Ka Nupepa Kuokoa, Volume LXII, Number 43, 25 October 1923 — LEHULEHU NA ULIA KAA MA KE SABATI IHO NEI. [ARTICLE]

LEHULEHU NA ULIA KAA MA KE SABATI IHO NEI.

Mai ke kakahiaka ahiki i ka hora 7 o ke ahiahi o ke Sabati iho la i hala, lehulehu na nlia kaa otomobile i ikeia ma ia la me ka hoontii ia o ka hana ma ka aoao o na Makai mokokaikala. O ka ulia koikoi loa i ikeia ma ia la oia ka poino i ikeia ma ka manawa a 8. K. Sun e holo ana maluna o kona kaa me kona ohana ma ke alanui Beritania a hookuila ifiai e ke kaa e kalaiwaia ana e James Andrews. Ma ka hoike a ka Makai Waiolama o ka hoihoi ana ae, ua hoohuli pokole loa o Jamea Andrews ma ke kihi o ke alanui Weaver ame a hooku'i kona kaa mawaenakonu o ke kaa a Sun e kalaiwa ana. Ua moku ko Sui> helehelena me kona poo mo ka poholehole o kekahi mau wahi e ae o kona kinoj no Mrs. Sun hoi ua moku kona mau lima ame ka papalina i na apana aniani nahaha, a no Aliee Chun ua haki kona iwi kipoohiwi; o ka bebe hookahi ka mea i pakele/aole i eha. Ua hopuia o Andrews, aole i eha. no ka holonui noonoo ole i ko hai pono. O kekahi ulia ma ia la, ia F. H. Dexter e holo ana ma ke alanui Kapahulu ua hooku'i aku la kona kaa mo ke kaa mokokaikala o John Jeremiah e holo ana ma ka huina o ke alanui Kapahulu me ke alanui Campbell a haule o Jeremiah a moleu kona lima akau. Pakele ka wahine ame ke keiki a laua e kau pu ana ma ke kaa aoao. O ke kaa mokokaikala ka i pau i ka nahaha- No |ka eha i moeuhane mua ole ia, i lapaauia mai ai o Jeremiah ma ka halema'i o na poino ulia. Ia la no, oiai o A. J. Ernest e kalaiwa ana i kona kaa, ua hooku'i aku la ia me Kaili Kawai, he keikikane o 11 makahiki e kau ana maluna o ka baikikala a eha ke keiki, jfi no na eha i loaa iaia oia ka moku ma kona kuli me kekahi mau palapu e ae ma kona poo ama na maka, i laweia ae ai oia i ka halema'i no kona lapaauia mai. Hooku'i ke kaa Helu 3812 e kaaiwaia ana e kekahi kanaka i maopopo ole i ke kiakaa uwila ma ke kihi o na alanui Isenberg ame Moi ma ka auwina la, elike me ka hoike a ke kiakaa uwila J. Kaina, & mahope o ia hooku'i ana ua hoomau aku no ke kalaiwa i ka holo o kona kaa. oia ka hana ana makai mokoleaikala ma ia auwina la o ka huli i ke kaa nona ka helu i hoikeia ae ai. Ma ia kakahiaka Sabati ; huikau na kaa e kalaiwaia ana e M. Gineny ame San Yoke ma ke kihi o na alanui Liliha ame Kula a nahaha like ia mau kaa. Ua kauohaia aku na knlaiwa a elua e hoea ae imua o ke Kapena Makai Bob Lilis ma ke kakahiaka Poakahi neL Ma kahi kokoke i ka pa ilina Kakolika ma Koula ae nei, o na kaa oto e kalaiwaia ana e Lew Wah ame Prank Tavares ka i hoaikane a$ malaila ma ke awakea Sabati. He kaa mokokaikala ko Tavares e kau ana, a he oto ko Lew Wah e kau ana me ka loaa ole o kona laikini kalaiwa. Ma ke kak'ahiaka Poakahi nei ka ninaninauia ana o nei mau kanaka e ke Kapena Makai Bob Lilis. No ke ku ole iho o ke kaa oto o Alfred Thevinin ma kahi e ku ana o ke kaa uwila ma ke alanuiMoi ame Liliha i hopuia ae ai oia ma ke kakahiaka Poakahi nei. Ma ia auwina la no oiai o Walter Bell e kalaiwa ana i kona kaa me ka nui o kona ona ma ke alanui Waialae, elike me ka hoike a ka Makai Mokokaikala Hans Kihaehi 0 ka hoihoi ana ae, ua hooku'i aku la kona kaa me ke kaa o Harold Jeff a nahaha ke kaa o Jeff, a malaila o Walter Bell i paa ae ai i ka hopuia, a no ka eha i loaa ia BelJ 1 paa ao ai i ka hopuia, a no ka eha i loaa. ia Bell mamuli o kela hooku'i ana o na kaa o ia ka mokumoku ame ka poholehole ana ma na wahi lehulehu o kona kino, i laweia ae ai oia i ka halema'i o na poino ulia e lapaauia mai aL Ma ia la no, elike me ka hoike a ka Makai Hana Eahaehi o ka hoike ana ae, oiai ke kaa a Hirobe e ku ana ma ke kihi o na alanui Desha ame Moi o ia holo no ka ia o ko Allen kaa a hooku'i aku la mahope o ke kaa o Hirobe, a i ka manawa a Hirobe i a'o mai ai ia Allen e hooi aku oia i kona makaala ana ma ia mua aku, i ole e hooku'i hou aku i kekahi kaa, ua huhu o Allen no ia a'oia ana mai ona, a ku'iia aku la o Hirobo ma na maka a pehu. Ua hopuia ae o Allen no ka hewa hoeha me ka mea eha ku i ka make ma ke kakahiaka Poakahi ae.