Ka Nupepa Kuokoa, Volume LXII, Number 34, 23 ʻAukake 1923 — Waihoia ka Hikia Pepehikanaka o Molokai i ke Kiure Kiekie Elua Mau Hoike i Ike i ka Pepehiia Ana o Wai Bow Pela ka Laua Hoakaka ma ka Aha Ninaninau i Malamaia ma Wailuku [ARTICLE]

Waihoia ka Hikia Pepehikanaka o Molokai i ke Kiure Kiekie

Elua Mau Hoike i Ike i ka Pepehiia Ana o Wai Bow Pela ka Laua Hoakaka ma ka Aha Ninaninau i Malamaia ma Wailuku

I kulike ai me na hoike i loaa mai i Honolulu nei, ua waiho loa ia aku la ka hihia pepehikanaka o Edward K. Duvauchelle, ame kana mau keiki, ekolu imua o ke kiure kiekie, mahope iho o ka ninaninauia ana o kekahi mau hoike, imūa 0 ka Lunakanawai Kaapuni James J. Banks m& Wailuku, ma ka Poalima aku nei i hala, me ke kauia ana o ko lakou bona ma kahi o ka $5000 pakahi. Iwaena o na hoike i ninaninauia imua o ka Lunakanawai Kaapuni Banks, he ekolu he mau kanaka i hele pu me E. K. Duvauchelle i ka lawai'a, ma kela po, i pepehiia ai o Wai Bow a make, no lakou na inoa o John Healey, Charles Eodrigues ame John Cockett. Ike 1 ka Pepehi Ana He hookahi hoike, i hoakaka ke imua o ka aha, nd kona ike pono ana i ke karaima pepehikanaka i hanaia maluna o Wai Bow, oia o John Healey, nona na makahiki he 32. Wahi ana, oia pu kekahi i hole 1 ka lawai'a me ka ohana Duvauehelle, ma kela po o ka hanaia ana 0 ke karaima. Ua hele aku lakōu e kuu i ka upena iloko o ke kai, ma kahi e kokoke ana i ka lokoi'a o Wai Bow, a ia lakou i huki mai ai 1 ka upena i knla, ua hele aku la na Duvauchelle eha, ame Suga, he Kepani, a o ke poo lawai'a hoi, no kahi i ikeia aku ai o Wai Bow i ka hele mai. Ma kana hoike, ua ike oia i ka lele ana aku o k§la poe apau e hopu ia Wai Bow mahope mai, lohe aku la oia i ke pa-hu ana o kekahi kino iloko o k awai, me ka leo kapalili, a mahope mai o kela manawa, u??, meha loa iho-la. Ua hoakaka pu ae oia, i kona ike ana i ka hauhoaia o ke kino o Wai Bow i ke kaula, a ua ike hoi i ke kau ana o ka ohana Duvauchelle ame Suga iluna o ka waa me ke I kino o Wai Bow, no ka lawe ana e kiola iloko o ke kai, a mahope iho 0 ke leiola ana i ke kino, i hoi hon mai ai lakou nouka o ka aina. Ma ka olelo a keia hoike, ua papa loa ia aku oia e Duvauchelle, aole e kamailio iki i kaoa mau mea i ike ai ma kela po, o lilo ia i kumu e kau aku ai he hoopa'i maluna ona, nolaila ua noho hamau loa oia mai kela manawa mai, aole i kamailio i iki, no ke karaima i hanaia. 0 ka lua o na hoike i ninaninauia, oia o Charles Bodrigues. Oia pu kekahi i hele i ka lawai'a ma kela po, me ka ohana Duvauchelle; ua kulike kana oleloike, me ka John Healey. Mahope iho o ka hanaia ana o ke karaima pepehikanaka, ua olelo ae keia hoike, i ke kamailio okoa ana aku o Suga, kela Kepani i lawe okoa ae ai i kona ola he mau pule wale ae nei no i hala, no ka make ana o Wai Bow, a e noho hamau oia, aole e kamailio i kekahi mea e pili ana, i kona make ana. j Uuku Kana Mea i Ike O ka ekolu o na hoike i ninaninauia, oia o John. Cockett, wahi ana, he uuku loa kana mau mea i ike. Oia pu kekahi i hele i ka lawai'a ma kela po, a oiai oia e kakali ana me kekahi poe e iho o lakou, o ka huli hoi aku o Duvauchelle me na keiki, ua ike mai la oia i ka oili ana aku o kekahi mea me ke kukui helepo, mai ka home aku o Wai Bow, a no kela kukui kahi a Duvauchelle ma e hele aku ana, a o kana mea i ike mai mahope iho, o ia no ka pio ana o ke kukui, me kona lohe pu ana mai, i ke pa-hu ana aku o kekahi mea iloko o ka wai, ame ka lohe ana i ka leo kapalili. Ua hoakaka pu ae keia hoike, i kona ike ana i kekahi mau kanaka elua iluna o ka waa e holo ana i ka moana, aole nae e hiki iaia ke hoomaopopo mai i ko laua mau helehelena. Ua ike pu oia i ka hele ana o John Duvauchelle, no kahi i waiho ai o ka waapa lawai'a ka Molokai'», alaila hoi hou aku oia no kahi a kona mau hoa e kakali mai ana. Ke Kumu o Kela Hana Karaima 0 kekahi mau hoike e ae i ninaninauia, oia ka wahine a Wai Bow, ua mare hou nae i ke kane, kona makuahonawai, ame ka Makai Nui Crowell. Wahi a ka wahine a Wai Bow, 1 ka manawa i weheia ai o ke kikina amaama i ka mahina o Maraki, 1916, aohe amaama i ikeia maloko o ka loko, a he elua ana mau manawa i ike ai i na hoa o ka ohana Duvauchelle maluna o ka aina o Wai Bo?r.

