Ka Nupepa Kuokoa, Volume LXII, Number 35, 30 August 1923 — KA HIHIA O KE KANAKA PEPEHI IMUA O KE KIURE KIEKIE [ARTICLE]

KA HIHIA O KE KANAKA PEPEHI IMUA O KE KIURE KIEKIE

He lono mai Hilo mai o ka loaa ana ae i ka Advertiser ma kekahi la o ka pule i hala aku Ia ke hoakaka ana no ka waihoia ana ae imua o ke kiure kiekie o ka mokupuni o Hawaii o ka hihia o M. Kelekolio i hoopiiia ai no ka laweola, ko kanaka nana ka wahine i niake ai ma ka la 15 ' o |ieia mahina iho la mainuli o ka pepehiia ana, e like me na oleloike e hooiaio ana no ia pepehiia ana ma ka po o ka Ia 4 o keia mahina, ma ka Po.'ilua o ka pule i hala aku la e ka Hope Luna kanawai Hcnry Lai Hip. Ma ka manawa o ka hoo'.oheia ana o keia hihia o ke Kauka Whitman o Hakalau ka mea nana kekahi oleloike koikoi loa ma ka aoao o ke aupuni; ma kana hoakaka ma kona manawa i kipa aku ai e ike ia Mrs. Kelekolio maloko o kona home ma ka la 5 o Aukake nei ua nui ka eha i loaa ia Mrs. Kelekolio ma kona helehelena, ma na lima a ma ke kino. Ua uliuli a kohu uwala pulehu na maka, ua pehu na papalina, ua kapakahi ka ihu i kalii e, a o ka umauma ame ka opu he uli walo no. Ma ka ninaninauia ana hoi o ke kane hoike imua o ka aha, i kona manawa ka i koi ai i ka wahine e hoi i ko laua hale ua hoole ka wahine, ma ka manawa a na o ke kii ana ae ma ka hale o Hattie Kamaile. No ka hoole o ka wahino i ka hoi pu me ia ua hopū mai la ka oia i ka lima a hoomaka aku la ke kauo ina, |a no ka ikaika o ia huki ana aku ana ua walawala ka wahine iluna o ke lapii kiekie o ka halo a o ke kumu hoi o kona eha ana, wahi ana.