Ka Nupepa Kuokoa, Volume LXII, Number 41, 11 October 1923 — He Moolelo Walohia Ko Vekinia Waiwai Hooilina Hoopuhiliia na Hana a ka Mea Manao Ino-Kau i ke Aki i ka Manawa Hope [ARTICLE]

He Moolelo Walohia Ko Vekinia Waiwai Hooilina Hoopuhiliia na Hana a ka Mea Manao Ino-Kau i ke Aki i ka Manawa Hope

MOKUNA XLVII. Ka Hoea Ana o ka Paamare i ka Hitade!a Ma ka manara o ka hoea ana ae o ka Lede Linetona i ka Hitadela ua hookahaha loa ia kona noonoo i ka ike ana aku hoolimalima mua ke Sa Wiliama i kekahi kanaka nana e hoomaemae hofl ia home, ma ke pena ana i na wahi i hapaupau he pena, a ma )ka hana ana i mau pepa hou noloko o na rumi r,o ka hoomakiuikau mua ana i kona home no ka ana mai i kana wa»hinamare. O na rumi rnoe maluna ae o ka rumi hoahu buke na rumi i oi tiku ka hoonaniia ana mamuli o ko ka Sa Wilian\a makemake no kana wahine ia mau rumi, no ka mea he lanai akea mawaho aku o ia mau rumi e huli pono aku ana i ka muiiwai, a o na rumi no hoi ia. i hoolakoia me na kii nani i kaha noeauia a pela hoi me na kii mabala, he mau kii nani i kuaiia mai na aina e mai, a mailoko mai o na hale kahakii a hana kii mabala. Aka nae, me ia mau mea hoonani lehulehu no i hoomakaukauia he mea pono no na na lima maiau a kekahi wahine e hana aku e lilo ai ia i home nani oi ae ke nana aku e nolaila, no ia .hana ua haawi ka Lede Linetona ame ke kaikamahine i ko lakou noonoo ame ko laua manawa holookoa o ka la i mea ma ka hana ana e lilo ai na mea apau maloko o ka hale i mau naea nani a ku no hoi*i ka makemake ke ike aku, elike me ka hiki ia laua ke hana. Ua loaa no ka hoomaopopo ana i ka Lede Linetona ua oi lpa aku paha kana mau mea i hana ai mamua o ka mana i haawiia mai iaia ma ka hoonohonoho ana i na me pau, me kona kauoha ole ia mai e hana pela, no kekahi papa ahaaina, aka nae, ua hooholo paa oia i kona manao e hana i ka maikai loa ana e ike ana no ka hanohano o ka hakuwahine hou o ka hale e hoea mai ana i ka Hitadela, a no ka hoike ana aku no hoi kekahi i kona kaikuuane i kona apono no ka hana a ke kaikunane i 'nooholo ai oia kona mare ana i ka wahine.

0 kekahi leumu o ko ka Ledc Linetona hooikaika ana e hana i ka hale a. lilo i home nani, ole e lilo na hoomanao ana a ka hakuwahine hou o ka Hitadela no ka make ana o kona makuakane i aao omamalu nana e hookaumaha mau iaia ma kona ahiahi mua loa o ka hiki ana mai ia home, aka, e lilo na mea nani a pau maloko o ia home i mau mea hoohauoli i kona nonnoo a hoopoinaia ae na hoomanao ana no ka mea i make. Xo keia manao hoouna ak ;u la oia i na palapala kono ma kela ame. keia wahi e noho ana o na hoaloha o ke Sa Wiliama e liiki mai ma ke ahiahi e hiki mai ai ka paamare, i lilo ai lakou apau i mau hoaai no ka hoohauoli ana i ka paamare, a i mau kamaaina boi no ka hookipa ana mai i ka baroneta anie kana Avahinemaae. Ma kela la iwakalua-kumamakahi o Dekemaba, ka la i hdohuiia ai ka baroneta Hita me ka wahine ana i mare ai a i manaoio loa ia ai o Miss Noatona ia, o kekahi ia o na la laelae a malie lo& o ka hooilo; ua kiola pau ia mai na kukuna malamalama o ka la maluna o ka ili hualala o ka honua, a ma na hora kakahiaka o ia la he manawa ia no na ohua a pau o ka Hitadela i ikeia aku ai ka holoke ma o a maanei me ka nee mua o na hoomakaukau ana no ka hookipa ana mai i na haku o ia, home, no ka mea ua lilo ka baroneta i kela ame keia ohua ahiki aku i na