Ka Nupepa Kuokoa, Volume LXII, Number 40, 4 ʻOkakopa 1923 — He Moolelo Walohia Ko Vekinia Waiwai Hooilina Hoopuhiliia na Hana a ka Mea Manao Ino-Kau i ke Aki i ka Manawa Hope [ARTICLE]

He Moolelo Walohia Ko Vekinia Waiwai Hooilina Hoopuhiliia na Hana a ka Mea Manao Ino-Kau i ke Aki i ka Manawa Hope

"Ka, koe aku ia, aohe maopopo ia'u. Ma ka la no i nehinei ko'u halawai ana me ia ma ka halekuai Okafoda, a nana 'no i hoike mai ia'u aia iaia ua wahi buke la, me kona hoakaka pu ana mai i ke kumu o ka loaa ana iaia, a ua olelo mai ia'u e hoihoi mai ana oia i ua wahi buke la i ka manawa kupono ana e ike ana. Aole oia i olelo mai he buke ka iaia na'u, o kana i olelo mai ai he opepēpa aia iāia, a ua hoakaka pu mai no hoi i ke kumu o ka loaa ana o ka ike iaia na'u ia buke mamuli o kona ike ana i ka hoailona e kau ana ma ke pani o kuu kaalio ma kela po a kakou,i akoakoa ai maloko o ka home o na Danafoda,. au no e poina ole la." "Ina aole oia i wehe i kela opepepa o ko'u palekana ia, aka hoi, ina ua weheia a ua ike oia i na mea a pau i kakauia maloko, aohe o'u luakupapau e ae, o kela buke wale no, a hookahika hoi mea aloha o maua, i ke kuewa hele aku me kahi opeope i ke ala ame ka waimaka. O ka'u e weliweli loa nei, ina no kona hui me Sa Wiliama a huaiia mai imua o Sa Wiliama na hana apau a kaua i hana aku ai ia Mrs. Alekanedero, aloha wale! Ina e ike ana oia i ke kupono oke kumakaia ana mai ia'u me ka huai mai i na mea apau ia Sa Wiliama, e lilo ana ia la ana e hoike mai ai i la kumakena loa no'u." "Naaupo maoli no paha oe i kou kakau ana i na mea apau 0 kela ano maloko o kekahi apana pepa a buke paha e pili ana 1 kau mau hana ino apau no kela wahine Amenka, aole oe i ike aku i ka manawa e haule ai ia buke a loaa i kekahi mea, elike iho la me keia, o kou pilikia no ia," wahi a ke aikane o ka nuku ana mai me kona hoahewa loa nae> oia pu no hoi kekahi i komo pu iloko o ia lua auhuhu like a i hoomakaukau iike i ka apu koheoheo i mea no Vekinia e hoopilikiaia ai. "Ae; ke ike io nei au i ko'u naaupo; eia no hoi ke kumu o ko'u hana ana pela he malama mau no au i buke hoomanao, no ka mea he nui na mea waiwai e kupono ai e hoomanaoia me ka pololei loa, ina ma ka noonoo wale no e malamaia ai ia mau mea ano nui a waiwai ea, e poina ana no i kekahi mau mea* o ka buke hoomanao hoi ea, he hikiwawe ia ke huli iho, me ia ano i hoopakeleia ae ai au mai na hana kuhihewa mai he nui i na wa aku la i hala." "Mai oi loa aku ka maikai nou ina-i haehae a i ole i puhi i kela buke hoomanao i ke ahi, ma kahi o ka buke au i kakau ai no na mea e pili ana ia Mrs. Alekanedero, elike me ia a'u i a'o aku ai ia oe," i pane mai ai o Mrs. Fanamu. "Eia no hoi ke kumu o ko'u hana ole ana pela ua piha kela wahi buke i na mea kupono a waiwai loa e hoomanaoia ai a aole no hoi au i moeuhane mua e hoohaule ana la hoi oe ia wahi buke a e loaa aku ana i ka lima o kuu enemi, ina paha i loaa mua ia'u na halia ana no ia mea, ina no la hoi pau mua ia wahi buke i ka haehaeia, a i ole aole no hoi au e haawi aku ana ia oe no ka malaiha ana; hookahi mea maopopo loa ia'u i nei manawa o ia hoi, ua hoohemahema maoli no hoi oe ia wahi buke, a ke ike e nei no au i ko'u poino, no ka mea, ina no ka haawiia aku o ia wahi buke, a ke ike e nei no au ia Sa Wiliama, ehia ka hoi mea aloha owau hookahi wale no, i ke kaiehuia mai a kuewa