Ka Nupepa Kuokoa, Volume LXII, Number 34, 23 August 1923 — Nuhou Kuloko [ARTICLE]

Nuhou Kuloko

Ma ka la 10 o ka mahina ae nei o Sepatemaba, e hoomaka hou ai na kula aupuni apuni keia Teritore. Ma k ahora ekahi me ka hapa o ka auwina la o keia Sabati iho, e noho ae ai ka halawai a ke Kalapu Demokarata o ka mahele 11, apana elima, maloko o ka halekula o Kaiulani. Ma ka halawai a ka papa lunakiai o ke Kulanakauhale a Kalana 0 Honolulu nei, o ka noho ana ae, nia ka po o ka Poalua aku la i hala, 1 aponoia ae ai me ka lokahl, ke koho a ka hui Hawaiian Contracting Co., no na hana hou i manaoia no ka apana o Kaimuki. Iloko o ka aha a ka Lunakanawai Federala De- Bolt, ma ka Poalua nei, i hoole ae ai o Crane Almeida ame Harry Adams, no ko laua pili ole i ka hewa, i hopuia ai laua no ka malama waiona ame na wahine no na hana haumia, maloko o ke Kalapu Hoohauoli o ke Alanui Miller. Mahope iho o ka hoohala ana i kekalii mau la he umi ma ka Mokupuni o Hawaii, i huli hoi mai ai ka Puuku Henry C. Hapai no Honoluln nei, ma ka mokuahi Haleakala, o nehinei. E weheia ana he kula a'o kuke ma ka Poakahi ae nei me ka uiu ole a i noa hoi i na mea apau, e hoomaka ana mai ka hora 9 a ka 11, ma 'ka Mission Memorial Hall, malalo o ko a'o ana a Miss Bessie Galvin, kekahi o na wahine i kaulana i ke akamai kuke malalo o na ano hou o Keia au. Ma ka halawai a na komite kalana, o Oahu nei, o ka malamaia ana ae, ma ka auwina la o ka Poakahi aku la i hala, i kohoia ai o J. C. Cohen, i lunahoomalu no kela komite kalana, a o Harry T. Milla i kakauolelo. I kulike ai me na lono i hoea mai i Honolulu nei, ua hookuuia mai nei o E. K. Duvauchelle ame kana mau keiki, mamuli o ka loaa ana o ko lakou mau bona pakahi, elike me ka huina i kauia e ka Lunakanawai Kaapuni Banks. He keiki Pukiki o John Feritas ka inoa, a nona hoi na makahiki he umi, ka i holo mahuka maluna o ka mokuahi Maui, eia nae ua loaa pono oia ma ka moana, a hookauia mai maluna o ka mokuahi Manoa, no ka hoihoi hou ia mai i Honolulu nei, me ke poho wale o kona mau manaolana e ike ia Anierika. I kulike ai me ke kauoha i hoopukaia ae e ka aha kiekie, ua makemakeia. ka Lunakanawai Hoomalu Soares, e hoea aku imua o kela aha, no ke kupale ana iaia iho, mai na kumu hoohalahala mai i waihoia ae e ke keena o ka loio kuhina, no ka hoopau ana iaia mai ka noho lunakanawai mai. Ma ka Mauna Kea o keia ahiahi, e holo aku ai he iwakalua-kumama-lima poe makaikai, noluna o Haleakala, e hoea hou mai ai lakou no ke kulanakauhale nei, ma ke kakahiaka o keia Sabati ae. Ma ka noho ana o ka halawai a ka papa o na lunakiai ma ka po iho nei o ka Poalua, i hooholoia ai, e haawi i na Repubalika, i ka hale puhiohe ma Aala Paka, ma ka po mamua iho o ke koho baloka wae moho, a i na Demokarata hoi, ma ka po mamua iho o ke koho baloka laula. Ma ke kudalaia ana o ka hokele o Kaneohe ma ka Poaono aku nei i hāla, i lilo ai i ka mea koho kiekie loa, no ka huina o $10,000. Ua emi loa iho kela mau dala i kohoia ai, mamua o na koi e ku-e ana i ka poe na lakou i kukulu i kela hokele. No ka hoomakaukau ana i na alahele e hoopakeleia ae ai ke Kulanakauhale a Kalana o Honolulu nei, mai na poino mai, a ka ua ame ka makani, i hoounaia ae ai na limahana, no ka holoi ame ka hoomaemae ana i na lua hookuuwai, ma nr> ?lanm lehulehu o ke kulanakauhale nei, a malalo o na uwapo. Ma keia Poakahi e hoomaha ai ka lunahooponopono o keia pepa, no na pule elua, mamua o kona hoi hou ana mai ma kona keena hana, a oiai oia e kaawale aku ana, e kaa ana ia Mr. J. K. Nakila, kona hope ka hooponopono ana i na hana apau i pili ika nupepa. . Ma ka hora ekahi me ka hapa o na kahuma'i ame na lunanana malama ola a ka papa ola maloko o ke keena o ka papa ola ma ka Poakahi nei i hoikeia ae ai ke kiekie maoli o ka nui o na make mawaena o na bebe ma Hawaii nei he 30 pakeneta o ka lahui mamua o kekahi mahele aina maloko o Amenka.

O ka mokuea helu 47 i lele ai 110 Hilo ma ka Poakahi nei a i loaa ai i ka ino a kuu iho 1 ailoko o ke kai mav?alio mai o Laupahoehoe, a i haalelei'a ai e na kanakn, ua koloia aku ia a hoea i Hilo, elike me ka lono hope i hoikoia ae i Puuloa a i hoikeia mai hoi i ke kaona nei. He , liilii loa kona wahi i poino a "ua hoihoi hou ia mai i Oahu nei.