Ma ka hoakaka hoi a ka makuakane o Wai Bow ; ua hoalaia aku oia e kana keiki ma kela wanaao i nalowale ai oia. e holo no Pukoo, no ke kii ana i kekahi mau ukana, i ka wa e ku mai ai o ka mokuahi, me kona hoole ana ae, i na mea i kamailioia e ka aoao pale, no kona ike ana ia Duvauchelle makua ma ke awakumoku, ua hoole loa ae oia no kona ike ana i kekahi o kela ohana malaila. I ka waiho ana aku i ka hihia o ka makuakane ame kana mau keiki ekolu, imua o ke kiure kiekie, ua hoakaka ae ka Lunakanawai"Kaapuni Banks i kona manao, no ka maopopo loa o ke karaima i hanaia. Ke Nanaia Aku Nei ka Hopena Eia na loio o keia Teritore, ame ka lehulehu no hoi apau, ke nana aku nei i ka hopena o keia hiha, me ka manao, o ka olelo hooholo e hoopukaia mai ana e ka aha, e lilo ana ia i kumu alakai no na hihia o keia ano ma keia hope aku. O kekahi o na kumupale ikaika loa, ma ka aoao o ka poe i hoopiiia, e hoalaia mai ana, ma ka manawa e hooloheia ai ko lakou hihia, ina nei no ka loaa o na kumu hoopii hoahewa, e ku-e ana ia lakou, no jke karaima pepehikanaka, o ia no ka hoikeia ae o ke kino make o Wai Bow imua o ka aha, i maopopo ai, ua pepehi i'o ia oia. j Aia he mau hihia lehulehu e ku nei i keia manawa, i hoopukaia ka olelo hooholo ma kekahi mau mokuaina, e hookuu ana i ka poe i hopuia no ka hewa pepehikanaka, no ke kumu, aole i loaa ke kino make, o ka mea i pepehiia; aka nae ma ke"kahi mau mokuaina, ua kaokoa ae ka olelo hooholo i hnawiia mai. j Mamuli o ka like ole o na olelo hboholo i hobpukaia ae o kēkahi mau aha, ma na hihia eliko me keia, o ia ka loaa ole o ke kino, o ka mea ji pepehiia; e lilo ana ka hihia o ka ohana Duvauchelle, i hihia a na loio o Hawaii nei, e nana aku ai mt r.a īuniiao hialani.