Ka Nupepa Kuokoa, Volume LXII, Number 34, 23 ʻAukake 1923 — KE MAKAALA LOA MAI NEI KA OIHANA MAKAI [ARTICLE]

KE MAKAALA LOA MAI NEI KA OIHANA MAKAI

j Me ke akahele loa ka oihana makai e hookuikui mal nel i na pauku kaulahao o na oleloike no ka hoopuni ana i ka poe i komo pu iloko 0 ke kaīaima pepehikanaka kohu holoholona i make ai o Franciss Wrig'nt ma Kalihi ma ka po Sabati 1 hala iho la. Ke paaia mai nei e ka Makai Nui Hose kekahi apana paipu keleawe aneane elua kapuai ka loa a he ekolu hapaha iniha ke anawaena, he paipu i loaa aku ma kahi kokoke i pepehiia ai o Wright. Ma ka manaoio o ka Makai Nui Rose, o keia paipu keleawo i loaa aku ai me ia paipu i hahauia ai ke poo o Wright e kekahi o na Pilipino mahope o ke alualu ia ana mai me ke ki mau ia mai o Wright me ka pu panapana ahiki i kona hina ana ilalo a hahauia iho me keia paipu. I kulike me ia a ka Makal Nui Rose o ka hoike ana ae ma ka Poalua nei o kekahi o na Pilipino ewalu e paa mai la iloko o ka lialepaahao ka i hoike ae ma kona manawa o ka ninaninauia ana iaia keia paipu kahi i paa ai iloko o ka manawa o ka hakaka ana, a na keia Pilipino i* kuhikuhi i kahi o keia paipu ana o ke kiola ana i ka manawa ana o ka holo ana mai kahi aku o ke karaima i hanaia ai. 0 na Pilipino ewalu i paa ae ai i ka hopuia a hoopaaia aku maloko 0 ka halepaahao ua hookaawale" loa ia lakou niai kahi aku o na paahao e ae, me ko lakou noke mau ia aku 1 ka nienieleia, a me he mea la mamuli o ia nieniele mau ia ana i hoike okoa mai ai kekahi o ia poe i kahi o keia paipu e loaa ai. Ua loaa ka manaoio i ka Makai Nui Rose, mamua o ka pau ana o keia pule e lawa loa ana na oleloike oiaio e liiki ai ke ahewaia ka poe i hawaha'wa maoli na lima i ke koko o Wright a o ia poe oluna o ka amanalikanaka kahi kupono loa e uku aku ai no lakou pakahi.