Ka Nupepa Kuokoa, Volume LXII, Number 40, 4 October 1923 — Hahauia me ka Pahi ke Kumu o ka Make Ana Lilo ka Wahine i Kumu Ala no ka Hakaka Mawaena o Kekahi Mau Pilipino HE LILI PUNALUA KO KELA MAU PILIPINO Mama ka Mea Houpahi i ka Holo Mahope o ka Ike Ana i Kona Poino [ARTICLE]

Hahauia me ka Pahi ke Kumu o ka Make Ana

Lilo ka Wahine i Kumu Ala no ka Hakaka Mawaena o Kekahi Mau Pilipino

HE LILI PUNALUA KO KELA MAU PILIPINO

Mama ka Mea Houpahi i ka Holo Mahope o ka Ike Ana i Kona Poino

M.a ka po o ka Poaono aku la o ka pule i hala, he Pilipino nona ka inoa o M. Sippimo, lie limahana no ka Hui Hana Halakahiki Hawaii ma Wahiawa, ma kauhale o na limahana, o Ah Tai, ka i hahauia me kekahi pahi nui a eha a no ia eha i make ai. Oka mea nana i pepehi ho hoalahui no nona o Capalino Saraspe ka inoa, he hoaloha kahiko no ka mea i make a he hoa i noho pu no hoi me ia maloko o ka rumi hookahi; mahope iho o ka pepehi ana o Saraspe, ua liolo aku oia e pee iloko o ka ululaau mauka loa aku o Wahiawa, a ua huliia aku e ka Hape Makai Nui o Waialua, H. 11. Plammer ame na makai. Ma ka hoakaka a ka Makai Nui Plammer o ka hoiko ana ae, no kekahi wahine a keia mau Pilipino a elua i' aloha i ke kumu o ko laua hoopaapaa ana. Ua puka aku a puka mai na olelo e wela like ai lua, a iloko o ka hahana loa o ka laua hoopaapaa ana ua lele -maoli na puupuu mawaena o na kanalui elua maloko o ka hale a laua i noho like ai no kekahi manawa loihi, a ma ka oleloia ua lalau aku la o Saraspe i kekahi pahi nui a me ia pahi oia i hahau aku ai a moku kekahi lima 0 Sippimo a kokoke e lele, maluna iki mai o ka peahi, a me ia pahi no 1 hou aku ai i ka a-i o Sippimo a moku a hamama a loaa ka iwi. Ika ike ana o Saraspe i ka pilikia o kona enemi, ua kunpau aku la oia i ka holo a nalowale iloko o ka pouli, a ua manaoia ua holo pololei aku oia noloko o ka ululaau mauka- aku o Wahiawa. I kela moku ana o Sippimo, ua iho aku la oia i kai ma ke alanui a ma kahi he 30 kaj>uai ka mamao mai ka hale aku, ua hina iho la oia ilalo no ka nawaliwali mamuli o ka nui loa o ke kahe oke koko. He 10 minuke ma ia hopo iho, ua lele loa ae la kona aho. Mamuli o keia pepehikanaka i hanaia maloko o kela kauhale o na limahana, ua uluaoa koke ae la na kanaka e noho ana malaila a hoomaka koke ka huli ana aku no ka mea pepehikanaka, a ua hoike koke ia aku la no hoi ka lohe i ka Makai Pleinmer, a oia ka na makai o ia apana o huli mai la no ka mea pepehikanaka, aole nae i hoikeia ae kona loaa ana ame ka ole.