aku i ke ala me kahi opeope," i pane aku ai ka Lede Linetona me ka hooili ana i na ahewa a pau maluna o ke aikane no ka haule ana o ka buke hoomanao e lilo ai ia i moo nahesa e huli mai ana a nanahu iaia me kana waiawa o ka make. "Ua maopopo ia mea ia'u ua piha ia wahi buke me na mea ano nui a waiwai; ina o na mea maikai wale no a i kupono ke hot)manaoia ke hoopaaia maloko o ia buke ina ua pono; aole nae he mau mea maikai ole kekahi au i kakau ai maloko o ia buke, a oia mau mea ke huli mai ana a nanahu ia oe i ke kahi la, a laki loa ina aole e haawiia ae ana ia wahi buke ia Sa Wiliama mahope iho o ka hui a halawai hou ana o Mrs. Alekanedero me Sa Wiliama. "A eia hou, aole o oe wale no ka 1 hoopihaia me na manao pihoihoi, aka owau pu kekahi e hoehaehaia ana, ua mihi no au me ka walania loa no ka haule ana o ia buke me ka piha pu o ko'u naau i ka weliweli no ka hopena e hiki mai ana i kekahi la. . "Ua ahewa loa no hoi au ia'u iho no ko'u komo pu ana a kokua aku ia oe ma kela hana, a ua olelo iho au iloko o'u, "heaha no la ko'u mea o ka hoao ana e hookomo i ko'u mau manamanalima iloko o ke ahi e pau ai o'u manamana i ka mumuu? "O ko'u kumu maka'u loa, elike me kau i hoike mai ai, no na inoa au i kakau ai maloko ame na la o kela ame keia mea hoorrianao au i kakau ai, aole i kaawale loa ae kou hewa mai ko'u ae, ua like a.like kaua ma ia mea. "Hookahi wale no kumu o ko'u ae ana aku e huipu me oe ma ia hana, no kuu manao oia wale no ke alahele e kaawale loa mai ai ke Sa Wiliama mai kela wahine mai ana i mare ai a lilo oia i kane na Sede Fanamu, eia nae, ua ike au mahope iho he moeuhane palaualelo wale no ia, he hana hiki ole ke hookoia, a ua ike kaua ia hopena. "I mea e loaa ai kela buke ia oe no keaha no hoi kou mea hele ole aku i kahi o ka hale a Mrs. Alekanedero e noho nei, ka hoi aku iaia e haawi mai ia oe, no ka mea ua hoike mai la no ka hoi oia me ka maopopo loa nau ia wahi opepepa ana i ike ole ai i ka waiwai oloko. Mai hele aku no hoi paha oe me na olelo 'kalakala, aka ilalo kau mau olelo e kuu aku ai i ka nahe me ka leo mali, a ke loaa mai ka hoi la, o ka loaa ana no ia o ka maha i kou uhane. Ina aole i hahaeia ka uwepa i hoopaaia ai, alaila ua palekana oe me he mea la aole i nalowale ia wahi buke," wahi a Mrs. Fanamu. "He manao maikai loa kena au i hoakaka mai la, e Mana e hele io aku ana au i ka hale ana e noho mai la, a ina no ka loaa mai, o ka loaa ana no ia o ka maha i kuu uhane," wahi a ka Lede Linetona. Pela ka laua nanea ana a hala kekahi hora, ma ke kamailio ana maluna o na kumuhana like 01-e, a i ka hala ana o ia manawa, ku ae la ka Lede Fanamu a hoi aku la no kona hale, me na manao hakukoi like ole e hana ana iloko o kona waihona noonoo. Ma kekahi la ae, no ka hooko ana aku i na oleloa'o a ke aikane, kamoe pololei aku la ka ka Lede Linetona hele ana no ka hale kahi a Vekinia Alekanedero ma e noho ana ia manawa, a iaia i hookani aku ai i ka bele mamua o ka hale, o ke kauwa ka i pane mai i kana bele, a hookipaia aku la oia iloko o ka rumi hookipa malu o ia hale. Aohe poe e ae oloko o ka hale o ke kauwa wale no, a mahope nae o ko ke kauwa hele ana aku e huli ia Veki, hoi mai !a oia a komo mai la iloko o ka rumi a ka Lede Linetona e oho ana kakali o ka oili giai o kana mea i makemake loa ai e hui, a e noi aku i kahi buke, kahi mea, "haule i ka lai o Lele."