kauwa haahaa loa i mea nui a i aloha ia no hoi e lakou, a ua makemake lakou a pau e haawi aku i na hoohanohano ana a pau elike me ka hiki ia lakou no ka la o ko lakou mau haku, me ko lakou makaala i mea e loaa ai ka ike ia lakou no ke ano 6 ka hakuwahine hou o lakou, ka wahine hoi a ko lakou haku e hoihoi mai ana ia home. Ua hooinaniia oloko o k arumiaina nui akea me na luhiehua ka noonoo e koi ae ai no ia la ano nui. Ma ka hoopokole ana ae i ka oielo ua hoomaemae ia na mea gula, kala, na pa, na lako apau o ka halekuke, aohe mea i koe i ka hoomaemaeia, mai na la*ko moe oloko o na rumi, ka rumiaina ahiki aku i ka halekue; imalalo wale no keia o ka Lede Linetona alakai ana. He mati ipu pua me na pua nani ma kela ame keia rumi o na ano like ole, a mau waihooluu like ole, he moani wale no oloko o na rumi a pau i ke ala waianuhea o na pua me ka makalapua lee nana aku i ko lakou nani. Ua ho-aia he ahi maloko o ke kapuahi hoopumehana maloko o ka hok> a maluna ae o ia kapuahi he mau ipu pua lilia ame na loke, me na huapalapala nunui i kauia '"Weleome Home", iloko o Heekahi apo nui. Ma kg. hora 7 ponoi o ia ahiahi ua hoomaka mai la na malihini i konoia e hoea mai, he poe koikoi wale no, na kane me ka lakou mau wahine, he poe hoaloha wale no hoi no ke Sa Wiliama a e noho kokoke mai ana i ka aina nui a palahalaha 0 ka ohana Hita, a mawaena o na hoaai i konoia no ia papa ahaaina. o Mrs. Fanamu, ka Haku ame ka Lede Roialatona pu kekahi. O Rupata Hamiletona pu kekahi eia nae, aole oia 1 hoea imai Ladana mai ia manawa, a e kakaliia ana no kona hoea mai ma ke kaaahi o ia ahiahi, e ku mua mai ana ia kaaahi he mau minuke ke kowa mamua o ke kaaahi mai ke komohana mai a Sa Wiliama ame ka wahine e kau mai ana. Ua kahiko na lede Linetona ia laua iho ma ia ahiahi a ai ka maaiu iluna, e hiolo ana na pilali, e anapa ana no hoi na pohaku momi ma ko laua mau poo, ma na umauma a ma na manamanalima, no ka mea ua hoolako mua laua ia laua iho no kesa la ano nui. Ma ka hoopokole ana ae i ka olelo o kela ame keia o ka poe i konoia, mai na kane a na wahine. a pela hoi me ka poe a pau maloko o ia home, mai ka Lede Linetona, na keiki ahiki aku i na leauwa, ua kahikoia kela ame keia me na aahu nani i kupono no na hookipa ana mai i ke Sa Wiliama ame kana wahipe. 1 kie kani ana mai o ka uwaki o ka hora ewalu ia o ke ahiahi, ua leīheia aku la ka halulu ana mai o kekahi kaalio, alaila holokika aku la ka lede Linetona i ka holo ma ke ano oia ka mea mua loa nana e hookipa mai ana i ke kaikunane ame kana wahijie. I laia i hoea aku ai i ka. puka ua kuemi hou mai la nae oia ihope. no ka mea, ma kahi o kona ike aku ia Wiliama Hita he helehelena haikea ana kona a hohoma na papalina, he heleheleoa hoihoi a minoaka kona ma kona mau papalina e komo mai ana, a e kalele ana oia maluna o ka lima o Rupata, a mahope» mai ona ka wahine e ukali maiana me ke keikikane a laua 4 "Auhea ka hoi kuu kaikunane?" i ninau koke aku a» oia, ma-

