Ka Nupepa Kuokoa, Volume LXII, Number 36, 6 Kepakemapa 1923 — O KAKOU PU KEKAHI E EHA ANA. [ARTICLE]

O KAKOU PU KEKAHI E EHA ANA.

Mamuli o kela poino weliweli i loaa mai la' i ke aupuni o lapana, oia hoi ka lukuia ana mai la he mau hanen kaukani ekolu a oi o na home, a hooneleia he miliona a oi aku mau kanaka i na home, a he mau hanen kaukani o na ola i poino i ke olai, ke ahi ame ke kai hoee, me ka hooweliweli pu mai o ka pahola o ka wi ame ka ma'i ahulau maluna o ka lahui, aole o ke aupuni wale no o lapana ka i eha, aka o Hawaii nei pu kekahi, a no ka mea mai lapana mai kekahi mau lako meaai e loaa mai nei ia Hawaii nei e laa ka laiki, ame kekahi mau meaai e ae, a mawaho ae o ia mau mea na waiwai kalepa he nui wale. 0 ke kumukuai o keia mau waiwai ae la apau i na la i hala akii la ua loaa mai ma ke emi, aka, mamuli o kela poino nui mai la ma lapana me he mea la e aneane aku ana e pau ke komo ana mai o ia mau waiwai i Hawaii nei a e kaohiia ana ka hoopuka hou ana mai iwaho no ka haawiia aku o ia mau niea i na makaainana pololi, ilihune a i hooneleia me na home ame na mea e pono ai ke ola ana, a hala he wa loihi. 1 keia mau la ke koiia mai nei na kokua a kela ame keia no ka haawi ana aku i ka poe popilikia ma lapana elike me ka hiki ke haawi, he hana hiki ole ia ke alo ae; ke hana like mai la na aupuni e ae o ke ao ia hana kokua ,a ke hoouna ae la i ka lakou mau kokua i ka poe i kohoia no ia hana. Ma kahi o ka loaa ia kakou o na mea kuai ma keia mau Ia me ke emi e pii hpu ae ana na kumukuai mamuli o ka uuku o ka mea e loaa mai ana mai lapana mai, a i ole ka loaa ole mai no paha a hala he mau manawa loihi ma nei mua aku.

E hoounaia aku ana he mau kauka ame kekahi mau kahuma'i wahine no lapana no ka haawi ana aku i na kokua i ka poe i ola mahunehune mai, a he mau lako meaai a mau lako e ae kekahi e hoounaia aku ana no ke kokua ana aku i ka poe i halawai me ka poino.

He aupuni lioaloha o lapana no Amerika a no Hawaii nei, a no na aupuni e ae pu no o ke ao, i ka manawa i halawai mai la 0 lapana me na popilikia, o ka eha i loaa ia aupuni hoaloha ua loaa pu ia eha i na aupuni e ae, nolaila o ka hana a ka hoaloha i ka hoaloha iloko o ka wa o ka pilikia oia ka haawi ana aku i na kokua elike me ka hiki, i mea e hoomamaia ai kekahi kaumaha i kau iho maluna o ka mea i hoopoinoia, a ma kahi o eha kaukani d|la a oi i luluia e ko Honolulu nei mau makaainana i kela mau la iho la no ke kokua ana aku i na lahui pilikia o lapana. Ma ka manawa i kaheaia ae ai na kokua 110 ka lahui pilikia o lapana ma ke kuahaua a ke kiaaina, aohe i hookaulua iho ka lahui Amerika ame na aupuni e ae apau, ua hooko koke ia mai la ia leo, a e hoounaia aku ana na kokua iloko o ka manawa pokole; o ia ka hana a ka hoaloha 1 ka hoaloha i komohia iloko o ka pilikia, he hana e hoike a e hooko ana i ka ka Haku i kauoha mai ai, aole i ka lahui Amerika wale no aka, i na lahuikanaka apau, "E' aloha oukou kekahi i kekahi."