Ka Nupepa Kuokoa, Volume LXII, Number 36, 6 September 1923 — Ku I Ka Weliweli Ka Lukuia Ma Iapana He mau Haneri Kaukani Ola i Poino i ke Olai, ke Ahi Ame ke Kai Hoec HE MILIONA A OI I HOONELEIA I NA HOME He mau Haneri Kaukani o na Hale i Lukuia ma Tokio a ma Iokohama [ARTICLE]

Ku I Ka Weliweli Ka Lukuia Ma Iapana

He mau Haneri Kaukani Ola i Poino i ke Olai, ke Ahi Ame ke Kai Hoec

HE MILIONA A OI I HOONELEIA I NA HOME

He mau Haneri Kaukani o na Hale i Lukuia ma Tokio a ma Iokohama

OSAKA, Sept. 3. —O ka pihoihoi, ka haunaele ame ka weliweli ka i nohoalii iho ma ka po i hala maluna o na kanaka maloko o na kulanakauliale o Tdkio anie Yokohama i hoohioloia a i holapuia ae e ke ahi, me na alanui i uhiia e na apana laau e mokaki ana maluna o na alanui a i pihakui i na kanaka me ka poe i nele i na liome a i make hoi i ka pololi, a he mau kaukani poe e aku i hoakoakoa ae maloko o na paka nui o Tokio a ma na wahi akea e ae kokoke mai i ke kulanakauhale. O na olai, ke ahi ke kai hoee ame ka luaipele i hoomaka ai ma ka Poaono aneane loa e pulumiia aleu ke kapitala ame ke awakumoku ano nui o ka mokupuni o lapnna, na mea na lakou i lawe aku i na ola i kol wale ia i nei manawa aia o ka 120,000 ame ka 200,000 a oi aku, mo na hale i hoopoinoia maluna aku o 200,000 i lilo i puulehu maloko o na kulanakauhale poo āupuni. Na na Olai i wawahi i na paipuwai nunui a i lilo ai hoi i hana hua ole na hooikaika ana e kinai i ke ahi mahope iho nana i hoopoino nui i na lako meaai. He mau kaukani o ka poe e ahai ana i ko lakou mau ola i hilei ole ke komo aku iloko o ka hale hoolulu kaaahi'ma Tokio i hoakoakoaia ae maloko o ka Paka Ueno, a he aneane 800 poo i komo ae maloko o ka hale hoolulu kaaahi me ka hele a pihaku'i.

Na ka ula ahi mai ka paipu gas nui mai i pa-hu ai i hoopioloke i na noonoo o na kanaka, a ua hoomahuahuaia aku i ka manawa i pahola ae ai na ulaahi i ka hale hoolulu kaaahi. Aohe huina o ka poe i poino i koheia, aka ma ka olelo nae a kekahi poe i ikemaka he mea manaonao no ka ike ana aku i ke ku o ke ahua o ka poe i make e kau ana kekahi kino maluna iho o kekahi. Ma ka oleloia he oi aku ka weliweli o keia luku ana a ke olai, ke ahi, ke kai hoee ame ka

luaipole mamua o ka pau ahi ma Kapa'.nkiko i kekahi mau makahiki ehu'eLu i kaahope aku.