Ka Nupepa Kuokoa, Volume LXII, Number 34, 23 ʻAukake 1923 — Nuhou Kuwaho [ARTICLE]

Nuhou Kuwaho

HONGKONG, Kina, Aug. 19.—Ua oi aku mamua o k ahaneri poe i piholo a make iloko o ke kai a he aneane no i ka haneri ka poe i make a i hoehaia mauka o ka aīna mamuli o ka hana a ke Taifuni. I kulike me ke koho a na luna aupuni he kanalima mau -waapa lawaiTs a na Pake ame na moku i kahuli a he lehulehu aku mau waapa i piholo i ka hohonu, a lie lehulehu o na kanaka i paa pu maloko o na hale a i lilo lioi i mau lua kupapau no lakou i ka manawa i hiolo ai na hale. ATHENS, Aug. 19.—He koi ukuhana kiekie a he olohani hoi i aneane loa e pahola ma kela ame keia wahi o ke aupuni o Helene ka i hoomakaia ma ka Poaono, a ke pahola loa aku nei. Ke hoao nei ke aupuni e kinai a ke hooikaika nei hoi e hanaia kekahi mau liana maopopo i mea e maopopo ai ka loaa mai o na lako meaai. TOKIO, lapana, Aug. 19.—Ua manaoia ka waiho ana mai o ka Barona Kato i ke kulana kuhina nui no lapana nei he mea maopopo loa. Oiai kona kulana ma'i ua nana ia aku aole no he koikoi loa e poino ai kona ola, eia nae he kanaka ma'i niaoli oia i keia manawa, a ua manaoia he hana maopopo ole ka hiki iaia ke auamo i ke koikoi 0 ka hana o kona keena no kekahi wa loihi hou aku. PENSACOLA, Aug. 19. —Eha mau kanaka ame hookahi wahine i make 1 keia la i ka manawa o kekahi mokuea o ka oihana kalepa, a e pailakaia ana e Albert J. Whitted 0 St. reteroboro, Pelorida, i haule iho ai iloko o ke kai ma ke kaikuono o Santa Sosa, he walii he 40 mile ka mamao mai Pensacola nei aku, i keia la. TORONTO, Aug. 19.—Ewalu poe 1 make mamuli o ka papaa ana i ke ahi i keia la maloko o ka Hokele Wana ma kapa o ka lokowai Bays ma Muskoka, Ontario, elike me "ka hoakalea a na luna nui o lee alanui kaaahi Lahui Kanada, na ona o ka hokele HONGKONA, Kina, Aug. 19. — Ma ka po aku la i hala kc komo ana mai o ka moku Amerika Josefina me na aliimoku Paniolo ame kekahi. mau luina Pilipino a e holo ana mai Manila aku no Nagasaki, i komo mai i ke awa o Hongkong nei iloko o ke kulana koikoi loa 0 ka poino, mamuli o ka loaa ana 1 ka makani ino he taifuni ma ka pule aku la i hala. HARBIN, Aug. 10. —O na kanikela Amerika, Pelekane, Palani ame Kepani a pau ua lokahi ko lakou mau manao ma ka hoopaa ana maloko o kekahi palapala hoohalahala e ku-e ana i ke Kenerala Chang Eso Lin mamuli o kana hana, o ia hoi kona lawe ana me ka limaikaika i ko keena aina o ke alanui kaaahi Pake ma ka hapa Hikina loa 0 Kina, me ko lakou hoakaka ana 1 ko lakou mau manao he hana ku-e loa ia ana i hana ai i ka aelike hoopau lako mea kaua i hooholoia ai ma Wakinekona. Ua kau a hoopili lakou i ko lnkou mau sila oihana maluna o kekahi pahu maloko olaila i hoopaaia ai na palapala kuai o ka aina i hoopaapaaia. NU lOKA, Aug. 19.—Aneane loa, 2,000 mau kanaka o na lahui e hoohuiia mai me ka lahuikanaka Amerika i keia la ma ke awakumoku 0 Nu loka, a ia manawa hookahi aia mawaena o ka 12,000 ame ka 13,000 poe maluna o na mokuahi ma ke awa e kakali mai la no ko lakou aeia moi e hoea aku i ka mokupuni Ellis. ♦ . Ua ikeia ka lako maoli o kekahi mau kanaka Hawaii i hoi aku nei ma Molokai i na kaa nunui lawe ukana, a ke hoohanaia mai nei keia mau kaa, a ma na lono e laweia mai nei, ua nui ka hana, a ke paa mau nei keia mau kaa i ka hana lawe ukana. O ka makemake ia o ka hoihoiia ana aku nei o na kanaka Hawaii ma kela mau aina. He mau kaa loaa ole kela i na kanaka Hawaii, ina aole lakou i hoi aku nei 1 kela aina. Eia aku na hana nui ma Molokai a hiki mai. Eia ka Hui hana halakahiki o Libby ma a hoonui ae i na hana ma ko lakou mau aina i hoolimalima mai nei mai na keiki mai a Cooke.