Ka Nupepa Kuokoa, Volume LXII, Number 41, 11 October 1923 — Ku Na Moho Imua o Na Wahine Koho Baloka A Pane I Kekahi Mau Ninau Loheia na Pane a na Moho no na Ninau a na Wahine i Makemake ai e Ike i ke Kulana o na Moho e Alualu Nei no ka Waeia [ARTICLE]

Ku Na Moho Imua o Na Wahine Koho Baloka A Pane I Kekahi Mau Ninau

Loheia na Pane a na Moho no na Ninau a na Wahine i Makemake ai e Ike i ke Kulana o na Moho e Alualu Nei no ka Waeia

I kulike ai me ke kono a ka Ahahui o na Wahine Koho Baloka, he heluna nui o na moho e alualu nei i na kulana oihana o ke KulanalTauhale a Kalana o Honolulu nei i hoea ae ma ka halawai a'kela ahahui, maluna o kaupoku o ka Hokele lana, ma ka po o ka Poakahi aku nei i hala, a haawi aku i ka lakou mau pane, no na ninau i waihoīa mai imua o lakou e na wahine, no ka lakou mau mea e hana mai ana, ke kohoia i mau kauwa na ka lehulehu. Ma kekahi manawa ae nei i hala, ua hoounaia aku he mau ninau i kakauia no ka pane ana mai o na moho, ma ka halawai i kela po, ua heluheluia ae na pane i kakauia e na moho, a ua waiho hou ia mai he mau niuau, na lakou e pane ponoi aku ai imua o na wahine. Ma ke ano nui ke olelo ae, mo he mea la, he elua mau moho ohohia nui ia e na wahine ma kela po, oia o Samuel W. Rob!ey ame David Trask, he mau moho e alualu ana no ke kulnna makai nui, ma ka aoao Repubalika ame Demokarata. Ua ninauia aku o Mr. Robley, i kana mea e hana aku ai no ka Makaikiu McDuflie ina nei no kona lilo i makai nui, o kana pane, ina oia 0 ike ana, mahope iho o ka noii pono ana aku, ua pololei na kumu hoohalahala e ku-e ana iaia, alaila e hoopau no oia i kona noho ana he poo no na makaikiu. Wahi a David Trask, no kekahi ninau i waihoia aku imua ona, e na wahine, ua hoakaka mai oia, un hiki i ka inakai nui ke hoopau i kekahi poe makai, ke manao oia e hana pela, no ka mea wahi ana, he nui na makai i hoopaaia e Rose. Ua hoakaka pu ae oia, he hnnn hiki i ka makni nui ke hookomo hiiii 1 ka poa i loaa na pakenelea kiekie ma ko lakou hoikeia ana, i mau makai, a hoole aku paha, no ka mea ua hana o Rose pela, me ke aponoia ana mai o ia hana ana e ka aha kiekie. No ka ninau i waihoia aku imua ona, ina paha ho mau ku-e ana ke kahi ma kona aoao, i ke kohoia o na wahine i hoa no ka papa komisina makai, ua hoakaka ae o Mr. Trask, nole ona ku-e maoli, eia nae, aole ona makemake e lilo kona makuahine ame kona kaikuahine, i 'hon no kela komisina, no ka mea wahi ana, he nui na mea kupono ole, e oili ae ana iloko o kela komisina i kupono ole i na wahine ke hoolohe. Wahi a C. L. Crabb, kekahi o na moho Repubalika no ke kulana lunakiai, ua maopopo iaia ka mea kupono loa no ke kulana makai nui, aka nae aole ona makemake e hoike mai i ka inoa o kela kanaka, aka na na wahine no e koho no lakou iho, he hookahi nae mea ana i hooia mai ?i ma kela halawai, o ia no ka piha o keia kulanakauhale i na hana karaima.

Ma ke ano lie lunahoomalu no ke kiure kiekie, ua paaia oia malalo 0 kana hoohīki oihana, aole e owaka kona waha, no kana mau mea 1 ike, aka ina nei no kona aeia e kamailio ae ia- mau hana karaima. ua olelo aku oia i na wahine, aole e hiki ia lakou ke nana mai me ka palulu ole i ko lakou mau maka. I wahi nae e ike ole ia ai na hana karaima, ua kuhikuhi aku oia maluna o na wahiue ke ko'iko'i o ke koho ana i ke kanaka kupono, ma ke poo o ka oihana makai. Oiai he Repubalika oia, he manaoio kona, ina o na Repubalika ke kohoia. a puka aole ona wahi kanalua iki, no ka oi ae o ke kulana maikai e loaa ia Honolulu nei. O W. K. Kau, kekahi moho Repubalika, no ke kulana makai nui, kekahi i kamailio ma kela halawai a na wahine, me ka hooia ana aku, ina no kona kohola i makni nui, e hoopau no oia i na puulu o nn knnaka opio kolohe, me ka paa o kona manao e hoolilo ia Honolulu nei i kulanakauhale oi ae o ka maluhia. 0 M. A. Hood, kekahi moho lunakiai ma ka aoao Repubalika kn i hooia aku imua o na wahine, no kona apono i ke kulana lawelawe oihana o na wahine, mai ke kulana meia mai a i ke kulana pulumi hale. He manaoio kona, no na hanahou lehulehu i maleemakeia no keia kulanakauhale. O Harry Gregson, kekahi moho lunakiai ma ka aoao Demokarata kekahi i hoea ae ma kela halawai, a oiai aole i loaa iaia ka pepa ninau 0 ka hoounaia ana aku i na moho, ua pane aku nae oia i na ninau apnu 1 wāihoia mai, elike me kana i ike ui.he pono. No kekahi ninau i waihoia mai imua ona, no kona manao e haawi aku i ka hana i kekahi wahine, wahi ana, ina ua ike oia he kane kekahi, 0 makemake mai ana i ke kulann 1 makemake pu ia e kekahi wahine, a he ohana ko kela kanaka e malama ai, ua oi aku ka pono e hnawiia ka hana i ke kane, aole i ka wahine. O kekahi pilikia nui wahi ana, o ia 110 ka lako ole o na kuaaina me ka wai, o kela kekahi hana ano nui loa e pono ai ke nanaia aku lea peno o ko na kuaaina poe. O kekahi mau moho i hoea ae ma kela halawai, a i hoakaka i ko lakou man manao, oia o A. F. Clark, Chas. N. Arnold, .Toseph Luiz, Sam Manu ame William Dickson. Ma ka hora ekolu o keia auwina la, pela me ka auwina la o ka la apopo, i makeniakeia ni kekahi mau nioho e ne, e hiki aku imua o ka halawai a kola ahahui, a hoakaka aku i ko lakou mau manao, me ka pane ana i keleahi mau ninau, no ka lakou mau mea e hana mai ana, ke kohoia i mau kauwa na ka lehulehu.