hope o kona haawi ana aku i kona aloha ia Wiliama Hita, i ka wahine ame ke keiki. Akaaka mai la o Rupata me ke ano kolohe, a i mai la: "Ua kaha aku la laua hele he alahele okoa, i ole e halawai koke me oe. Ia laua i u ike» mua mai nei ika malamalama me ke kauluwela o ka hale holookoa i na kukui ua loaa koke no ka hoohuoi ia laua he anaina ike ke malamaia ana no laua maloko nei o keia hale ma keia po, a oiai, he mea mau no ia ia oukou na wahine, ka hilahila, i ke komo mai me na aahu kupono ole, ua holo loa aku la ko laua kaalio a ku ma ka puka mahope o ka hale, a me ke kanalua ole au ke olelo ae i nei manawa aia laua iloko o ko laua mau rumi i nei manawa. I "Ua haaWiia mai nei he "hana na'u e noi aku ia oe no laua e kalaia aku laua no ka helej koke ole ana mai nei e ike ia oe, a ua haawi pu mai nei i ke. kauoha ia'u e noi aku ia oe ina no ka makaukau nei o ka pa,pa ahaaina e iioike aku i ka lohe ia laua." I ka lohe ana o ka lede Linetona i nei mau olelo mai a Rupata mai, huli ae la oia a. kauoha aku la i kekahi o na kauwa e hele koke a e hoike alaa i ka lohe i na hakuhale ua kauohaia ka papa ahaaina no ka hora eiwa e ai ai, a ina no ko laua makemake e hooloihi iki aJku i makaukau pono laua, ua hiki no ke hoike mai pela. I ka hoi ana mai o ke; kauwa hoike mai la i ka Sa Wiliama Hita pane aole e hoolola i ka manawa; e makaukau ana laua no ka hele ana mai e ilke i na hoaloha ma ka hapalua o ka hora eAvalu, ua maikai loa keia pane i ko ka lede manao. Mai lilo paha ka manawa ma ia hope iho i manawa mumule a hoouluhua maoli i na hoa e noho ana ina aole o Rupata kekahi malaila, aole nae, o ko Rupata mau no hoi o ka imi i na mea e akaaka a e hauo'/iia ai, a oiai no hoi he keiki oia i punahele i na mea apau no ka oluolu, ka piha kolohe a hoomakeaka, ua hoohalaia ia manav*a me ka hauoli ame ka hehē o na aka ahiki i ka hapalua o ka, hora ewahi, a he mea hoomama loa mai no hoi ia i ka noonoo o ka Lede Linetona, no ka mea, he nui a lehulehu wale na moolelo hoomakeaka a Rupata o ka lu ana mai imua o ke anaina a. ka hoaai i konoia e akoakoa ana ia manawa. Ma kela manawa e hoonanea ana o na mea apau ma ka aoao o Liliana o Rupata kahi i noho mau ai, aka i ke kani ana 0 ka hapalua o ka hiora ewalu, o kon aku koke ae la no ia iluna a hele aku la a nalowale iloko o ka holo. Ia manawa ua lohena aku la na leo hamumu ma kekahi aoao mai o ka holo me h<c mea la ua hoohikileleia mai kekahi poe no ka lakou mea o ka. ike ana aku; a i ka leha ana ae o ka ka Lede Linetona nana ana iluna i ke poo o ke alapii o ka hale oluna, ua ike aku la oia ia Sa Wiliama Hita e ku mai ana me ka helehelena hoihoi a lamalama, me kekahi wahine ui a ka launa ole mai, me he mahina piha la o Mahealani, e kalele ana maluna o kona lima. O ka eu koke ae la no ia o ka Lede Linetona a hele aku la no ka ike a hookip?t ana mai ia laua, eia nae, iloko o ia hoihoi wale o ia hele ana :|iku ana, a i ka wa keia i ike pono aku ai i ka helehelena o kona enemi, aneane loa oia elike me kekahi hee nui i ku i ke k.akala ka mae ame ka wili i ka ehaeha, holowai ae la kona mau maka, haalulu kona kino • holookoa a aneane loa oia e hina. ilalo. Heaha keia hihuo ana o ka ike ana aku la—heaha ka mea nana i hoehaeha loa mai la i kona noonoo? He moeuhane lapu anei o ka po„ a i ole ua anaanaia mai la anei oia e kekahi kahuwahine? Pal|ulu ae Ia oia i kona mau maka me kona mau lima no kekahi manawa oiai kona kin6 e naka Avale la no, a i ka hala ana o kekahi minuke wehe hou ae la a nana hou aku la, i mea e maopopo ai kana ike ana. Aole he hihio, .aole no he akaku, aole no he hana apuhi a kolohe mai iaia; aka aia mamua pono aku ona, kekahi wahine ui a ka launa ole mai i like loa kona helehelena ame kona mau -kahiko mai lee poo a na wawae, na pohaku momi no hoi