Ka Nupepa Kuokoa, Volume LXII, Number 40, 4 October 1923 — Nui na Aihue i Hanaia e ka Paahao Mahuka Hoike Okoa o Joscph Kahakai i Kana Mau Wahi i Komo Aihue ai MA KAUAI OIA O KA PAA ANA I KA HOPUIA He Kokoolua Kona o ka Holo Ana no Kauai Paa pu Oia i ka Hopuia [ARTICLE]

Nui na Aihue i Hanaia e ka Paahao Mahuka

Hoike Okoa o Joscph Kahakai i Kana Mau Wahi i Komo Aihue ai

MA KAUAI OIA O KA PAA ANA I KA HOPUIA

He Kokoolua Kona o ka Holo Ana no Kauai Paa pu Oia i ka Hopuia

Mamuli o ka paa ana o Joseph Kahakai i ka hopuia ma Kauai, a i hoihoiia mai ai hoi no keia kulanakauhale e ke Kakiana Makikiu John Kellett, ma ka Poakolu o ka pule akn nei i hala, i ae okoa ae ai keia paahao mahuka, no kona komo aihue ana maloko o ' kekahi mau home lehulehu o na makaainana o keia kulanakauhale. Ho paaliao o Joseph Kahakai, o ka mahuka ana mailoko aku o ka halepaahao ma ka mahina aku nei o lune i hala, a oiai na makai o Honoluln nei e noke ana i ka huli iaia, ma keia mokupuni, eia ka auanei .ua hala aku oia no Kauai, me kekahi Kepani o Bunichi Shidake ka inoa. Ma ka la 7 o ka mahina o Sepatemab<a aku nei ka hoea ana o kela mau opio no Kauai, me' ko laua hoohala ana i kekahj manawa ma Waimea, ma ka po o ka la 13 o kela mahina, i lilo ai mailoko aku o ka halekaa o Waimea, he $160. Ua kau koke na manao hoohuoi 0 na makai o Kauai maluna o Kahakai ame kona kokoolua, eia nae ua haalele aku la kela mau kanaka ia Waimea, a ma kekhi la mai, ua lawelawe hou aku la no laua, 1 k«a lau.a hana aihue, me ke kono okoa ia ana o ka Makai Nui Rice, e hoouna i fcona poe kanaka, mahope o ka meheu o na piko pauiole. Iloko o kela manawa, aole i loaa aku ka iko i ka Makai Nui Kiee, o kela ke kanaka a ko Honolulu nei poe makai i makemake ai; a i ka wa i loaa mai ai ka lohe i ka makai o Honolulu nei no kela mau kanaka nihue ma Kauai, ua hoounaia ke Kakiana Makaikiu Kellett, a mahope iho o ka hookolo ana mahopo o ka paahao mahuka, i paa hou mai ai o Kahakai i ka hopuia, aole nao ma ke ano maalahi, aka me ka hana nui. Ma ka oleloia, u«a. ae okoa ae o Kahakai imua o ka Makaikiu Mc,Duffie, oia ka mea nana i komo aihue i na home o Louis King, George Ashley, Jr., George Renton, ka lunanui o ka maliiko o Ewa, Ernest Brecht, ka luuanui o ka mahiko o Waianae, Kiaaina Frear, pela hoi me kekahi mau aihue lehulehu i hanaia ma na wahi like ole o keia kulanākauliale. No kona kokoolua hoi, i kulike a{ me na hoakaka ka Makaikiu McDuiße, o Bunichi Shidake, kekahi o ka puulu, i hoolilo i ka lakou hana, he aihue i na kaa otomobile. I ka aihue ana o kela puulu i na kaa otomobile, e hoololiīoli ana lakou i kekahi mau wahi o na kaa, alaila hole aku la no na kuaaina e kuai ai i ka poe makemake e mai ana. Eia ke alakai o kela puulu o ka poe nihue i na kaa otomobile, ke paji mai nei maloko o ka halepaahao, no ke kakali ana i ka wa e noho mai ai o ka aha, e hoolohe i kona hihia.