Ka Nupepa Kuokoa, Volume LXII, Number 40, 4 ʻOkakopa 1923 — Hahana ke Kalaiaina e Nee Nei [ARTICLE]

Hahana ke Kalaiaina e Nee Nei

Ma ka moolelo o na hana koho haloka o na kalana lehulehu o kakou, o keia holo baloka wae moho e hoea mai ana, ke koho baloka oi loa o ka hahana i ikeia; ua oho maoli mai no ka manao o na makaainana koho haloka me ke kui'o, no ko lakou makemake e hoololiia ae kekahi mau poo e paa nei i na hana o ka lehulehu, a e hoonoho aku i poe hou ma ia mau wahi. Ua ikeia keia, ma ke kalana o Kauai, ma ke Kulanakauhale o Honolulu nei, a ma na Kalana o Hawaii ame Maui. Ma na kulana oihana i hoomaopopo maoli ia ai ke kupono o ka poe e paa ana ia mau kulana, aole he mau ku-e ana i hoalaia mai, aole e kekahi poe iloko o ka aoao kalaiaina hookahi, me na poo o kela mau keena, a oki loa aku hoi mai kekahi aoao kalaiaina okoa aku; malalo o keia kumu; ua hiki loa ia kakou ke ike aku i ka noonoo o ka lehulehu o ia no ko lakou makee ana e hookoia na hana o ka lehulehu. me'ke kupono i'o, aole ma ke ano hoopahemahema wale, a nana wale no paha i ko lakou pomaikai iho. He mea hookahaha no paha i ka manao o kīekahi mau makaainana, ka nui a lehulehu o na moho e holo ku-e nei i kekahi mau kulana oihana. ma ka aoao kalaiaina hookahi, pela iho la i piha pono ai ka makemake o ke kanawai wae moho, e haawi ana i na mana koho haloka ke kuleana nui e wae ae ai i ka lakou poe kupono i ike ai, a kapae ai i ka poe kupono ole. Ma ke ano nui ke olelo ae, ua konoia mai kakou ,na makaainana koho baloka, c wae ae, a e koho aku i na kanaka kupono a kakou i ike ai, i poe na lakou e hooponoppno i na keena oihana o ka lehulehu; ua lilo na hana hemahema i lawelaweia e kekahi luna oihana i kumu nona e koho hou ole ia ai; a maluna iho o kako na ahewa ana. ina aole kakou e hoomau aku ana i ka poe mua e paa nei i na oihana, ina ua ike maoli ia ko lakou kupon oa makaukau ma ka lakou mau oihana iho.