Ka Nupepa Kuokoa, Volume LXII, Number 34, 23 August 1923 — MAU KA HOPUIA O NA WAHI INU WAIONA. [ARTICLE]

MAU KA HOPUIA O NA WAHI INU WAIONA.

Mo kela manao paa, e aku i na ipuka, o na wahi e lawelaweia mai nei na hana inu rama, ma ke ano i ku-e i ke kanawai, maloko nei o kela kulanakauhale, eia ka Loio Amerika Carden, me ka Ilamuku o=car P. Cox, ke hoomau mai nei i ka hopuhopu ana, i ka poe e malama mai nei he mku wahi inn oko]ehao, ko lakou ma keia kulanakau3iale. Ma ka Poalima aku nei i hala, i ka .wa ao okoa no, ma ka auwina ]a o kela la, he elna mau wahi i komoia e ka Uamuku Ameīika Cox .ime kona mau hoa, me ka paa ana ae o na ona no lakou kela mau Tvahi, pela hoi ke kaa ana aku ma•alo o ko lakou malu, na hoike maopopo loa, o ka lakou mau hana hakihaki kanawai. O na hale i komoia e na luna oihana fedcrala ma kela auwina la, o ia no ka Aloha Parlor ame ka Favorit, ma ke alanui Moiwahine nku, me ka hopu pu ia ana o na mea no laua kela mau wahi. Ma ka oleloia, no kekahi mau maJ:ina lehulehu ae nei i hala, ka hoohana ana o kela mau wahi i na hana hakihaki kanawai, me ka hoopji okoa ia ana aku imua o na kanaka o ke aupuni, e na akena o na mokuahi maanei nei, no ka hoolakoia o na luina moku, i ka waiona mai kela mau hale aku, a o keia ke kumu o ka hele ana aku o ka Ilamnku Cox me kona mau hope, e hopuhopu i ka poe ku-e kanawai. Maloko o ka Aloha Parlor, wahi a ka Ilam uku Amerika Cojc, he wahine ka mea nana e kiai ana i kela | wahi, ua nanea loa ka ua wahine ] uei. i ka paani pepa hahau me kekahi mau kane elua, aole oia i ike mai i ko lakou komo ana aku, me ka holo pololei ana o ka Hope Ilamuku Heine no ka hale maluna, a kTS aku la hoi o Cox ma kahi e kokoke ana i ka bele hoailona. Hookahi galani okolehao, me hookahi galani wisake i loaa aku i na kanaka o ke aupuni maloko o kela wahi. He hora mahope mai, ua hoea hou la no na luna oihana federala noloko o ka, Pavorite, ma kekahi

aoao mai o ke alanui, e kupono ana i ka Aloha Parlor, me ka loaa ana no o ka okolehao maloko o kola wahi, eia nae, ua hoao ka ona nona kela wahi, e ninini i ka okolehao iloko o kahi holoi-pa eia nae, ua aumeume na kanaka o ke aupuni, ahiki i ko koe ana mai o kekahi okolehao, i hoike ma ka aoao o ke aupuni, no ka pili o k aona nona kela hale i ka hewa. Ma ka Poakahi iho nei hoi, i hoea hou aku ai na kanaka o ke aupuni, ma kekahi halekuai inu waimomona, e pili kokoke ana i ka uwapo 16, a paa mai i ka hopuia he [hookahi Kepani, me kekahi kaikamahine Kepani opio, me ka loaa pu o ka okolehao maloko olaila. j Aole malaila wale iho la no pau ka hopuhopu ana a ka Hamuku Cox ame kona mau hope, aka ua hoea aku lakou ma kekahi hale ma ke alanui i»auahi, a paa hou mai he Kepani i ka hopuia no ke kuai okolehao, pela pu me kekahi kaikamahine Kepani opio. Aole o ka hopuhopu wale no i ko poe ku-e i ke kanawai hookapu waiona, ka hana nui a ka Loio Amerika Carden ame ka Ilamuku Cox, e hana mai nei, aka o ka lawe pu mai kekahi he mau hoopii e ku-e ana i na ona no lakou na waiwai, | i loaa aku ai ka poe kuai waiona. me ka manaoio, he alahele ia e hoemiia mai ai ke kuai akea ia o ka waiona ma keia kulanakauhale.