Ka Nupepa Kuokoa, Volume LXII, Number 34, 23 August 1923 — Komoia ka Punana o na Hana Ku-e Kanawai e Hopu e ka Ilamuku Cox Loaa Aku na Omole Rama he Mau Haneri Maloko o ke Kalapu Hoohauoli Pela me Kekahi Mau Wahine Elua no ka Hana Haumia [ARTICLE]

Komoia ka Punana o na Hana Ku-e Kanawai e Hopu e ka Ilamuku Cox

Loaa Aku na Omole Rama he Mau Haneri Maloko o ke Kalapu Hoohauoli Pela me Kekahi Mau Wahine Elua no ka Hana Haumia

Hoko o ka nanea ame ka palaka, i hoea akn ai ka Ilamuku Amerika Osear P. Cox me kona mau kokua, ma ke Kalapu Hoohauoli o ke Alanui Miller, ma ka hora eiwa, o ka po o ka Poakolu o ka pule aku nei i hala, a paa mai o Crane Almeida, ka lunanana hana paipu me sua o ke Kulanakauhale a Kalana o Honolulu nei i ka hopuia, peln hoi me Henry Adams, ma ke ano o laua na ona no laua kela kalapu pela me kekahi mau wahine elua, no laua na inoa o May Nelson ame Ida Bleach, ame kekahi poe e ae, o ka loaa ana aku maloko o k'ela kalapu. Ua nui ka waiona i loaa aku i na kanaka o ke aupuni federala maloko o kela kalapu, a ma kahi o ka 300 mau omole vraina, bia, okolehao ame ka wisake, i kaa mai ! malalo o ka malu o na kanaka 0 ke aupuni, a lnweia ae no ka hale aupuni federala. Loihi ka Hoohanaia Ana Ma ka oleloia, he mau mahina ae nei ka loihi o ke ku ana o kela kalapu, ma kana mau hana hakihaki kanawai, a ua loaa aku na ike 1 na luna oihana federala no na hana e lawelaweia ana maloko olaila, nolaila, me kekahi palapala hopu, i hoea aku ai ka ilamuku Amerika Cox, na Hope Ilamuku O. F. Heinie ame fttax F. Matson ma ka hora eiwa o kela po Poakolu, a hopu aku la i ka poe maloko olaila, me ko lakou piha me na manao kahaha. Mahope iho o ka paaia ana o Crane Almeida ame Harry Adams, 0 ka īlamuku Cox no na hora elūa, ua Hookuu hou ia laua, mamuli o ka waiho ana ae o ko laua loio i ka bona, o hookahi . kaukani dala pakahi; a ma ka Poaha ae, i waiho aku ai o Crano Almeida i kona kulana oihana malalo o ke kulanakauhale o Honolulu nei. ! Piha i ka Poe Makaikai Mahope iho o ka lohe ana o ka j poe e noho kokoke ana ma ke ala- j nui Miller, no ka hopuia ana o ke Kalapu Hoohauoli o ke Alanui Mi- j la, ua hele ke alanui a piha i ka j poe makaikai, a ua hookahaha pu ia hoi ko lakou manao, i ka wa i!

ike mai ai i na pahu rama, i laweia ae a hoahu ma ke alanui, a he ekolu huakai a ke kaa makai o ka hoohikihiki ana, ahiki i ka pau ana o ka waiona, O ka bia, ka waina, ka okolehao ame ka wisake na rama i loaa aku maloko o kela Kalapu Hoohauoli o ke Alanui Miller. Komoia na Wahi e ae Aole i pau ka hana a ka Hamuku Amerika Cox ame kona mau hope ma kela hopuia ana o na ona no laua ke kalapu hoohauoli o ke alanui Miller, aka i ka wa i kaa aku ai na lawehala malalo o ka malu 0 ka Loio Amerika Carden, ua mio aku la lakou, no na hale inu waimomona ma Aala ame ke alanui BeritaniaMaloko o kekahi o kela mau hale, 1 loaa aku ai ka okolehao i na luna oihana federala maloko o kekahi pij ka, a kaa mai malalo o ko lakou malu, me ka hopuia ana aku o kejkahi mau Kepani elua, no laua ia hale, oia o Yamanaka Soichi ame Desebaro i ka hopuia. I Aole malaila wale iho la no pau jka hana a ka Ilamuku Amerika Cox ame kona mau kanaka, aka ma kekahi wahi, aole no i mamao loa, mai ka hale mai i hopuia iho la na Kepani elua, i paa aku he Kepani nona ka inoa o K. Yama i ka hopuia. Ua hoao keia Kepani e ku-e inai i ka hana a na kanaka o ke aupuni, ma ka hoao ana, e ninini i ka okolehao, eia nae, i wahi e holopono ole ai ia hana, ua konoia mai ka Hope Ilamuku Heinie, e hahau aku i ke kumu o kana pu panapana ma ke poo o kela Kepani, pela iho la i kaa mai ai ka okolehao malalo o ko lakou nei malu. < O keia ka hooko ana o ka Loio Amerika Carden i kana mau mea i hoakaka ae ai mamua aku nei, e komo pu aku ana kona keena, ma ke kokua ana i ka Ilamuku Amerika Cox, ma ka hopuhopu ana i na punana o na hana ku-e i ko kanawai waiona, ame na punana o na hana hakihaki kanawai e ae, na wahi i hiki ole ia John Colburn, ka luna hooko i ke kanawai hookapu waiona maanoi nei.