e anapa mai ana„ ke daimana ma kona lauoho, na kula pepeiao, ke daimana e anapa mai ana mamua o ka umauma, a pela me na he anapa wale no ma na wahi apau o ko Vekinia Alekancsdero kino, me he moiwahine Keleopatera la o Aigupita. O kekahi mea, paha hoi o ka Lede Linetona i ehaeha loa iho ai no kona ike saku i ko Vekinia helehelena hoihoi oiai oia e kalele ana maluaia o ka lima o ke kane, a me kela ano hooioi 1 nana pono maa ai i ka wahine i hoino a i hoowahawaha a i hana aku i ka hana hewa loa iaia iloko o na makahiki lehulehu i kaahope, lea wahine hōi i hoolala ai e hoopoino iaia a i auwe ai oia no ia mau hana hewa a ka mea e ku aku ana me ka loha mamua* ona, me ka hoao e hookaawale loa*iaia mai ke Sa Wiliama Hilta mai no ka manawa pau ole. "Auwe! O Vekinia Alekanedero ka ka wahine a kuu kaikunane i koho ai i wahine, ka wahine no i oki mai ai iaia, a, eia ka, e kii hou aku ana no a mare iaia!" O keia ka k;i Lede Linetona o ka nalu ana iho me ka inaina nui iloko ona. "Eia ka e lilo io ana kuu enemi i hakuwahine no ka Hitadella nei! O, ukiuki ino!" wahi a ua lede lokoino nei o ka namunamu ana iho iloko ona. Aohe manaava e ae i kela aku ai ko Vekinia ui mai kona mau la opio raai mamua o keia; o na mea hookaumaha i kona noonoo o na la i auwale ua kaawale loa mai iaia aku elike me ke ao panopano i puhiia aku e ka makani; o kona mau la o ka noho ana !he mea hoinoia ua kaahope aku, a ma ia wahi ka hauoli no kema lanakila ana maluna o kona enemi. I keia po ke ku nei oia ma ka ipuka o kona home ponoi, kona home hou, ka honie i kupono oia ke nohoal.ii a ke noho haku hoi iloko o na miakahiki lehulehu i hala, he wahine i aloha a i aneane hoi e heiomanaia e kana kane. Ua lilo ka k hauoli i mea hoololi nui ae i ko Vekinia helehelena ame kona uhane mai ka lilo ana he pio na na manao ino a i ka noho hauoli ana iloko o na la kakaikahi o kona hui hou ana mej kana mea aloha; ua hoi hou mai kela ula ohelohelo ma ko/na mau papalina; ua like kona mau lehelehe me |na pohaku akoakoa aiai loa; lamalama kona mau maka me ka j hoihoi o naj olelo ke puka mai mamuli o ka hoihoi houia ana mai o kona» mau manaolana ana i manao mau ai ua hoopohoia kau, me ke kulou ana iho e hawanawana iho la ia Vekiniaz no ka manlawa mua loa. Mahope iho o Vekinia a e kalele ana hoi iluna o ka lima o Rupata o Veki iloko o kona aahu kilika keokeo me kekahi huihui pua minioneta ma kona apo, aka ma na maka o Rupata kana ipo aloha, a pela hoi i ka pōe a pau i akoakoa mai maloko o ia home ma ia po ua like oia me kekahi anela mai ka lani rr/ai, a i ole me kekahi o na wahine ui loa i hoakakaia maloko o kekahi o na moolelo kahiko, iloko o kona ui o na la opio, a eBike hoi me kekahi pua nani loa akahi no a mohala ae i na kwlu kehau o ka po. Ua ho (ke ae ka Lede Linetona i ka mea oiaio mahope wale mai i ka, nui o kona hoehaehaia i oi aku mamua o ka make i loko o lea manawa pokole i kaahope iho mamua o ke alakai ana ma! o kona kaikunane i kana wahine mare iloko o ka rumi a hele miai la imua no ke aloha ana iaia. Aka he wahine ka Lede Linetona me ka npanao i piha i ka! lokoino ame ka awahua, me ka hoao ole e hoololi i kona mau manao paakiki, o kona manae lapuwale no kana e hilinai ai» me ka hoae» ole e haawipio iaia iho, oiai nae no kekahi manawa pokole ko'na wili ana i ka ehaeha no keia puupuu ikaika ioa i kuiia {īnai la iaia. (Aole i pau.)