Ia komo ana mai o Veki a ikē mai la i ka Lede Linetona haawi mai la i ke aloha kakahiaka, a i pu mai la: "O mama anei kau mea i makemake ai e ike i keia kakahlaka? Aole oia ma ka haie nei i keia manawa, ua hele aku nei no kekahi wahi no kekahi hana, a oiai aole oia maanei no ka hookipa ana mai ia oe ke hookipa mai nei au ia oe me ka hauoli. He mea anei kekahi e hiki ai ia'u ke hana aku nou, eka Lede Fanamu?" me ka paarula loa keia hookipa ana a Ycki a me na olelo kupono hoi i olelo iho ai ka lede iloko wale iho no ona no ko Veki kulana lede oiaio a he wahine opio hoi i pakaia ma.na ano naauao a pau, e kupono ai e lilo i makua-* hine no kekahi home. "Ae, ua makemake au e hui a e kamailio pu me ia no kekah! mea, aka nani hoi ia aole oia ma ka home nei ua hoohoka nui loa ia iho la ko'u manao. Pehea la, e hoi koke mai ana 110 anei oia?" "Ke kanalua loa nei au i ka ae aku, a no keia kumu, olelo mal nei ia'u he hana kekahi ana i makemake ai e hui me ka Madame Gabeia, kona wahine kelalole, ma ka hora 11 o keia kakahiaka, a ma ka hora ekahi o ka auwina la c hele aku ana oia i ke keena loio o ka Loio Kakina," wahi a ka Veki hoakaka. Noonoo iho la ka Lede Fanamu no kekahi minuke a i hou aku la: "Hookahi a elua la paha i hala aku nei ua hui au me ka Lcde Alekanedero ma ka halekuai Okafoda. a ua hoike mai oia ia'u he opepepa ka kekahi a'u aia me ia kahi i waiho ai. Ua maopopo no anei ia oe ia opepepa?" "He opepepa?" wahi a Veki o ka ninau ana mai no kona pohihihi. Eia nae, i kona haupu ana ae i hou mai la: "O, o kela wahi opepepa anei la ua uwepaia i loaa ka anakala o mama he mau makahiki lehulehu i hala aku nei, a i kauohaia mai ai o mama e malama ahiki i ka loaa an ao ka ona nana ia wahi ope? Alaila, nau anei ia wahi opepepa, e ka Lcde Linetona?" "Ae. Ua silaia! Oia anei kau i olelo mai nei ua silaia?" i ninau aku 3i ka Lede Linetona no ka hoomaopopo ana "Ae; ua silaia, o ia hoi ua hoopaaia me ka wepa, me kekahi hoailona Kea a mau huaolelo makia, i hoakaka mai ai o Yeki. "A pela, aole anei i weheia ia opepepa?" walii hou o ka ninau a ka lede, me ka iini nui iloko o kona naau e lohe >ku ua weheia paha a aole paha, no ka mea, ina e hoike mai ana 0 Veki ia manawa i ka lede ua weheia e ike iho ana oia i ua kolekole kana noahuna, a ina aole o kona palekana loa atia ia, ke loaa hou mai nae iaia. "Aohe i weheia. O ia mau no elike me ia i loaa mai ai ia mama mai ka anakala mai ona," i pane aku ai o Veki me ka hoopinana ana ae i kona mau lehelehe me ka pii pu ae o ka ula o ka inaina nui ma kona mau papalina, mamuli o ka ninau hoohuoi a hoomaoe hoi aka lede. "Ua papa loa ia mai o mama e ka anakala ona aole'e wehe ia opepepa ahiki i ka haawi pololei ana aku i ka ona nana ia waiwai, nolaila ua hooko o mama ia kauoha, aole i weheia ahiki mai no i keia la." Aneane loa ka Lede Linetona e uwe iho no ka piha loa i ka hauoli no nei pane a Veki. Ua hoopakeleia oia., wahi ana. O kana mau mea huna lapuwale a pau e nalo ana oia wale no ke ike; ina nei no ka loaa hou o ia wahi buke hoomanao iaia he la hauoli loa ia nona aohe ana mea e makau hou aku ai. 1 ka manawa e loaa mai ai o ia wahi bukc iaia e puhi kokeia aku ana eia i ke ahi, a o ka lehu e lulu heleleiia aku ana maluna o na alanui o Enelani. He moeuhane palaualelo wale no nae keia nana, no ka mea he okoa ka ke au o ka manawa e halihali mai ana, no ka mea, he makemake ke Akua e huaiia ae kana mau hana ino i ke akea. "Ke kaumaha loa nei au no ko'u ike a halawai kino ole ana me Mrs. Alekanedero i keia kakahiaka; aka oiai hoi ua hele aku la