Ka Nupepa Kuokoa, Volume LXII, Number 40, 4 October 1923 — HAAWIPIO OKOA O MIYASHIRO IAIA IHO. [ARTICLE]

HAAWIPIO OKOA O MIYASHIRO IAIA IHO.

Mahope o ke ki ana o Toko Miyashiro, he Kepani, ia Magiro Kanishiro, he Kepani no me ka pu panapana ma ka po o ka Poakolu o ka pule i hala a manao o ka holo ana e pee kona mea e pakele ai, eia nae, ua huliia aku oia e na kanaka o ke aupuni ahiki i kona loaa ana aku a ma ka hora 10 o ke kakahiaka Poaha mai i hoopaaia ae ai oia maloko o ka halepaahao o ke kalana, a ke paaia niai nei oia no kona ninaninauia aku, e kakali wale ia ana no no ka liopena o ka mea ana i Ifi ai. Ma ka manaoi}i o ke kumu. o ke ala ana mai o kela ki pu mamuli mai no ia o ka lili punalua o Miyashiro ia Kanishiro no ka hoomakaleho i kekahi wahine Kepani opio, nona ka inoa o Miss Tamashiro. Mahope iho o ke ki ana o Miyashiro ia Kanishiro a ku a manao paha e make ana kona enemi ua hoomaka aku Ia oia e holo ma kela po Poakolu. Ika loaa ana ae o ka lono i na makai no keia ki pu ua hoomaka aku la na makai e huli mahope o Miyashiro a ma ke kakahiaka Poaha ae, no ka ike ana o Miyashiro aole oia e nalo ua haawipio okoa ae la oia iaia iho i ka oihaua. makai. Ma kona manawa 0 ka ninau ia ana i hoikeia ae ai oia e na hoalOha ka ona i kenakena iaia e holo e pee, a no kona manao ana aole oia e nalo pela oia i haawipio okoa ae ai iala iho i ka oihana makai. Aia oia maloko o ka halekalana kahi i hoopaaia ai i nei manawa. Ma ka hoakaka ma ka moolelo ua hoihoi aku o Kanishiro ia Miss TamaBhiro, ame kona kaikunane no ko laua home maluna o ke kaa, a ia Kanishiro ame Tamashiro o u kamailio ana ma ke alo mai o ka hale oili aku ana o Miyashiro a hoomaka koke aku la no ke ki ana ia Kanishiro me kana pu panapana, he ekolu mau poka i kiia aku, a hookahi o ia mau poka i ku aku ma ka umauma o Kanishiro maluna iki ae o ka puuwai, a no ia eha mauwale i hoihoiia aku ai o Kanishiro 1 ka Halema'i Moiwahine kahi ona i lapaauia mai la i aei manawa.