Ka Nupepa Kuokoa, Volume LXII, Number 43, 25 October 1923 — NO KEKAHI MAU HEWA I HOOPAUIA AI KA AELIKE [ARTICLE]

NO KEKAHI MAU HEWA I HOOPAUIA AI KA AELIKE

Mamuli o ka ike ana 0 ka Loio Kalana i kekahi mau hemahema i hanaia mālo'eo 0 kekahi olelo hooholo a ka papa 0 na lunakiai kulanakauhale i hana ai e haawi ana i ka aelike no na hana hou o ka Apana o . Kaimuki i ka Hui Hawaiiau Contracting Co., ma ka pule aku la i haia, i kauohaia ae ai ka papā e hana i olelo hooholo hou, a e waihoia ae ana ia olelo hooholo ma ka halawai a ka papa e noho mai ana ma ka hora 1 p. m., 0 ka Poakolu, Okatoba 31. Mamua 0 ke komo ana 0 ke aupuni kulanakauhale, iloko 0 kekahi Ihana aelike no kekahi hana he hana pono nana ka hookaawale ana i kekahi huina dala kupono no ka uku ana aku ia aelike. O keia loina hana nae i maa mau ia ua kapaeia, no ka poina anei? No ia kumu i hooholo ai ka papa 0 na lunakiai he olelo hooholo hou ma ka Poalima aku la i hala e hoopau loa ana i kana olelo hooholo mua a waihoia ka aelike ma ka papa. He olelo liooholo hou ka i hanaia, heluhelu ekahi ia e kauoha ana i ka lunahooia e hookaawale i ka huina 0 $159,455, he huina nui e loaa mai ana ma keia mahina ae o Novemaba, ka manawa i hookaaia mai ai o na auhau 0 ukuia mai ana ia mahina. He palapala hoopii mai ka hui Hawaiian Contracting Co., ae he noi e kapikuia ke alaloa e holo la 1 Leilehu» ma Kapukaki no 60 la oiai e hanaia ana i nei manawa, a ua waihoia aku nao ia palapala hoopii i ke komlte alanui o ka papa ame ka enekinia kulanakauhaie. Ua hoakakaia maloko o ka palapala aelike e waiho hamama ia ke alanui Ua ukaliia mai me ia leka he palapala mai ka lunahoohana mai 0 ka Mahiko Honolulu e haawi ana i kana ae no ka hoohanaia 0 ke alanui mai Puuloa a Aiea no ka lehulehu oiai ko alanui aupuni e paniia ana. Ua haawi aku ka papa 0 na lunakiai i ka ae i ka Papa Misiona Hawaii no' ka hoohanaia 0 ka halekula Kuhio ma Kamoiliili i wahi no na hana Kula Sabati. He palapala hoopii mai na makaainana mai 0 Oeean View, Kaimuki, e noi ana no ke pahonohono hou ana i kolaila mau alanui a e hoomahuahua hou īa aku kolaila mau kukui; ua waihoia ia hana i ko komite alanui ame kukui. -H. WEST BADDEN, Ind. Oct. 19.— Ua aponoia i keia la kekahi olelo hooholo, mahope 0 na paio hahana ana, e hoopaa ana i ka lakou kakoo piha ana i ka manao 0 ka Peresidena Coolidgo ma ka hoao ana e hooko aku 1 ks kanawal hookapu waiona, ma ka noho ana 0 ka ha* lawal 0 ka ahahui umi.kumamalima makahiki a ea kiaalna,