he 10 mau koa Ttalia i make a he 50 i hoehaia.