oia, malia paha ua ike no hoi oe i kahi o ia wahi opepepa i waiho ai, a ina pela ea, e oluolu hoi ha oe e kii aku a haawi mai ia'u, a hoi ae hoi au?" wahi o na olelo mali a ka Malua* kele. "Ke ike nei au no'u iho i ka liiki ole ia'u ke hooko aku i kau (īoi, e ka Lede Linetona, a no ka mea aole o'u makemake e hana aku i kekahi mea me ka ike a apono ole mai o ko'u mama; he hewa koikoi loa ia a'u e hana aku ai me kona ae maikai ole mai," i pane aku ai o Veki. "Hookahi mea hiki ia'u ke hana nou oia keia, e hoike aku ana au iaia ianei mai oe no ke kii ana mai i kahi opepepa, a ke lana nei no kuu jnanao e hoihoi aku ana no oia ia mea ia oe i ka manawa kupono ana e ike ana, -no ka mea heaha auanei kona waiwai e paa hou iho ai mahope o kona maopopo ana o oe ka ona nana ia waiwai." "Ina hoi ha pela pau ae la no. Ina no kona hoi mai a makemake oia e hoihoi ae i ua wahi opepepa waiwai ole iaia owau wale no, hoouna pololei ae i ka hale o kuu kaikunane. O ka helu o ke alanui ame ka pahale aia maluna o ka apana pepa hoolauna a'u i haawi aku nei ia oe. Maikai no hoi paha owaa ponoi no ke kii mai, eia hoi, e hoi aku ana au i ka Hitadcla a e haalele iho ana i ke kaona nei ma ke kaaahi mua loa o ke kakahiaka, o kuu makemake nui e loaa ae ia wahi opepepa mamua o kuu hoi ana, ke hiki." Hooia mai la o Veki no ka hoihoiia aku o ia wahi opepepa me ka leka pu e hoakaka ana no ia mea, a i ka pau ana o nel mau kamailio mawaena o laua, ku ae la ka lede a hoi aku la, aole me ka mama o na kaina wawae, ame ka maha hoi o kona uhane, aka, me ka naau kaumaha. Ma kekahi kakahiaka ae aole i loaa aku ke opepepa a ka lede i makemake nui ai ahiki i kona kau ana maluna.o ke kaaahi e lawe ana iaia no ka Hitadela, ka home o ke Sa Wiliama Hita elike me kana i manao wale ai e loaa aku ana. | Ua hoolala mua ua lede nei no kona hoi aku ika llitadela Ima ka la umi-kumamalima, me ka hoihoi pu ia Liliana me I ia, a oiai ua. kakali mai oia ahiki i ka minuke hope loa # me ka lana mau o kona manao e loaa aku ana iaia kana buke i piha me ka lepo i ka manawa kupono mamua o kona kau ana i ke kaa, ua hiki ole nae iaia ke hoopupu hou iho, a hoi aku la me ia nele no ka home o ke kaikunane. Eia nae, no ka hoikeia ana aku paha hoi e hoihoiia aku ana ia wahi buke iaia, aole i hoohakukoi loa ia kona noonoo elike me na manawa lehulehu mamua aku, no ka mea olelo wale loaa houana aku iaia, me ka wehe ole ia o ka wepa i hoopaa ia ai. iho la no oia iaia ina ua malama maikai ia ia wahi buke iloko o na makahiki lehulehu i kaahope aku, pehea la hoi e nele ai kona malama maikai ia iloko o na la pokole wale no i koe ahiki i ka laia e aneane loa ana e ee aku iluna o ke kaalio nana e lawe aku ia laua no ka hale hoolulu kaaahi, loaa mai Ia he kelekalapa iaia mai ke kaikunane Sa Wiliama mai, a e hoakaka ana malalo nei, penei: "E haalele iho ana maua i ka Enegelawuda nei (ka home o ka Haku Noatona i make)*ma ke awakea o ka Poakolu, a e hoea aku ana ika Hitadela ma ke kaaahi oka hora 7:30 p. m. Ina he makemake oe hui ae me maua ma'ka hale kaaahi." "Ea, he manawa pokole loa maoli keia no ka hoomakaukau ana i kekahi papa ahaaina a no ka hookipa ana !nai ia laua," wahi ana i nam\mamu iho ai, me ka hoikeike ana ae i ke kelekalapa i ke kaikamahine. Aka nae, aole i lilo ka pokole o ia manawa i mea hookaumaha loa iho iaia no ka mea, o ka mare koke o ke kaikunane i ka wahine o kona kaawale loa ana ia mai ka hui hou ana aku me Vekinia i ka wahine ana e inaina mau ana ahiki ia hora, a he lanakila ana hoi ia nona maluna o kona enemi. (Aoie i pau.) •